Hizkuntza familia: berrikuspenen arteko aldeak
tNo edit summary |
t Xabier Armendaritz wikilariak «Munduko hizkuntza familiak» orria «Hizkuntza familia» izenera aldatu du: artikuluaren gaiari dagokion izenburua |
(Ez dago alderik)
|
12:58, 3 urtarrila 2018ko berrikusketa
Hizkuntza familia jatorritzat aitzin-hizkuntza bera duten hizkuntzek osatutako taldea da. Hizkuntza askotan, ezaguna da zein hizkuntza familia dagokion. Euskararen kasuan, ezezaguna da zein duen jatorriko hizkuntza; beraz, hizkuntza familiarik ez duela esan ohi da, eta hizkuntza isolatutzat jotzen da.
Familia nagusiak
- Indoeuropar hizkuntzak
- Afro-asiar hizkuntzak
- Sino-tibetar hizkuntzak
- Uraldar hizkuntzak
- Austroasiar hizkuntzak
- Austronesiar hizkuntzak
- Dravidiar hizkuntzak
- Niger-Kongo hizkuntzak
- Nilo-saharar hizkuntzak
- Na-dene hizkuntzak
- Aleuto-eskimal hizkuntzak
Jatorri bera dutelako ahaide diren hizkuntzen familia horiez gainera, badira hainbat jatorritakoak baina eremu berekoak diren hizkuntzak bilduz eratutako familiak ere:
- Altaitar hizkuntzak
- Amerindiar hizkuntzak
- Australiar hizkuntzak
- Kaukasiar hizkuntzak
- Khoisan hizkuntzak
- Paleosiberiar hizkuntzak
- Papuar hizkuntzak
Hiztun taldeak
Munduko biztanleria 3.000 bat talde etnolinguistikotan banaturik sailkatu zen 1970eko hamarkadan egindako ikerketetan. Taldeok hiztun-kopuru oso ezberdinetan banatuta daude: hizkuntza anitz dago oso hiztun gutxi dituena; aitzitik, badaude ehunka milioi hiztun dituzten bakar batzuk ere.
Hiztun horien jatorrizko hizkuntza bakarrik aintzakotzat hartuta egindako hurbilpen estatistiko batek honelako zerbait emango liguke:
- Bost hizkuntza nagusi: txinerak 800 milioi ditu (500 milioi, mandarinerak); hindiak, 350; ingelesak, 320; frantsesak, 270; eta gaztelaniak, 210. Orotara, munduko giza biztanleen % 43.
- Hizkuntza handiak: errusierak 150 milioi ditu (ukrainera eta bielorrusiera aparte); arabierak eta bengalerak, 130 milioi bana; portugesak, 120; japonierak, 110; alemanak, 105 (yiddisha barne nahi balitz). Denera, munduko biztanleen % 20 pasatxo.
- Hamabi hizkuntza erdi-mailako: 70-35 milioi bana dituzte, eta honako hauek dira: javera, italiera, telugu, koreera, marathera, tamilera, vietnamera, turkiera, ukrainera, poloniera, gujaratera eta thailandiera. Orotara, munduko biztanleen % 14.
- Beste 2.900 etno-hizkuntza: 30-20 milioi hiztunekoak dira Indiako zenbait hizkuntza, errumaniera, nederlandera, birmaniera eta beste; 15-6 milioi bitartekoak persiera, serbokroaziera, amharera, hungariera, txekiera, suediera, katalana eta kitxua; 5-3 milioikoak daniera, suomiera, albaniera, georgiera, galegoa, guaraniera; 2 milioiren azpitik geratzen dira estoniera, esloveniera, euskara, azteken nahuatla eta abar. Multzo honetakoek eta oraindik gutxiago dituztenek munduko biztanleen % 23 eskas biltzen dituzte orotara.