Gerhard Richter

Wikipedia, Entziklopedia askea
Gerhard Richter
Gerhard Richter, Prague (2017).jpg
Bizitza
JaiotzaDresden1932ko otsailaren 9a (89 urte)
Herrialdea Alemania
Hezkuntza
HeziketaKunstakademie Düsseldorf (en) Itzuli
Hizkuntzakalemana
Jarduerak
Jarduerakmargolaria, unibertsitateko irakaslea, artista bisuala, ilustratzailea eta argazkilaria
Lantokia(k)Dresden
Kolonia
Paris
Düsseldorf eta Zittau
Enplegatzailea(k)Kunstakademie Düsseldorf (en) Itzuli
Lan nabarmenakCathedral Window (en) Itzuli
48 Portraits (en) Itzuli
Candle (Kerze) (en) Itzuli
Jasotako sariak
KidetzaRoyal Swedish Academy of Fine Arts (en) Itzuli
Arteen eta Zientzien Ameriketako Estatu Batuetako Akademia
Ameriketako Estatu Batuetako Arte eta Letren Akademia
MugimenduaCapitalist realism (en) Itzuli
Genero artistikoaarte abstraktua
installation art (en) Itzuli
erretratua
animal painting (en) Itzuli
paisaia margolaritza
genero-margolana
Itsas ikuspegia
izadi hila
hiri-paisaia
Sinesmenak eta ideologia
Erlijioaateismoa

gerhard-richter.com
IMDB: nm1416772 Allocine: 575784
Musicbrainz: dbf519bb-b073-4127-9ae3-479765676e5a Edit the value on Wikidata

Gerhard Richter (Dresden, Alemania, 1932 -) alemaniar pintorea da.

Biografia[aldatu | aldatu iturburu kodea]

Dresdengo Arte Akademian egin zituen ikasketak 1952-1956 bitartean, errealismo sozialean oinarrituta; laster, baina, joera modernoak baztertuta zeuden giro horretatik alde egin beharra ikusi zuen, eta 1961-1963 bitartean Düsseldorfeko Akademian ikasi zuen, abstrakzioaren eraginpean.

1962 arte bere obra figuratiboa izan zen batez ere, Giacometti, Bacon eta Dubuffeten eraginpean. 1960ko hamarraldiaren hasieran, koadroak egiteko metodo berriak erabiltzeko aukera ikusi zuen Lichtensteinen obran, eta margo-argazkiak egiten hasi zen, Rauschenbergen transposizioak baino argazki-itxura handiagokoak, baina Warholen lanak baino margolan-itxura handiagokoak, aldi berean. Handik aurrera masa-komunikabideetatik ateratako gaiak erabili zituen, eta egunkarietako argazkietan edo zaleenetan oinarritutako koadroak egin zituen.

Ikusleak gauza ezagunak pintura artean nola antzematen dituen aztertu zuen geroztik bere koadro askotan: Hiriko irudiak (1968-1969); Hodeiak (1968-1970-1971-1976); Mendiak (1968-1969). 1963an happening bat egin zuen Konradekin Manifestazio bat errealismo kapitalistarentzat, eta harrezkero Richterren obra poptzat hartu izan da, oker hartu bada ere. Palermorekin batera oihal arruntak erabili zituen, saltegi handietan erosiak, popari jarraituz, baina bere obra harago doa: aztergaia ez da masa-komunikabideen ikonografia, pintura bera baizik. 1960ko hamarraldiaren bukaeraz gero bere lana erabat abstraktu bihurtu zen. Koadro monokromoak egin zituen hasieran, Koadro grisak, Vietnamgo Gerran inspiratuak. 1980ko hamarraldian abstrakzio espresionista landu zuen gehienbat, kolore bizikoa, eta figurazioa beste sail osagarri baterako utzi zuen, fotomargoetarako. Koadro abstraktuetan margo-errepertorio handia erabili zuen, Alemaniako pintura modernoaren historia laburbiltzen zuena.

1968az gero Düsseldorfeko Arte Akademiako irakasle da. 1983an, Richter Düsseldorfetik Koloniara joan zen bizitzera, eta gaur egun ere hantxe bizi da.

1997an Praemium Imperiale saria irabazi zuen.

Wikimedia Commonsen badira fitxategi gehiago, gai hau dutenak: Gerhard Richter Aldatu lotura Wikidatan

Erreferentziak[aldatu | aldatu iturburu kodea]