Barents

Wikipedia(e)tik
Hona jo: nabigazioa, Bilatu
Barentsen kokapena.

Barents edo Barents itsasoa[1] (norvegieraz: Barentshavet; errusieraz: Баренцево мореBarentsevo More) ipar Norvegia, Zembla Berria uhartea eta ipar Errusiaren artean dagoen Ozeano Artikoaren zatia da.

Geografia[aldatu | aldatu iturburu kodea]

1.300 kmko luzera, 1.050 kmko zabalera eta 1.405.000 km²ko eremua ditu. Nahiko sakona da: 229 m batezbeste eta 600 m gunerik sakonenean[2]. Mendebaldean Norvegiako itsasoa, ipar-mendebaldean Norvegiako Svalbard uhartedia, ekialdean Errusiako Frantzisko Josefen Lurraldea eta ipar-ekialdean Errusiako Zembla Berria ditu. Ekialdeko muturrari Petxora itsasoa deitzen zaio, Petxora ibaiaren ahoa bertan dagoelako.

Murmansk (Errusia) eta Vardø (Norvegia) hegoaldeko portuek urte osoa ematen dute izoztu gabe, Ipar Atlantikoko itsaslasterrari esker. Irailean, ia Barents osoa izotzik gabe egoten da.

Historia[aldatu | aldatu iturburu kodea]

Historian zehar beste izen batzuk izan ditu. XVI. mendeko mapetan Murmanskeko itsasoa (errusieraz: Мурманское мореMurmanskoye More) zeritzoten. Egungo izena 1853an erabili zen aurrenekoz, Willem Barents, XVI. mendeko herberetar esploratzaileren omenez[2].

2000ko abuztuaren 12an, K-141 Kursk errusiar urpekontzi nuklearra itsas honetan hondoratu zen.

Erreferentziak[aldatu | aldatu iturburu kodea]

  1.   159. araua, Euskaltzaindia, http://www.euskaltzaindia.net/dok/arauak/Araua_0159.pdf. Noiz kontsultatua: 2010-10-12 .
  2. a b Barents Sea Global.britannica.com
Commonsen badira fitxategi gehiago, gai hau dutenak: Barents Aldatu lotura Wikidatan

Koordenatuak: 75°N 40°E / 75°N 40°E / 75; 40