Konrad Adenauer
Wikipedia(e)tik
Konrad Adenauer (Kolonia, Alemania, 1876 - Rhondorf, Alemania, 1967) politikari eta legegizona izan zen.
[aldatu] Bizitza
Kolonia hiriko alkatea (1917), naziek bazterturik (1933), Bigarren Mundu Gerraren ondoren Alemaniako Batasun Demokrata Kristauaren (CDU) sortzaileetakoa eta lehendakaria (1946). Alemaniako Errepublika Federala aldarrikatu zenean, kantziler hautatu zuten (1949). Barne-politikan sozializazioen aurka eta armada berrantolatzearen alde azaldu zen; kanpo-politikan, Ameriketako Estatu Batuekiko loturak sendotu zituen, Frantziara hurbildu zen, Alemania Federala NATOn sartu zuen, eta Europako Merkatu Batuaren oinarri bihurtzen saiatu zen. 1963an bere alderdikideek kargua utzarazi zioten.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
