San Bizente eliza (Donostia)

Artikulu hau Donostiako elizari buruzkoa da; beste esanahietarako, ikus «San Bizente».

San Bizente eliza (Donostia)
Kultura ondasuna
Kostaldeko Donejakue bidea
Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°19′28″N 1°59′03″W
Historia eta erabilera
Irekiera	1574 (egutegi gregorianoa)
Izenaren jatorria	Bizente Zaragozakoa
Erlijioa	katolizismoa
Arkitektura
Estiloa	arkitektura gotikoa
Ondarea
BIC	RI-51-0005135
792

San Bizente Martiria, San Bizente izenaz ere ezaguna, Donostiako Parte Zaharrean dagoen eliza gotikoa eta parrokia da. Erlijio kultuaz aparte, Musika Hamabostaldiak bertan dauka egoitza nagusietarikoa.

1984ko abuztuaren 4an, Eusko Jaurlaritzak monumentu izendatu zuen, Sailkatutako Kultura Ondasuna.

2023az geroztik, bertako apaiz arduraduna Pablo Ormazabal Albistur presbiteroa da.

Eraikuntza

1489 inguruan izandako sute baten ondoren, San Bizente eliza berreraikitzeko lanak hasi ziren. 1507an ebatzi eta esleitu zen diseinu berria eta 1574 inguruan amaitu ziren lanak. Diseinu asmoak ez ziren sekula guztiz amaitu, iparraldeko horma ez zen guztiz errematatu, eta agerian dauden hainbat koska ikus daitezke hor. Koska horietatik omen datorkie eliza horretan bataiatuei eta Parte Zaharreko zati horretan bizi direnei koxkero goitizena.

Ondasun nabarmenak

Sakontzeko, irakurri: «San Bizente elizako erretaula nagusia (Donostia)»

Erretaula nagusia erromanista da, lauki eta kaletartez nahasitako oina duelarik, 1583 eta 1592 bitartean egina, Anbrosio Bengoetxea eskultore gipuzkoarraren lana da, zeinaren estiloa San Bizente erretaularekin hasten da sendotzen (hala ere, Joanes Iriarte erretaula-egileak ere lagundu zuen lan honetan Bengoetxea).

Era berean Bengoetxearen egozten zaizkio tailla batzuk, sarrerako medailoi batzuk kasu (San Bernardo eta Magoen gurtza irudikatuz), eta Kristo bat kapera batean.

Felipe Arizmendiren 18. mendeko eskultura nabarmenak ere badiru elizak, bereziki "Animen medailoia" deritzona eta Ecce homo bat.

Organoa 1868an ezari zen, Cavaillé-Coll etxekoa da. Beirateak XX. mende hasierakoak dira, Maumejean lantegikoak (Biarritz).

Iruditegia

• 
  Erretaula nagusia.
• 
  Elizaren ikuspegia kanpotik.
• 
  Barrualdeko panoramika
• 
  San Bizente elizako Ama Birjinaren irudia
• 
  Barruko Ecce Homo irudia
• 
  Arratsaldeko ikuspegia

Erreferentziak

• Edukiaren zati bat monumentu hau sailkatutako kultura-ondasun izendatzen duen lege testutik hartu da. Izan ere, testua jabari publikokoa da eta ez du jabetza intelektualik, Espainiako Jabetza Intelektualaren Legeko 13. artikuluan xedatu denez (Espainiako Aldizkari Ofiziala, 97. zenbakia, 1996-04-22).

Kanpo estekak

• webgunea
• Erretaula: Kultura Ondasun izendapena EHAAn

• Datuak: Q12266844
• Multimedia: Church of San Bizente Martiria-San Vicente Mártir, Donostia-San Sebastián / Q12266844