Leopoldo I.a Germaniako Erromatar Inperio Santukoa

Wikipedia(e)tik
Hona jo: nabigazioa, Bilatu
Leopoldo I.a Habsburgokoa
Leopoldo I.a Germaniako Erromatar Inperio Santukoa

Germaniako Erromatar Inperio Santuko enperadorea
Alemaniako erregea
1658ko uztailaren 18a – 1705eko maiatzaren 5a
Aurrekoa Fernando III.a
Ondorengoa Josef I.a

1655 – 1705eko maiatzaren 5a
Aurrekoa Fernando III.a
Ondorengoa Josef I.a

1656 – 1705eko maiatzaren 5a
Aurrekoa Fernando III.a
Ondorengoa Josef I.a

Austriako artxidukea
Kroaziako erregea
1657ko apirilaren 2a – 1705eko maiatzaren 5a
Aurrekoa Fernando III.a
Ondorengoa Josef I.a

Jaiotza 1640ko ekainaren 9a
Viena
Heriotza 1705eko maiatzaren 5a (64 urte)
Viena
Ezkontidea Margarita Teresa Austriakoa
Claudia Felizitas Austriakoa
Eleonor Magdalena Neuburgekoa
Senideak Aita: Fernando III.a
Ama: Maria Anna Espainiakoa
Erlijioa Katolikoa

Leopoldo I.a Habsburgokoa (Viena, 1640ko ekainaren 5a - Viena, 1705eko maiatzaren 5a) 1658-1705 urteetan Germaniako Erromatar Inperio Santuko enperadorea, 1657-1705 bitartean Austriako artxidukea eta Kroaziako erregea, 1656-1705 bitartean Bohemiako erregea eta 1655-1705 urteetan Hungariako erregea izan zen. Fernando III.aren semea eta ondorengoa izan zen.

Bizitza[aldatu | aldatu iturburu kodea]

Leopoldoren enperadorealdiaren ezaugarri nagusia Otomandar Inperioaren aurkako garaipen militarra izan zen. 1664an turkoei eutsi zien, Raimondo Montecuccoli printzeak Hungariako Szentgotthard hirian lortu zuen garaipenari esker. Hungariako aitonen seme protestanteak altxatu ziren ondoren, eta oste turkoek, egoera hartaz baliatuta, Viena setiatu zuten. Leopoldo I.ak Joan III.a Sobieski Poloniako erregearen laguntzaz salbatu ahal izan zuen Viena (1683).

1699an turkiarrek Karlowitzeko Ituna izenpetu behar izan zuten, Leopoldo I.ak bultzatu zuen Aliantza Santuak horretaraturik. Huts egin zuen, ordea, Luis XIV.a Frantziako erregearen aurkako gerretan. Nimegako (1679) eta Ryswickeko (1697) hitzarmenak izenpetu behar izan zituen haren aurrean, eta Habsburgo eta Borboi etxeak elkarren aurka ezarri zituen Espainiako Ondorengotza Gerraren garaian hil zen. Vienan bizi izan zen, eta benetako estatu bat sortu zuen hiri horren inguruan. Josef bere seme zaharrenari utzi zion tronua.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Leopoldo I.a Germaniako Erromatar Inperio Santukoa Aldatu lotura Wikidatan