KAE Ligako 2020ko denboraldia

2020ko KAE Liga

Pedreña KAE Ligako txapeldun nagusia izan zen 2020an; guztira, 8 bandera eskuratu zituen.
Datu orokorrak
Antolatzailea	Kantauriko Arraun Elkartea
Partaideak	23 talde (12+11)
Estropadak	24 estropada (12+12)
Hasiera	2020ko uztailaren 11
Amaiera	2020ko abuztuaren 30a
Palmaresa
Txapelduna	Pedreña (11,6 p.)
Txapeldunordea	San Pedro (10,7 p.)
Ohorezko tx.	Getaria (8,5 p.) Deustu-Bilbo (8,4 p.)
Jaitsiera	Donostiarra B (3,3 p.) Getxo (2 p.)
← 2019	2021 →

KAE Ligako 2020ko denboraldia KAE Liga arraun lehiaketaren hamabosgarren denboraldia izan zen. Bi mailako txapelketak uztailaren 11n hasi ziren, lehen maila Pasaiako uretan eta bigarrena Hondarribian, eta abuztuaren 30ean bukatu ziren Castro Urdialesen. COVID-19 pandemiak aurre-denboraldia eta egutegia baldintzatu zituen; esate baterako, denboraldi honetan ez zen aurrekoetan bezala lehen mailara igotzeko edota bigarren mailara jaisteko kanporaketarik jokatu, hala, KAE 2ko lehen bi sailkatuak hurrengo urtean lehen mailan arraun egingo dute eta KAE 1eko azken biak, aldiz, bigarrenean.

Denboraldi honetako txapeldun nagusia Pedreña arraun elkartea izan zen. Guztira, 11,58 puntuko batezbestekoa eta 8 bandera eskuratu zituzten kantabriarrek. Txapeldunordea, berriz, Sanpedrotarra Arraun Elkartea izan zen. Gipuzkoarrek 3 bandera eta 10,83 puntuko batezbestekoa lortu zuten. Dena den, irailaren 18an eta 19an jokatu zen igoera play-offean KAE Ligako bi ordezkariek ez zuten lehen mailara igotzea lortu. Bestetik, ohorezko txanda Getariak eta Deustu-Bilbok osatu zuten; bilbotarrek, gainera, 6. jardunaldiko bandera eskuratu zuten.

Sailkapenaren beheko aldean, bestetik, Getxok (1,83 puntu) eta Donostiarraren bigarren traineruak (3,17) maila galdu zuten. Getxoztarrak 4 estropadetan motelenak izan ziren eta lortutako postu onenak bi 10. postu izan ziren. Donostiarrek, azkenik, beherakada handia izan zuten, aurreko denboraldian laugarren izan ostean 2020ko aldaketa handiek maila galtzera bultzatu baitzuten.

Bigarren mailari dagokionez, Sociedad Deportiva de Remo Castreña elkarteak nagusitasun osoz irabazi zuen txapelketa eta hurrengo denboraldian lehenengo mailan arituko da Lapurdirekin batera.

Lehenengo maila

Partaideak

Guztira, 12 elkarte izan ziren hamabosgarren denboraldian parte hartu zutenak; horietatik 6 gipuzkoarrak izan ziren, 4 bizkaitarrak eta 4 kantabriarrak. Aurreko denboraldiarekin alderatuz gero, berritasuna Astillero, Getxo, Orioren B trainerua eta San Pedro elkarteen parte hartzea izan zen. Bestetik, 2019an igoera lortu ostean, Zarautz Arraun Elkarteak TKE Ligan arraun egin zuen 2020ko denboraldian.

Kolorea	Izena	Arraun Elkartea	Trainerua	Entrenatzailea	Udalerria (Herrialdea)	2019
	Arkote	Arkote Arraun Taldea	Plentzitarra	Gorka Etxeberria	Plentzia (Bizkaia)	7.a
	Astillero	Sociedad Deportiva de Remo Astillero	San José XV	Javier Pérez	El Astillero (Kantabria)	12.a (TKE)
	Camargo	Club de Remo Valle de Camargo	Virgen del Carmen	Pedro Gabancho	Camargo (Kantabria)	8.a
	Deustu-Bilbo	Deustu Arraun Taldea	Tomatera	Alexander Esteban	Deustu, Bilbo (Bizkaia)	2.a
	Donostiarra B	Kaiarriba Arraun Elkartea	Torrekua II	Hegoi Intxauspe	Donostia (Gipuzkoa)	4.a
	Getaria	Getariako Arraun Elkartea	Esperantza	Jon Larrañaga	Getaria (Gipuzkoa)	3.a
	Getxo	Getxo Arraun Elkartea	Goizeko izarra	Eneko Van Horenbeke	Getxo (Bizkaia)	3.a (KAE2)
	Orio B	Orio Arraunketa Elkartea	San Nikolas	Anjel Mari Larrañaga	Orio (Gipuzkoa)	1.a (KAE2)
	Pedreña	Sociedad Deportiva de Remo Pedreña	Seve Ballesteros	Ángel Gómez Bedia	Pedreña, Marina de Cudeyo (Kantabria)	6.a
	San Juan	Pasai Donibane Koxtape Arraun Elkartea	Erreka	Jose Luis Korta	Donibane, Pasaia (Gipuzkoa)	5.a
	San Pedro	Sanpedrotarra Arraun Elkartea	Libia	Mikel Arostegi	San Pedro, Pasaia (Gipuzkoa)	11.a (TKE)
	Zumaia	Telmo Deun Arraun Kirol Elkartea	Telmo Deun	Iñaki Larrañaga	Zumaia (Gipuzkoa)	9.a

Estropadak

Denboraldi honetan 12 estropada eta bandera izan ziren jokoan.

Z.	Izena	Lekua	Data	Txapelduna
1.	XXI. Kepa Deun Arrantzaleen Kofradia Ikurrina	Pasaia, Gipuzkoa	2020ko uztailaren 11		San Pedro
2.	I. Ékolo Bandera	Getaria, Gipuzkoa	2020ko uztailaren 19a		Pedreña
3.	XXXV. Zumaiako Ikurrina	Zumaia, Gipuzkoa	2020ko uztailaren 25a		Pedreña
4.	IV. Adegi Bandera	Pasaia, Gipuzkoa	2020ko uztailaren 26a		Pedreña
5.	XI. Getariako Estropada	Getaria, Gipuzkoa	2020ko abuztuaren 8a		Pedreña
6.	6. jardunaldia / KAE Liga	Getxo, Bizkaia	2020ko abuztuaren 9a		Deustu-Bilbo
7.	L. Bandera Ciudad de Santander	Santander, Kantabria	2020ko abuztuaren 15a		Pedreña
8.	XV. Bandera Marina de Cudeyo	Marina de Cudeyo, Kantabria	2020ko abuztuaren 16a		Pedreña
9.	XVII. Algortako Portuzarra Ikurrina	Getxo, Bizkaia	2020ko abuztuaren 22a		Pedreña
10.	10. jardunaldia	Getxo, Bizkaia	2020ko abuztuaren 23a		San Pedro
11.	I. Bandera del Comercio y de la Hostelería de Castro Urdiales	Castro Urdiales, Kantabria	2020ko abuztuaren 29a		Pedreña
12.	XLVIII Bandera Ciudad de Castro Urdiales	Castro Urdiales, Kantabria	2020ko abuztuaren 30a		San Pedro

Sailkapena

Emaitza	Arraun Elkartea	Puntuak1	1	2	3	4	5	6	7	8	9	10	11	12	Banderak	Lorpena
1.	Pedreña	11,58	11	12	12	12	12	10	12	12	12	11	12	11	8	Igoera play-offa
2.	San Pedro	10,83	12	11	10	9	11	11	11	11	9	12	11	12	3
3.	Getaria	8,70	10	10	5	11	-2	-2	7	8	11	6	10	9	-	Ohorezko txanda
4.	Deustu-Bilbo	8,17	9	6	8	10	10	12	4	5	10	103	8	6	1
5.	Arkote	7,75	8	9	9	7	9	8	8	10	2	9	7	7	-
6.	San Juan	7,33	7	8	11	8	8	9	9	1	6	83	5	8	-
7.	Camargo	7,25	5	7	7	4	5	7	10	9	7	7	9	10	-
8.	Zumaia	4,75	3	4	6	5	7	5	3	4	5	4	6	5	-
9.	Orio B	4,08	6	2	4	3	2	4	6	6	8	3	3	2	-
10.	Astillero	3,83	1	3	1	6	4	6	1	7	4	5	4	4	-
11.	Donostiarra B	3,17	4	5	2	1	6	3	5	3	3	1	2	3	-	2021eko KAE-2 Liga
12.	Getxo	1,83	2	1	3	2	3	2	2	2	1	2	1	1	-

¹ Parte hartutako estropadetan lortutako puntuen batezbestekoa.
² Getariako arraunlari batek PCR proba bat egin ostean, positibo eman zuen COVID-19an. Beraz, arraun elkarteak ez zuen abuztuaren 8ko eta 9ko estropadetan parte hartu.
³ Deustu-Bilbok eta San Juanek 3 segundoko zigorra jaso zuten.

Bigarren maila

Partaideak

Guztira, 11 elkarte izan ziren bigarren mailan parte hartu zutenak; horietatik 4 gipuzkoarrak izan ziren, 3 bizkaitarrak, 3 kantabriarrak eta lapurtar 1. Aurreko denboraldiarekin alderatuz gero, berritasuna lehen mailatik jaitsi ziren Hibaika, Lapurdi eta Santoña elkarteen parte hartzea izan zen, baita hirugarren aldiz itsasora ateratzen ziren Santurtziren eta Zarautzen B traineruen parte hartzea ere. Bestetik, 2019an igoera lortu ostean, Getxok eta Orioren B traineruak lehen mailan arraun egin zuten 2020an. Azkenik, COVID-19 pandemiak ontzi asko lehorrean utzi zituen, besteak beste, Bermeo eta Deustu-Bilboren eta San Juanen B traineruak.

Kolorea	Izena	Arraun Elkartea	Trainerua	Entrenatzailea	Udalerria (Herrialdea)	2019
	A.N. Castro	Actividades Náuticas Castro	Portus Amanus	Agustin Vitoria	Castro Urdiales (Kantabria)	11.a
	Busturialdea	Busturialdea Arraun Elkartea	Artarri	Asier Arego	Elantxobe (Bizkaia)	7.a
	Castro	Sociedad Deportiva de Remo Castreña	La Marinera	Enrique Vitoria	Castro Urdiales (Kantabria)	2.a
	Hibaika	Hibaika Arraun Elkartea	Madalen	Imanol Cascante	Errenteria (Gipuzkoa)	12.a (KAE)
	Hondarribia B	Hondarribia Arraun Elkartea	Ama Guadalupekoa	Asier Puertas	Hondarribia (Gipuzkoa)	6.a
	Lapurdi	Lapurdiko Arraun Taldea	Xubero	Aitor Artetxe	Donibane Lohizune (Lapurdi)	11.a (KAE)
	Mutriku	Mutriku Arraun Taldea	Mutriku	Jacinto Salinas	Mutriku (Gipuzkoa)	10.a
	Portugalete	San Nikolas Arraun Taldea	Jarrillera	Jaime Ríos	Portugalete (Bizkaia)	5.a
	Santoña	Club de Remo Santoña	Virgen del Puerto	José Antonio Cuero	Santoña (Kantabria)	10.a (KAE)
	Santurtzi B	Itsasoko Ama Arraun Elkartea	Sotera	Javier Escobar	Santurtzi (Bizkaia)	-
	Zarautz B	Zarautz Arraun Elkartea	Enbata	Alexander Orena	Zarautz (Gipuzkoa)	-

Estropadak

Denboraldi honetan 12 estropada eta bandera izan ziren jokoan.

Z.	Izena	Lekua	Data	Txapelduna
1.	XIV. Hondarribiko Arrantzaleen Kofradiako Bandera	Hondarribia, Gipuzkoa	2020ko uztailaren 11		Lapurdi
2.	I. Ékolo Bandera	Getaria, Gipuzkoa	2020ko uztailaren 19a		Castro
3.	Mutrikuko Yurrita Group Bandera	Mutriku, Gipuzkoa	2020ko uztailaren 25a		Castro
4.	700. Errenteriako Udala	Errenteria, Gipuzkoa	2020ko uztailaren 26a		Hondarribia B
5.	XI. Zarautz Arraun Elkartean Ikurrina	Zarautz, Gipuzkoa	2020ko abuztuaren 8a		Castro
6.	XXVIII. Donibane Lohizune-Ziburuko Estropada	Donibane Lohizune/Ziburu, Lapurdi	2020ko abuztuaren 9a		Castro
7.	L. Bandera Ciudad de Santander	Santander, Kantabria	2020ko abuztuaren 15a		Lapurdi
8.	XV. Bandera Marina de Cudeyo	Marina de Cudeyo, Kantabria	2020ko abuztuaren 16a		Castro
9.	XVII. Algortako Portuzarra Ikurrina	Getxo, Bizkaia	2020ko abuztuaren 22a		Lapurdi
10.	Antton Bilbao Bandera	Getxo, Bizkaia	2020ko abuztuaren 23a		Castro
11.	I. Bandera del Comercio y de la Hostelería de Castro Urdiales	Castro Urdiales, Kantabria	2020ko abuztuaren 29a		Castro
12.	XLVIII Bandera Ciudad de Castro Urdiales	Castro Urdiales, Kantabria	2020ko abuztuaren 30a		Castro

Sailkapena

Emaitza	Arraun Elkartea	Puntuak	1	2	3	4	5	6	7	8	9	10	11	12	Banderak	Lorpena
1.	Castro	10,50	9	11	11	10	11	11	10	11	9	11	11	11	8	2021eko KAE Liga
2.	Lapurdi	10,00	11	10	101	9	10	10	11	9	11	9	10	10	3
3.	Hondarribia B	8,75	10	8	9	11	7	9	9	10	8	10	7	7	1	Ohorezko txanda
4.	Portugalete	7,80	7	9	8	8	6	8	8	7	10	7	-4	-4	-
5.	Busturialdea	7,08	5	7	7	5	8	5	7	8	7	8	9	9	-
6.	Mutriku	6,58	8	5	6	6	9	7	6	6	6	6	8	6	-
7.	A.N. Castro	5,5	6	6	2	7	5	6	5	5	5	5	6	8	-
8.	Hibaika	3,67	3	2	5	3	4	4	4	4	3	3	5	4	-
9.	Santurtzi B	3,25	4	3	3	4	3	2	1	3	4	4	3	5	-
10.	Zarautz B	2,75	2	4	4	2	2	3	3	2	-3	-3	-3	-3	-
11.	Santoña	1,67	1	1	1	12	1	1	2	1	2	2	4	3	-

¹ Lapurdik 3 segundoko zigorra jaso zuen abordaiagatik.
² Santoñak Zarauzko traineruari traba egiteagatik 3 segundoko zigorra jaso zuen.
³ Zarauzko Arraun Elkartearen bigarren traineruak ligan parte hartzen jarraitzeari uko egin zion, arraunlarien artean bi koronabirus kasu positibo atzeman ostean.
⁴ Portugaletek ez zuen Castron jokatu ziren azken bi jardunaldietan parte hartu, arraunlari batek COVID-19an positibo eman ostean.

Ikus, gainera

• KAE Liga
• TKE Ligako 2020ko denboraldia
• GT Ligako 2020ko denboraldia

Kanpo loturak

• KAE Ligaren webgunea