Bizkaiko eskualdeak
| ██ Enkarterri██ Bilboaldea | ██ Uribe-Butroe██ Busturialdea | ██ Arratia-Nerbioi██ Durangaldea | ██ Lea-Artibai |
Bizkaiko eskualdeen zerrenda modu desberdinetan agertu daiteke hainbat irizpideren arabera, eskualdeek ez baitute osatzen lurralde-zatiketa administratiborik.
Bizkaiko Foru Aldundiak badauka eskualdeen banaketa administratibo bat egina ikuspuntu estatistikotik erabilia izateko.[1] Banaketa horretan zazpi eskualde ageri dira: Enkarterri, Bilboaldea, Arratia-Nerbioi, Uribe-Butroe, Busturialdea, Durangaldea eta Lea-Artibai.
Arratia-Nerbioi izenekoa herrialdearen hegoaldean dago eta Urduña barne hartzen du. Alde batetik, Arratia dago eta bestetik Nerbioi ibarra. Azken honetan Laudio (Araba) barne hartu dezake. Halaber, Hego Uribe deitutakoa hemen sartu daiteke edota Bilboaldean.
Bilboaldea probintziaren erdialdean dago eta lurralde osoko populatuena da alde handiz. Itsasadarraren bi aldeak kontutan hartuta ohikoa da Ibai-Eskuinaldea eta Ibai-Ezkerraldea ezberdintzea lehenik eta behin, Bilbo hiriburu berarekin batera. Meatzaldea ere eskualde handi honetan sartzen da normalean, sarritan Ezkerraldearekin batera.
Busturialdea edo "Gernika-Bermeo" iparraldean dago, ekialdean Lea-Artibai daukalarik. Mendebaldean, aldiz, Uribe edo Uribealde historikoa dauka, hain ondo zehaztuta ez dagoena. Printzipioz Uribe-Kosta, Mungialdea, Txorierri eta Hego Uribe barne hartuko zituen.
Azkenik, beste eskualde batzuk baino definituago agertzen dira mendebaldean Enkarterri eta ekialdean Durangaldea.
Eskualdeetako udalerri nagusiak
Jarraian agertzen dira Bizkaiko eskualdeak, bakoitzaren udalerri populatuenekin, kasu askotan mankomunitateen egoitza nagusia euren baitan dutenak direlarik:
- Busturialdea: Bermeo eta Gernika.
- Enkarterri: Zalla (populatuena) eta Balmaseda (hiriburua).
- Lea-Artibai: Lekeitio, Markina eta Ondarroa.
- Uribe-Kosta: Plentzia eta Sopela.
Ikus, gainera
Erreferentziak
Kanpo loturak
- (Gaztelaniaz)Bizkaiko mapa