Busturialdea

Busturialdea-Urdaibai
Bizkaia


Azalera	282 km²
Biztanleria	46.323 (2011)
Dentsitatea	bizt / km²
Udalerriak	Ajangiz, Arratzu, Bermeo, Busturia, Ea, Elantxobe, Ereño, Errigoiti, Forua, Gautegiz-Arteaga, Gernika, Ibarrangelu, Kortezubi, Mendata, Morga, Mundaka, Murueta, Muxika, Nabarniz eta Sukarrieta
Herririk handiena	Bermeo (17.078 biztanle)
http://www.busturialdeaurdaibai.com/

Busturialdea^[1] —ofizialki, Busturialdea-Urdaibai— Bizkaiko iparraldean eta erdialdean dagoen eskualdea da, Bermeo eta Gernika udalerri nagusiak dituena.

Urdaibai eremu naturalarekin bat egiten du geografikoki.Bizkaiko lurraldearen %12,7a hartzen du eta paper garrantzitsua bete izan du Bizkaiaren dinamizazioa eta antolamenduan, Gernikako Arbola bertan kokatzen baita.

[aldatu] Mugakideak

Busturialdeak mugakide hauek ditu: iparraldean, Kantauri itsasoa; mendebaldean, Mungialdea; hegoaldean, Durangaldea; eta ekialdean, Lea-Artibai.

[aldatu] Herriak

Gaztelugatxeko Doniene, Bermeo

San Antonio hondartza, Sukarrieta

Urdaibai

Hurrengo herri hauek biltzen ditu eta herriok honako biztanleria dute (2011):

Herria	Biztanleria	Lurraldea km²
Ajangiz	458	7,35
Arratzu	389	10,34
Bermeo	17.078	34,12
Busturia	1.776	19,63
Kortezubi	430	11,91
Ea	896	14,17
Elantxobe	423	1,85
Ereño	263	10,67
Errigoiti	557	16,42
Forua	1.012	7,94
Gautegiz Arteaga	879	13,57
Gernika-Lumo	16.442	8,47
Ibarrangelu	614	15,56
Mendata	381	22,39
Morga	411	17,6
Muxika	1.477	50,02
Mundaka	1.939	4,15
Murueta	308	5,45
Nabarniz	236	11,75
Sukarrieta	354	2,3

[aldatu] Inguru naturala

Urdaibai biosferako natura erreserba Busturialdean dago, Bizkaiko kostaldean. Natura erreserbaren ardatza Oka ibaiak sortutako Gernikako itsasadarra da.

Sollube (686 m) da eskualdeko mendirik altuena.

[aldatu] Euskara

Busturialdean euskal hiztunen kopuru esanguratsua dago. Izan ere, UEMAko kidea da Bermeo, mankomunitatearen herririk handienetakoa. Bai eta Ajangiz, Arratzu eta Muxika herriak ere.

Eskualdeko bertako hizkera mendebaleko euskararen aldaera bat da. Euskaldunen kopurua nahiko altua da eta Bermeoko herrigune garrantzitsuan esate baterako, euskaldunen kopurua %75,7koa da.