Oman

Omango Sultanerria سلطنة عُمان ( Saltānat 'Umān )
Bandera Armarria
Nazio ereserkia: Nashid as-Salaam as-Sultani
Hiriburua (eta hiri handiena)	Maskat 23°36′N 58°35′E
Hizkuntza ofiziala(k)	Arabiera
Gobernua Sultana	Monarkia absolutua Qaboos bin Said Al Said
Independentzia - Onartua	Erresuma Batutik 1971
Eremua • Guztira • Ura	212.460 km² (84.) % arbuiagarria
Biztanleria • Zenbatespena (2005) • Dentsitatea Herritarra	3.001.5831 (132.) 14 biztanle/km² (167.) omandar
Dirua	Omango Rial (OMR)
Interneteko domeinua	.om
Telefono aurrezenbakia	+968
1577.293 biztanle ez-nazional barne

Oman Ekialde Ertaineko estatua da, Arabiar penintsularen ekialdean kokatua Indiako ozeanoaren kostaldean. Mugakide ditu Arabiar Emirerri Batuak ipar-mendebaldean, Saudi Arabia mendebaldean eta Yemen hegoaldean.

Hiriburua Maskat da.

Geografia

Oman

Oman Arabiar penintsularen hego-ekialdeko muturrean aurkitzen da eta mugakide ditu Omango itsasoa hego eta hego-ekialdean, Omango Golkoa ipar-ekialdean, Arabiar Emirerri Batuak iparraldean, Saudi Arabia mendebaldean eta Yemen hego-mendebaldean.

Estatuaren erdialdearen gehiengoak basamortu ordoki zabal batek hartzen du, eta ipar eta hego-ekialdeko kostaldean mendikate garaiak aurkitzen dira (Jebel ash-Shams, 3.009 m). Kostaldean daude hiri nagusiak: Maskat hiriburua, Matrah eta Sur iparraldean eta Salalah hegoaldean. Barnealdeko hiri nagusia Nizwa da, sultanerriko antzinako hiriburua.

Omango klima beroa eta lehorra da barnealdean, baina hezea kostaldean. Mendietan, oasi ugarik lurpeko urez hornitzen dira, terrazetan antolatutako landaketak ureztatzeko.

Musandam penintsula, Ormuz itsasartearen sarreran estrategikoki kokatua, esklabe bat da, Arabiar Emirerri Batuek banatua. Beste esklabe bat Arabiar Emirerri Batuetan Madha hiria da. Masirah uharteak BBCren estazio igorle bat du eta estatubatuar 7. ontzidiaren base gisa erabiltzen da.

Banaketa administratiboa

Sakontzeko, irakurri: Omanen banaketa administratiboa

Oman bost eskualde edo mintaqahtan eta lau gobernorato edo muhafazahtan banatuta dago. Guzti hauek gainera barrutitan edo wilayatetan banatzen dira. Eskualde bakoitzak, gainera, eskualde zentru bat edo gehiago ditu, guztira 12.

Ad Dakhiliyah Al Batinah Al Wusta Ash Sharqiyah Ad Dhahirah Masqat‡ Musandam‡ Dhofar‡ Al Buraymi‡ ‡ - Muhafazah bat da

Politika

Estatu eta gobernu burua hereditarioa den sultana da. Gaur egun Qaboos Bin Sultan da eta hainbat kontseilari ditu, diwan izenekoak. 1990eko hamarkadaren hasieratik hauteskundeen bitartez aukeratzen den kontseilari talde bat ere badu, Majlis ash-Shura izenekoa, baina oso omaniar gutxik parte hartu dezakete hautagai moduan. 2003ko urriaren 4tik 21 urtetik gorakoek bozka ditzakete dauden 83 eserlekuan. Emakumeek ere parte har dezakete eta hautagaiak izan. Gaur egun 3 emakume dira ministro. Hala ere sultanak botere absolutua dauka.

Kanpo loturak

• (Euskaraz) Jalgi.com atlasa datuak, mapak eta irudiak
• (Ingelesez) CIA - World Factbook Geografia, biztanleria, politika eta ekonomia datuak.