Batzar Islamikoko Erakundea

Batzar Islamikoko Erakundea
Datuak
Izen ofiziala	منظمة التعاون الإسلامي, Organisation of Islamic Cooperation eta Organisation de Coopération Islamique
Izen laburra	OCI, OIC, OCI, OCI, 伊合组织, 伊合組織, OCI, İİT, İƏT, ИХО, OIK, ОИК, IKT, OIZ eta OCI
Mota	nazioarteko erakundea, gobernu arteko erakundea eta Islamic organization (en)
Herrialdea	Saudi Arabia
Eskumendekoak	Statistical, Economic and Social Research and Training Centre for Islamic Countries (en) , OIC-StatCom (en) , Islamic world Educational, Scientific and Cultural Organization (en) , OIC Council of Foreign Ministers (en) eta Research Centre For Islamic History, Art and Culture (en)
Agintea
Lehendakaria	Hissein Brahim Sem Taha (en)
Egoitza nagusi	Jidda; 21°30′36″N 39°10′57″E / 21.51006°N 39.18258°E;
Historia
Sorrera	1969ko irailaren 25a
	webgune ofiziala;

Batzar Islamikoko Erakundea edo Konferentzia Islamikoa (arabieraz منظمة المؤتمر الإسلامي, ingelesez Organisation of the Islamic Conference, frantsesez Organisation de la Conférence Islamique) nazioarteko erakunde bat da, Nazio Batuen Erakundean ordezkaritza iraunkorra duena. 57 kide estatu ditu, batez ere Ekialde Hurbila, Afrika, Asia Erdialdea, Kaukasoa, Balkanak, Hego-ekialdeko Asia eta Hegoaldeko Asiakoak. Estatu hauek indarrak eta baliabideak batzea aukeratu zuten, esfortzuak bateratu eta ahots batez adierazi estatu horietako biztanleen eta mundu osoko musulmanen ongizatea eta garapena bultzatzeko. Erakundearen hizkuntza ofizialak arabiera, ingelesa eta frantsesa dira.

Historia eta ezaugarriak

1971n sortu zen, musulmanen arteko lankidetza ekonomikoa, politikoa eta soziala sustatzeko, eta Leku Santuak babesteko, palestinar herriari bere lurralde historikoa berreskuratzeko borrokan laguntzeko, kolonialismoaren aurka borrokatzeko, eta islamiar erlijioko herrien arteko batasun eta elkartasuna bultzatzeko. Idazkaritza Nagusia Saudi Arabiako Jeddahn dago. Helburu nagusi hauek dituzte:

kide diren herrialdeen artean merkatu librea bideratzeko neurriak hartzea,
azpiegiturak sortzea (garraiobideak, erietxeak, eskolak…),
munduan zehar banatuta dauden musulman gutxiengoei babesa ematea, eta, oro har,
giza eskubideak betetzen direla begiratzea.

Bestalde, Palestinarako bake prozesua aurrera eramateko bitartekotza lan garrantzitsua egin du, eta baita beste herrialde batzuetako (Afganistan, Sudan…) liskarretan ere. Organo nagusia Estatuburuen Konferentzia da. Hiru urtetik behin biltzen da, eta bertan hartutako erabakiak betearaztea Atzerri Ministroen Konferentziaren esku dago. Horiek urtean behin biltzen dira, eta Estatuburuen Konferentzian jorratuko dituzten gaiak prestatzen dituzte. Administrazio lanak Idazkaritza Nagusiaren ardura dira; berak koordinatzen ditu zenbait erakunde espezializaturekiko harremanak, Garapeneko Islamiar Bankuarekikoak edo Garapeneko Islamiar Zentroarekikoak adibidez.

Kideak

Hauek dira 57 kideak:

Begiraleak:

Idazkari orokorrak

Tunku Abdul Rahman (1971-1973) Malaysia
Hassan Touhami (1974-1975) Egipto
Amadou Karim Gaye (1975-1979) Senegal
Habib Chatti (1979-1984) Tunisia
Sharifuddin Pirzada (1985-1988) Pakistan
Hamid Algabid (1989-1994) Nigeria
Azzeddine Laraki (1997-2000) Maroko
Abdelouahed Belkeziz (2001-2004) Maroko
Ekmeleddin Ihsanoglun (2004-2014) Turkia
Iyad bin Amin Madani (2014-) Saudi Arabia

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/3/1 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

The Organization of the Islamic Conference

Datuak: Q47543
Multimedia: Organisation of Islamic Cooperation / Q47543