Nahiz eta sarbidea irisgarria izan, nasa eta trenaren arteko tartea dela eta geltokiaren erabilera ez da irisgarria. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu», eta «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea.»[2]
Geltokia 1888komartxoaren 19an inauguratu zen, Bilbo-Santurtzi burdinbide tartea irekitzearekin batera, geroago Portugaletera helduko zen linean.[3] Lanak Bilbotik Portugaleterainoko Burdinbide Konpainiak egin zituen. 1889. urtean geltokiari Bizkaiko Foru Aldundiaren esku zegoen Trianoko Burdinbidea batu zitzaion, hasiera batean zamak garraiatzeko zena, eta geroago bidaiarientzako zerbitzua eskaintzen hasi zuena.[4]
Zorrotza auzoaren erdialdean kokatzen da. Bidaiarien eraikinak oin laukizuzena eta solairu bakarra du, agerian utzitako adreiluzko fatxadarekin. Eraikinak leihatiladun txarteldegia, txartel salmenta eta balioztatze makinak, eta 2017tikdesfibrilagailua ere ditu.
Geltokiak bi trenbide eta bi alboko nasa ditu, markesinaz hornituta. Nasen arteko aldaketa trenbideak azpitik zeharkatzen dituen tunela erabilita egiten da, eta horretarako eskailerak zein igogailuak daude.
Zorrotza
Bizkaia
Bilbo ↔ Santurtzi
Bilbo ↔ Muskiz
C-1 linea
Bilbo — Santurtzi: 5,400 kilometro-puntua
Zorrotzako geltokiko kalea, 8
Datuak: Q3497419
Multimedia: Zorrotza train station
