Iratiko oihana
Wikipedia(e)tik
Iratiko oihana Nafarroa Behereko, Zuberoako eta Nafarroa Garaiko basoa da, Europako pagadirik zabalena (17.195 Ha) bertan dago. Gainera, izeiak, pinuak, arteak eta flora aberatsa ditu.
Mitologiari dagokionez, basoa elezahar eta mitoen gunea da, batez ere Basajaunen bizilekuetako bat.
Eduki-taula |
[aldatu] Ibaia
Irati ibaia Urtxuria eta Urbeltza ibaiek bat egin ondoren jaiotzen da. Urrio ibaiaren urak hartu eta Irabiako urtegian sartzen da.
Ondoren Aezkoan sartu, Orbaitzeta, Orbara, Aribe eta Orotz-Betelutik igaro, Artozkin Usozko urtegia sortu eta Agoitzen Urrobiren urak eta Aosen Errorenak hartzen ditu. Ondoren Zaraitzu ibaiaren urak hartzen ditu eta Aragoira isurtzen da. Guztira 80 km luze da.
[aldatu] Animaliak
Oreinak dira oihanean topa ditzakegun animalirik handienak. Bestela, basurdeak, orkatzak, basakatuak, erbinudeak, azeriak eta azkonarrak ere basoan bizi dira, besteak beste.
[aldatu] Inguruko mendiak
Erlojuaren orratzen norabideari jarraituz, Orbaitzeta herritik hartuta, hauexek dira oihanaren inguruan dauden tontorrak:
- Ortzantzurieta (1.570 m).
- Txangoa (1.483 m)
- Urkulu (1.424 m).
- Mendilatz (1.348 m).
- Errozate (1.345 m)
- Mendizar (1.323 m).
- Okabe (1.456 m).
- Arthanolatze (1.530 m)
- Harsudurra (1.472 m).
- Orhi (2.021 m).
- Abodi (1.537 m).
- Idorrokia (1.492)
- Berrendi (1.354 m)
[aldatu] Inguruko herriak
Iparraldean, mendebaldetik ekialdera, Eiheralarre, Ezterenzubi eta Lekunberri udalerriak ditugu, Nafarroa Beherekoak.
Hegoaldean, norabide berean, Orbaizeta eta Otsagabia herri nafarrak ditugu.
[aldatu] Izena
Azken urteotan, Ane ondoren Irati da Euskal Herrian gehien erabilitako bigarren emakumezko izena.
