Satrustegi dorrea

Wikipedia, Entziklopedia askea
Jump to navigation Jump to search
Artikulu hau Igeldoko eraikinari buruzkoa da; beste esanahietarako, ikus «Satrustegi (argipena)».
Satrustegi dorrea
Satrustegi, Donostia.jpg
Kokapena
Herrialdea  Euskal Herria
Probintzia  Gipuzkoa
Udalerria Donostia
Koordenatuak 43° 19′ 03″ N, 2° 00′ 25″ W / 43.3175°N,2.0069°W / 43.3175; -2.0069Koordenatuak: 43° 19′ 03″ N, 2° 00′ 25″ W / 43.3175°N,2.0069°W / 43.3175; -2.0069
Historia eta erabilera
Eraikuntza1883 - 1884

Satrustegi Dorrea Donostian dagoen eraikina da, Igeldo mendiaren magalean kokatua, Ondarreta hondartza inguruan dauden etxeen artean. Arkitektura eklektiko historizistaren adierazle da. Patrizio Satrustegi baroiak eraikiarazi zuen, eta hasieran Tokieder izena izan zuen[1].

1995eko ekainaren 20an, Eusko Jaurlaritzak monumentu izendatu zuen, Sailkatutako Kultura Ondasuna.

Ezaugarriak[aldatu | aldatu iturburu kodea]

Satrustegi Dorrea bizileku izateko eraiki zen 1883-84an, Igeldoren magaleko Arbizketa baserriaren eta auzoko Florindegiren lurretan[2].

Inguruan lorategia dauka, Ducasse-k egina, zuhaitz eta bidexkaz beteta.

Lau solairuko eraikina da, harlanduz egina. Erdian eraikin nagusia dago eta horren bi aldetara dorre bana. Bi dorre horiek hexagono itxura dute eta goiko aldea almenaz hornituta. Sarrera nagusian eskailera bikoitza dago, lorategitik atarira doana, eta atarian bi dorreak batzen dituen terraza.

Eraikinaren barruko aldearen banaketa erdiko hutsunearen inguruan egina dago, lehen solairutik aurrera. Aipatzekoak dira barruko zurezko zoladura eta enpanelatuak.

Erreferentziak[aldatu | aldatu iturburu kodea]

  1. Tellabide, Josu; Agirresarobe, Asier; 101 bazter Donostiako (44 or.), Alberdania, ISBN 978-84-9868-003-4
  2. id.

Kanpo loturak[aldatu | aldatu iturburu kodea]

Euskarazko Wikipedian bada atari bat, gai hau duena:
Donostia