Muskizko geltokia

Muskiz
Geltokiaren eraikina
Kokapen mapa
Lineak
Kokapena
Helbidea	Geltoki kalea, 13; 48550
Udalerria	Muskiz, Bizkaia
Geltokiaren datuak
Kodea	13506
Gunea	2. gunea
Irekiera	1890eko uztailaren 26a
Irisgarria
Zerbitzuak
Nasa kopurua	1
Trenbide kopurua	3
Jabea	ADIF
Eragilea(k)	Renfe Operadora
Garraio zerbitzuak
Renfe Aldiriak	C-2  Bilbo-Abando - Muskiz
Bizkaibus	A3323  Portugalete - Galdames A3334  Santurtzi - Balmaseda A3335  Sestao - Muskiz
Bestelakoak	Taxi

Muskiz, lehen San Julián de Musques, ADIFek izen bereko udalerrian duen lurgaineko tren geltokia da. Renfe Operadora eragileak ustiatzen du, Bilboko Renfe Aldirien C-2 lineari dagokiola. 1890eko uztailaren 26an inauguratu zen, C-2 linearen geltoki-buru da eta Renfeko Aldirien sareko 2. tarifa-guneari dagokio.

Kokapena

Geltokia, itsas mailatik 19 metrora, zabalera iberiarra duen 722. linearen (Muskiz - Desertu-Barakaldo trenbidea) parte da, 13. puntu kilometrikoan kokatzen dela.

Sarbideak

Sarbide bakarra du, eskailera eta arrapala bidezkoa.

•      Geltoki kalea, 13

Irisgarritasuna

Nahiz eta sarbidea irisgarria izan, nasa eta trenaren arteko tartea dela eta geltokiaren erabilera ez da irisgarria. Arartekoak argitaratutako irisgarritasuna eta garrioaren ikerketa-diagnosiaren arabera, «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu» eta «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea».

Geltokira sarbidea	Geltoki kalea
Nasara sarbidea	1. trenbidea
Trenera sarbidea	1. trenbidea
	3. trenbidea

Historia

1865an Bizkaiko Foru Aldundiak eraikitako Trianoko Burdinbidea martxan jarri zen, ustiatutako meategietatik Bilboko itsasadarrera mineralak garraiatzeko. Garai horretan Ortuellako geltokia linearen geltoki-buru zen. 1889an burdinbide horretan bidaiariak garraiatzen hasi ziren, eta trenbidea Barakaldo udalerriarekin lotu zen.

1890eko uztailaren 26an, Ortuella eta Muskizko geltokien arteko luzapena ireki zen, Muskiz geltoki-buru bilakatuz.

2005eko urtarrilaren 1.an, Espainiako Trenbide Sektorearen Legeari jarraiki, trenbide azpiegituren kudeaketa eta trenen ustiapen zerbitzuak bereizi ondoren geltokia eta bestelako azpiegitura ADIFek bereganatu zuen, eta bere aldetik Renfe Operadorak aldirien zerbitzua eskaintzen du.

Geltokia

Muskiz udalerriaren ekialdean kokatzen da. Bidaiarien eraikinak oin laukizuzena, hiru solairu eta bi isurialdeko teilatua ditu. Behe partean hormak harlanduzkoak dira, eta gainontzeko parteetan luzituz estalitako harginlanezkoak. Sarbidea eraikinaren gorputz nagusiaren erdialdetik egiten da, non beheratutako bi arku handi dauden, eta horien gainean zurezko baranda batek babestutako balkoia. Eraikinak itxaron gela, leihatiladun txartel salmenta eta balioztatze makinak jasotzen ditu.

Lotuneak

Geltokiaren kanpoaldean Taxi geralekua eta Bizkaibus zerbitzua hornitzen duen autobus geralekua dago. Hurrengo lineak geralekutik pasatzen dira:

Geltokia (Bizkaibus geraleku kodea: 1297)

Ikus, gainera

• Muskiz
• C-2 linea (Bilboko Renfe Aldiriak)
• Bilboko Renfe Aldiriak
• Bizkaibus
• Renfe Operadora
• Administrador de Infraestructuras Ferroviarias
• Bilboko aldirien sarea

Kanpo loturak

• Bilboko Renfe Aldirien webgunea
• Bizkaibusen webgunea

Euskarazko Wikipedian bada atari bat, gai hau duena: Euskal Wikiatlasa