Japoniako itsasoa

Japoniako itsasoa

Japoniako itsasoa edo Ekialdeko Itsasoa Ozeano Barearen beso bat da; Japonia du ekialdean eta hegoaldean, eta Asiako kontinente lurrak mendebaldean eta iparraldean. Gutxi gorabehera, miloi bat kilometro koadro ditu.

Geografia

Ekialdean eta hegoaldean Hokkaido, Honshu eta Kyüshü japoniar eta Sakhalin errusiar uharteak ditu; mendebaldean, Koreako penintsula; eta iparraldean, Errusiako kostalde kontinentala.

Beste itsasoetara lotuta dago, sakonera txikiko bost itsasarteren bitartez:

• Tartariako itsasartea Asia kontinentalaren eta Sakhalin uhartearen artean.
• La Perouseko itsasartea Sakhalin eta Hokkaido uharteen artean.
• Tsugaruko itsasartea Hokkaido eta Honshu uharteen artean.
• Kanmoneko itsasartea Honshu eta Kyüshü uharteen artean.
• Koreako itsasartea Koreako penintsularen eta Kyüshü uhartearen artean. Bi adar ditu:
  • Mendebaldeko kanala.
  • Tsushimako itsasartea, izen bereko uhartearen inguruan.

Beste datu batzuk:

• Sakonera handieneko lekuan, 3.742 metro sakon da.
• Batez besteko sakonera 1.752 metro da.
• Eremua: ia 978.000 km².

Izena

Nahiz eta NBEk Japoniako itsasoa izena erabili, bai Hego Koreak bai Ipar Koreak beti Ekialdeko Itsasoa deitzen diote itsasoari. Japonia eta Korea bien arteko auzia gerra zibernetiko bihurtu da, eta Wikipediakoa gerra horretako guduetako bat da. Auziaren berri jakiteko, ikus en:Sea of Japan naming dispute artikulua, ingeles Wikipedian.