Udaletxeko zubia (Bilbo)

Udaletxeko zubia
Udaletxeko zubia
Zeharkatzen du	Bilboko itsasadarra
Non	Bilbo, Bizkaia
Diseinatzailea	Ignacio Rotaetxe José Ortiz de Artiñano
Diseinua	1929
Materiala	burdina
Zubibegi-kopurua	2
Pilare-kopurua	1
Luzera osoa	150
Zabalera	20
Altuera	7
Eraikitzen hasi zen urtea	1933ko urria
Eraikitzen amaitu zen urtea	1934
Irekitze-data	1934ko abenduaren 12a
Bidesaria	Ez

Udaletxeko zubia Bilboko itsasadarreko zubi altxagarria da, eskuinaldetik Castaños eta ezkerraldetik Abando lotzen dituena.

Historia

1920ko hamarkadaren bukaeran, Bilbo hedatu zen itsasadarretik eta erdigunea Udaletxearekin eta berriki anexionatutako Begoñako elizatearekin lotzeko Begoñako zubia eraiki zuten, egun Udaletxeko zubia dena.

Orduko Bilboko portua uretan gora zegoenez zubia altxagarria eraikitzea erabaki zuten itsasontziek pasa daitezen. Horrexegatik Bilboko alkatea zen Federico Moyuak udal-arkitektoa zen Ricardo Bastida (1879-1953) Chicagora bidali zion 1926an bertako zubi altxagarriak ezagutzeko. Cantilever motako zubiak modan zeuden, beso baskulagarriak dituztenak. Bastidak Michigan etorbidean zegoen zubia, 1920an Bennett, Pihlfeldt eta Young ingeniariek eraikita, ikusi eta hori aukeratu zuen. Bastidak Ignacio Rotaetxe eta José Ortiz de Artiñano ingeniariei eskatu zien zubia eraikitzea. Oraindik jatorrizko zubia zutik dabil.

Sendeja eta Sierra kaleak (egun Buenos Aires) lotzen zituen zubia hasieran Begoñako zubia hartu zuen izena. 1929an diseinatuta, lanak 1933ko urrian hasi eta Euskalduna eta Babcock & Wilcox lantegiek egin zituzten.

1934ko abenduaren 12an zabaldu zuten eta 1937ko ekainaren 17an Bilbo galdu zenean zubia dinamitaz lehertu eta gabarrak erabiliz behin behineko zubia eraiki behar zuten altxatuek. Frankistek laster hasi zituzten zubia berreraikitzeko lanak. 1941ean berriro zabaldu zuten "Mola jeneralaren zubia" izanik. 1983an jatorrizko izena berreskuratu zuen.

40,6 metroko argia, itsasadarrak beste, eta 7 metroko galibo, 150 metroko luzera eta 20 metroko zabalera (12 metroko galtzada eta 2 metroko espaloi bi) ditu. Ezkerreko muturrean maniobrak egiteko etxea dago. Behekaldetik Ibaizabal ez ezik, lehen Renfe Aldirietako trenbidea ere pasa zen. 1969an itxi eta ez da berriro ireki.