Harry S. Truman

Wikipedia(e)tik
Hona jo: nabigazioa, Bilatu
Harry S. Truman
Harry S. Truman

1945 – 1953
Presidenteordea   Alben William Barkley
Aurrekoa Franklin Delano Roosevelt
Ondorengoa Dwight D. Eisenhower

Jaiotza 1884ko maiatzaren 8a
Lamar, Misuri (AEB)
Heriotza 1972ko abenduaren 26a
Kansas City, Misuri (AEB)
Alderdi Politikoa Demokrata
Ezkontidea Elizabeth Virginia Wallace Truman
Lanbidea Abeltzaina
Sinadura Harry S. Truman-ren sinadura

Harry S. Truman (1884ko maiatzaren 8a - 1972ko abenduaren 26a) Estatu Batuetako politikaria eta hogeita hamahirugarren presidentea izan zen (1945-1953).

Bizitza[aldatu | aldatu iturburu kodea]

Lehen Mundu Gerran kapitaina izan zen Estatu Batuek Europara bidalitako gudarostean. 1920ko lehen urteetan Alderdi Demokratan sartu zen. 1934an, eta 1940an berriro, senatari hautatu zuten. 1944an Roosevelten lehendakariorde hautatu zuten, eta, lehendakaria hil zenean (1945eko apirila), lehendakaritza eskuratu zuen. Bigarren Mundu Gerra amaitu zuen, bonba atomikoak Japonian jaurtitzeko ordena eman zuenean (Hiroshima, 1945eko abuztuaren 6a; Nagasaki, 1945eko abuztuaren 9a). Barne-politikan, funtsean, Roosvelten New Deal politikari jarraitu nahi izan zion, baina Kongresuan nagusi ziren errepublikarrak aurka izan zituen horretan. Kanpoaldean Sobietar Batasunarekiko tentsio gero eta handiagoak gerra hotza ekarri zuen. 1947an, Europako mendebaldeko herrialdeentzako laguntza ekonomikoa abiarazi zuen (Marshall plana). 1948an, lehendakari hautatu zuten berriro. 1949an, Trumanen ekimenez, Europa komunismoaren erasoetatik babestea helburu zuen NATO erakundea sortu zen. Ipar Korearen eta Hego Korearen arteko gatazka zela eta (1950), gudarostea bidali zuen hara MacArthur jeneralaren agintaritzapean; hark, ordea, Txinan bonba atomikak jaurtitzea proposatu ziolarik, buruzagitzatik kendu zuen. Eisenhower izan zen hurrengo lehendakaria (1952).


Biografia Artikulu hau biografia bati buruzko zirriborroa da. Wikipedia lagun dezakezu edukia osatuz.


Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Harry S. Truman Aldatu lotura Wikidatan