Indimitre

Wikipedia(e)tik
Hona jo: nabigazioa, Bilatu
Indimitre
Sailkapen zientifikoa e
Erreinua: Plantae
Kladoa: Angiospermae
Kladoa: Eudicotyledoneae
Kladoa: Rosidae
Ordena: Myrtales
Familia: Lythraceae
Generoa: Lagerstroemia
Espeziea: Lagerstroemia indica
(L.) Pers.
Infloreszentziaren xehetasuna
Lagerstroemia indica Blanco1.207.png

Indimitrea (Lagerstroemia indica, Jupiterren zuhaitza, Jupiter, Indietako lilia, crepe myrtle) Lythraceae familiako zuhaixka da. Jatorriz Txina, Japonia, Himalaia eta Indiakoa da, geroago Asia osoan zabaldu zen eta Europan ondoren[1]. Landare apaingarri moduan erabiltzen da.

Lagerstroemia Indica maiz zurtoin anitzekoa duen zuhaitza da. Azala lisoa du, gris arrosatsua eta pikardatua, urtero erortzen dena. Orriak txikiak dira eta berdea ilunak; udazkenean hori eta laranja bihurtzen dira. Loreak zuri, arrosa, malba, purpura edo karmin-kolorekoak dira petalo kizkurtuekin, 9cm luzeko panikuletan.

Laborantza[aldatu | aldatu iturburu kodea]

Lagerstroemia indica ez da erraz izozten, eguzki betean egotea nahiago du eta 6m-raino haztean 6m zabal izaten da. Hibrido asko garatu dira  L. Indica eta L. Faueri-en artean.

Erabilera[aldatu | aldatu iturburu kodea]

Zurak ez dauzka aplikaziorik. Medikuntza herrikoian erroak egosita (decocción) erabiltzen dira aftak eta urdaileko minak sendatzeko. Orri eta lore egosiak  purga moduan erabiltzen dira.

Ugalketa[aldatu | aldatu iturburu kodea]

Ugalketarako sarritan altsumak eta aldaxkak erabiltzen dira, hareazko substratuan hobeto, uztaila edo abuztuan, kanpoan aire librean. Hurrengo urtean mintegira aldatzen dira  lur heze-hondartsuan, hurrengo negura arte, eta orduan behin betiko tokira eramaten da. Haziak landatu ahal dira udaberrian, baina berotegian landatzen badira, udazkenean egin ahal izango da.

Ondo onartzen ditu inausketak. Adarrak errazak dira txertatzeko (txerto naturalak ere gertatzen dira), lorezainek hori aprobetxatu dute kopei forma desberdinak emateko.

Erreferentziak[aldatu | aldatu iturburu kodea]

  1. Flora, The Gardeners Bible, ABC Publishing, Ultimo, NSW, Australia, 2005

Bibliografia[aldatu | aldatu iturburu kodea]

  1. (Gaztelaniaz) Flora, la Biblia de los Jardineros, ABC Publishing, Ultimo, NSW, Australia, 2005
  2. (Gaztelaniaz) Biota Rioplatense IV Árboles Urbanos, L.O.L.A., 1999
  3. (Frantsesez) AFPD, 2008. African Flowering Plants Database - Base de Donnees des Plantes a Fleurs D'Afrique.
  4. (Gaztelaniaz) CONABIO, 2009. Catálogo taxonómico de especies de México. Cap. nat. México 1.
  5. (Gaztelaniaz) e Correa A., M. D., C. Galdames & M. S. de Stapf 2004. Catálogo de las Plantas Vasculares de Panamá. Cat. Pl. Vasc. Panamá 1.
  6. (Ingelesez) Davidse, G., M. Sousa Sánchez, S. Knapp & F. Chiang Cabrera 2009. Cucurbitaceae a Polemoniaceae. Fl. Mesoamer. 4(1): 1-855.
  7. (Ingelesez) Flora of China Editorial Committee, 2007. Fl. China Vol. 13.
  8. (Gaztelaniaz) Hokche, O., P.E. Berry & O. Huber 2008. Nuev. Cat. Fl. Vas. Venezuela 1–860.
Wikimedia Commonsen badira fitxategi gehiago, gai hau dutenak: Indimitre Aldatu lotura Wikidatan
Wikispezieetan informazioa gehiago aurki dezakezu: Indimitre