Aung San Suu Kyi

Wikipedia(e)tik
Hona jo: nabigazioa, Bilatu
Aung San Suu Kyi, 2011n

Aung San Suu Kyi (Rangun, Myanmar, 1945eko ekainaren 19a) politikaria da, Myanmarko Demokraziaren Aldeko Liga Nazionaleko buruaa, eta mundu osoan kontzientzia presoen eta erresistentzia zibil baketsuaren sinboloa ere. Besteak beste Rafto eta Sakharov sariak (biak 1990ean) eta Bakearen Nobel Saria (1991n) irabazi ditu, Myanmarko diktadura militarraren kontra egiten duen borroka baketsuagatik.

Bizitza[aldatu | aldatu iturburu kodea]

Aung San Suu Kyiren erretratua, Irina Belovak 2009an egina.

Birmania berriaren sortzailetzat jotzen den Aung Sanen alaba da. Britainia Handian egin zituen ikasketak eta Filosofian, Ekonomian eta Politikan graduatu zen Oxfordeko Unibertsitatean.

1988an Myanmarra itzuli zen, gobernu militarraren isilpeko abisuei entzungor eginez, eta giza eskubideen eta erregimen demokratiko bat ezartzearen aldeko mugimendu bat antolatzen hasi zen. Horrela, askatasunen ikur bihurtu zen, bere Demokraziaren aldeko Liga Nazionala alderdiarekin.

Alderdi horrek botoen % 59 eta Parlamentuko aulkien % 80 lortu zituen 1990eko hauteskundeetan. Beraz, Myanmarko lehen ministro bihurtzkotan zen Aung San Suu Kyi, baina gobernuak balio gabe utzi zituen hauteskundeak, eta Aung San atxilotu eta Yangongo espetxean sartu zuten, Aung San Suu Kyi «neokolonialisten ordezkaria» edo laguntzailea izatea eta Washingtonen interesen menpe egotea leporatuta. Haren aldekoek berebiziko kanpaina egin zuten atzerritik, beren herriaren egoera salatzeko eta lider demokrataren askatasuna eskatzeko.

1991n Bakearen Nobel saria eman zion Suediako Akademiak, kontzientzia demokratikoa pizteko eta giza eskubideak defenditzeko egindako lanagatik.

1995ean utzi zuten azkenean libre, eta bere alderdia berrantolatzeari eta junta militarrarekin elkarrizketatzeari ekin zion, trantsizio demokratikoaren bakezko bidea prestatzeko asmoz.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Aung San Suu Kyi Aldatu lotura Wikidatan