Aingira (dependentzia)
| Aingira | |||
|---|---|---|---|
| Anguilla | |||
| Ereserkia: God Save the King | |||
| Goiburua: Strength and Endurance (Indarra eta gogortasuna) | |||
| |||
| LocationAnguilla.png | |||
| Geografia | |||
| Hiriburua | The Valley 18°13′12″N 63°3′0″W | ||
| Hiririk handiena | hiriburu | ||
| Azalera | 102 (220.) | ||
| Kontinentea | Ipar Amerika | ||
| Mugakideak | baliorik ez | ||
| Administrazioa | |||
| Gobernu-sistema | Monarkia konstituzionala | ||
| Erregina | Elisabet II.a | ||
| Aingirako Premierra | Ellis Webster (en)  | ||
| Legebiltzarra | Aingirako Biltzarra | ||
| Zeren kide | |||
| Demografia | |||
| Biztanleria | 14.738 (2018) 19.079 (2023) (212.) Adierazpen errorea: Ustekabeko < eragileaAdierazpen errorea: Hitz ezezaguna "br" (2018) | ||
| Dentsitatea | 161,96 bizt/km² | ||
| Hizkuntza ofizialak | ikusi
| ||
| Erabilitako hizkuntzak | ikusi
| ||
| Ekonomia | |||
| Bestelako informazioa | |||
| Aurrezenbakia | +1264 | ||
| ISO 3166-1 alpha-2 | AI | ||
| ISO 3166-1 alpha-3 | AIA | ||
| Ordu eremua | ikusi
| ||
| Elektrizitatea | 110 V. 60 Hz.NEMA 1-15 (en) | ||
| Internet domeinua | .ai | ||
Aingira[1] (ingelesez Anguilla) Karibe itsasoan dagoen Erresuma Batuko itsasoz bestaldeko lurraldea da, Antilla Txikietan kokaturik. Uhartedian Aingira uhartea ez ezik zenbait gertuko uhartetxo daude, eta Saint Martingo uhartea hego-ekialdetik eta Birjina uharte britainiarrak mendebaldetik ditu mugakideak.
Historia
Aingira 1650ean Saint Kitts eta Nevistik etorritako ingelesek kolonizatuta izan zen. Erresuma Batuak 1825 arte zuzenki administratu zuen baina gero Saint Kitts eta Nevisi lotu zion.
1967eko uztailaren 11n autonomiari buruzko erreferendum baten bitartez, abertzaleek (1.813 alde 5 kontra) independentzia aldarrikatu zuten. Hori zela eta, 1969eko martxoaren 19tik irailaren 15 britainiar armadak uhartedia okupatu zuen. Azkenean 1971ean, Anguilla bill zeritzon legeari esker, Uharteko Biltzarra sortu zen, 1976an autonomia lortu eta 1980an Saint Kitts eta Nevistik banandu.
1992an CARICOMgo kide bihurtu zen.
Politika
Aingirak bere Konstituzio propioa du 1982ko apirilaren 1etik, 1990an berretsia.
Estatuburua Elisabet II.a erregina da eta uhartedian bere ordezkaria Alan Huckle. Uharteko Biltzarrak Lehen Ministroa hautatzen du, gaur egun Osbourne Fleming.
Aingirako alderdi politiko nagusiak hauek dira:
- Anguilla National Front (ANF)
- Anguilla National Alliance (ANA)
- Anguilla Democratic Party (ADP)
- Anguilla United Movement (AUM)
- Anguilla Strategic Alliance (ANSA)
- Anguilla Progressive Party (APP)
Banaketa administratiboa
Aingirak ez du banaketa administratiborik, uharteak dira banaketa bakarra:
- Aingira uhartea
- Anguillita
- Dog uhartea
- Little Scrub
- Prickly Pear
- Sandy uhartea
- Scrub uhartea
- Seal uhartea
- Sombrero uhartea
Geografia
Uhartedia Karibe itsasoan dago, Antilla Txikietan; Biztanleak duen uharte bakarra Aingira uhartea da, besteak hutsik daude.
Lurraldea laua da oso eta klima azpitropikala du (batez besteko tenperatura 27 °Ckoa da).
Demografia
Aingirako biztanleriaren gehiena protestantea da (gehienak anglikanoak eta metodistak) baina badago gutxiengo katolikoa ere.
Etnikoki Afrikatik ekarritako eskalbu negroideen ondorengoak dira, baina badaude gutxiengo mestizo eta kaukasoarra ere.
Erreferentziak
- ↑ Euskaltzaindia. (2012-05-25). 170. araua: Amerikako toponimia. .
Kanpo loturak
 |
Wikimedia Commonsen badira fitxategi gehiago, gai hau dutenak: Aingira (dependentzia) |
- (Ingelesez) Aingirako gobernuaren webgune ofiziala
