Palmako metroa
Palmako metroaren proiektua 2002an abiarazi zen, eta 2007az geroztik dago martxan Palma Mallorcakoan (Balear Uharteak, Espainia).
Eduki-taula |
Historia laburra [aldatu]
Metro-sarea 2004. urteko amaieran proiektatu zen. 115 milioiko inbertsioa izan da, eta lehenengo linea 2007ko apirilaren 25an jarri zen abian. Lanak bi urteko epean burutu direnez, kritika handiak jaso ditu Palma Mallorcakoko gobernuak; sei hilabetetan birritan urpetu direlako Palmako metroaren hainbat geltoki, euri gogor batzuen ostean. Hutsunez beteta dago proiektua, beraz.
Datu teknikoak eta ibilbidea [aldatu]
Palma-UIB lineak bi bide ditu, eta 7,2 kilometro luze da. Horietatik 4 km lur azpikoak dira, eta 3,2 lur gainekoak. Era berean, sei dira lurazpiko geltokiak (Plaça d'Espanya, Jacint Verdaguer, Son Costa/Son Fortesa, Son Fuster Vell, Asima, Son Castelló eta Camí dels Reis) eta bi kanpokoak (Son Sardina eta Universitat). Gehienezko abiadura 100 km/ordukoa da, eta minutu baten kilometro bat ibiltzen du metroak. Hortaz, trenek 12 minututan betetzen dute Plaça Espanya eta Universitat de les Illes Balears arteko distantzia osoa.
Aurreikuspenen arabera, %31tik %43ra igoko da ikasleen metro-erabilpena, unibertsitatera joatea errazten baitu, eta hiriko garraio-eskaera osoa xurgatuko du datozen urteotan.
Plaça d'Espanya, Jacint Verdaguer eta Son Costa/Son Fontesa izan ziren inauguratutako lehenengo geltokiak.
Era berean, Plaça d'Espanya-ko garrantzia aipatu behar da Geltoki Intermodal gisa. Bertan, metroa eta busen arteko lotura erraztuko duen geraleku handi baten lanak abian baitira.
Geltokien zerrenda [aldatu]
| Linea | Trenbide-buruak | Luzera | Geltokiak |
|---|---|---|---|
 |
Plaça de Espanya – Universitat de les Illes Balears | 7,2 km | 9 |
Hurrengoak metroaren lehenengo linearen geltokiak dira:
- Plaça d'Espanya (Geltoki Intermodala)
- Jacint verdaguer
- Son Fortesa - Son Costa
- Son Fuster Vell
- Gran Vía Asima (Son Castelló industrialdea)
- Son Castelló (Son Castelló industrialdea)
- Camí dels Reis (Son Castelló industrialdea)
- Son Sardina
- Universitat de les Illes Balears (Balear Uharteetako Unibertsitatea)
Tren-unitateak [aldatu]
- Enpresa sortzailea: Construcciones y Auxiliar de Ferrocarriles (Beasain, Gipuzkoa)
- Aurrekontu osoa: 14.501.160 €
- Tren kopurua: 6 unitate
- Trenaren ezaugarriak: luzera: 33,082 Zabalera: 2,55
- Bidearen zabalera: 1000 mm
- Tentsio elektrikoa: 1500 V
Kanpo loturak [aldatu]
- (Gaztelaniaz) Metroaren argazkiak eta informazio orokorra
- (Katalanez) Palmako metroari buruzko informazio ofiziala
- (Ingelesez) Informazioa Urbanrail.net webgunean.
- (Euskaraz) Egitasmoari buruzko informazioa CAF enpresaren webgunean.
