Barbados
| Barbados |
||||||
|---|---|---|---|---|---|---|
|
||||||
| Goiburua: Pride and Industry (Harrotasuna eta Industria) |
||||||
| Ereserkia: In Plenty and In Time of Need | ||||||
 |
||||||
| Hiriburua eta hiri handiena |
Bridgetown | |||||
| Hizkuntza ofiziala(k) | Ingelesa | |||||
| Herritarra | barbadostar | |||||
| Gobernua | Monarkia konstituzionala | |||||
| - | Erregina | Elisabet II.a | ||||
| - | Gobernadorea | Philip Greaves | ||||
| - | Lehen ministroa | Freundel Stuart | ||||
| Azalera | ||||||
| - | Guztira | 431 km2 (180.) |
||||
| - | Ura (%) | arbuiagarria | ||||
| Biztanleria | ||||||
| - | 2007 zenbatespena | 279.912 (170.) | ||||
| - | Dentsitatea | 647 bizt./km2 (15.) | ||||
| Dirua | Barbadostar dolar (BBD) | |||||
| Ordu-eremua | UTC (UTC-4) | |||||
| Aurrezenbakia | 246 oharrak= | |||||
| Internet domeinua | bb | |||||
Barbados[1] Karibe itsasoaren eta Ozeano Atlantikoaren artean kokatuta dagoen Amerikako estatua da. Antilla Txikietako uhartea da, Haizaldeko uharteen ekialdean.
431 km2ko azalera du. 2007an, 279.912 biztanle (barbadostarrak) zituen. Hiriburua Bridgetown da. Hizkuntza ofiziala ingelesa da.
Commonwealtheko kide da.
Eduki-taula
Demografia[aldatu | aldatu iturburu kodea]
Biztanleriaren hazkundea urteko % 0,36 da (2007). Bizi-itxaropena 76 urtekoa da: 73 urte gizonezkoek eta 78 urte emakumezkoek. Biztanleen % 99,7 alfabetatua da.
Etniak horrela banatzen dira: beltzak (% 90), zuriak (% 4), besteak (% 6).
Erlijio ofizialik ez badago ere, sinistunen ehunekoak honela banatzen dira: anglikanoak (% 33), protestanteak (% 29,8), katolikoak (% 4,4).
Ekonomia[aldatu | aldatu iturburu kodea]
Barbadosko ekonomia azukre-kanaberan eta azukre errefinatuaren, melazaren eta ronaren ekoizpenean eta esportazioan oinarritu da betidanik. Gobernuak ahaleginak egin ditu herrialdeak azukre-kanaberarekiko duen mendekotasuna murrizteko. Ehungintzan, altzarietan, tresna elektrikoetan eta plastikozko objektuetan oinarritzen da eskulangintza. Petrolio eta gas natural hobiak aurkitu dira azken urteetan. Arrantzaren garrantziak ere gorantz egin du. Turismorako azpiegiturak ugaritu egin dira etengabe azken urteetan. Per capitako barne-produktu gordina 11.200 dolarrekoa izan zen 1998. urtean.
Historia[aldatu | aldatu iturburu kodea]
1966an Barbados burujabe geratu zen Commonwealth barnean. Barbadosko lehenengo gobernu autonomoa Errol Walton Barrowk (Lanaren Alderdi Demokratikoa) zuzendu zuen. 1975eko hauteskundeetan, Barbadosko Langileen Alderdiko Tom Adamsek hartu zuen aginpidea, eta hil zen arte egon zen aginpidean (1985). Urte horretan, E. Barrows lehen ministro bihurtu zen, harik eta hil zenean Erskine Sandifordek haren lekua hartu zuen arte. 1994an Owen Seymour Arthur hautatu zuten gobernuburu, eta 1996an Clifford Husbands izendatu zuen gobernuburu Elisabet II.a erreginak.
Kirola[aldatu | aldatu iturburu kodea]
Cricketa da Barbadosko kirol nagusia.
Barbadostar ezagunak[aldatu | aldatu iturburu kodea]
- Rihanna (1988-), pop-abeslaria.
Irudi galeria[aldatu | aldatu iturburu kodea]
-
Barbadosen mapa.
-
Bridgetowngo aldiriak eta portua.
-
Bridgetownetik gertuko hondartza.
-
Bridgetowngo High street.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
- ↑ 38. araua - Munduko estatu-izenak, herritarren izenak, hizkuntza ofizialak eta hiriburuak, Euskaltzaindia, http://www.euskaltzaindia.net/dok/arauak/Araua_0038.pdf. Noiz kontsultatua: 2010-12-29.
Kanpo-loturak[aldatu | aldatu iturburu kodea]
 |
Wikimedia Commonsen badira fitxategi gehiago, gai hau dutenak: Barbados  |
- (Ingelesez) Barbadosko gobernuaren webgune ofiziala
| Commonwealtheko estatu kideak | ||
|---|---|---|
 |
||
