Santa Luzia

Artikulu hau herrialdeari buruzkoa da; beste esanahietarako, ikus Santa Luzia (argipena).

Santa Luzia Saint Lucia
Bandera Armarria
Goiburua: The Land, The People, The Light (Lurra, Jendea, Argia)
Nazio ereserkia: Sons and Daughters of Saint Lucia
Hiriburua (eta hiri handiena)	Castries 14°1′N 60°59′W
Hizkuntza ofiziala(k)	Ingelera
Gobernua Erregina Gobernadorea Lehen Ministroa	Monarkia konstituzionala Elisabet II.a Pearlette Louisy Stephenson King
Independentzia Erresuma Batutik	1979ko otsailaren 22a
Eremua • Guztira • Ura	616 km² (193) % 1,6
Biztanleria • Zenbatespena (2005) • Errolda (2005) • Dentsitatea Herritarra	160.765 (176) 160.765 298 biztanle/km² (41) santaluziar
Dirua	Karibe Ekialdeko Dolarra (XCD)
Ordu eremua  • Udan (DST)	-4 (UTC 0)
Interneteko domeinua	.lc
Telefono aurrezenbakia	+1-758

Santa Luzia Karibe itsasoan dagoen uharte-herrialdea da, Saint Vincent eta Grenadinen iparraldean eta Martinikaren hegoaldean kokatuta.

Castries da bertako hiriburua.

Geografia

Gros Piton.

Santa Luzia sumendi-uharte bat da, Karibeko beste uharteak baino askoz ere menditsuagoa. Tontor garaiena Gimie mendia da (950 m). Alabaina, uharteko mendi ezagunenak Piton izeneko mendi bikiak dira: Gros Piton eta Petit Piton. Soufrière eta Choiseul herrien artean daude, uhartearen mendebaldean.

Castries da hiriburua, uharteko biztanleriaren herena bizi den lekua. Beste herri nagusiak Gros Islet, Soufrière eta Vieux Fort dira.

Bertako klima tropikala da, ipar-ekialdeko haizeak leundua. Ekuatoretik hurbil dagoenez, tenperatura aldaketa txikiak ditu neguaren eta udaren artean. Garai lehorra urtarriletik apririlera eta garai euritsua maiatzetik abendura dira. Eguneko batez besteko tenperatura 29°C inguru da, eta gauekoa 18°C inguru. Urteko batez besteko euri kopurua 130 cm da kostaldean eta 381 cm mendiko oihanean.

Banaketa administratiboa

Sakontzeko, irakurri: Santa Luziaren banaketa administratiboa

Santa Luziako auzoak.

Santa Luzia 11 quarter edo auzotan banatua dago:

1. Anse la Raye
2. Canaries
3. Castries
4. Choiseul
5. Dennery
6. Gros Islet
7. Laborie
8. Micoud
9. Praslin
10. Soufrière
11. Vieux Fort

Politika

Commonwealth elkartekoa izanik, Santa Luziak Elisabet II.a Erresuma Batukoa du estatu-buru, uhartean gobernari orokor batek ordezkatua. Hala ere, Botere betearazlea lehen ministroaren eta honen kabinetearen esku dago. Lehen ministroa aukeratzeko, Santa Luziako Batzar Etxeko hauteskundeak egiten dira eta garaile ateratako alderdiaren burua izaten da. Batzar Etxe hoenk 17 eserleku ditu. Legebiltzarraren beste ganbera, Santa Luziako Senatua, aukeratutako 11 kide ditu.

Santa Luzia CARICOM eta OECS erakundeetako osoko kidea da.

Iruditegia

• 

  Petit Piton eta Gros Piton mendiak

• 

  Gros Piton mendia Ladera Hotel jatetxetik ikusita

• 

  Petit Piton mendia Ladera Hotel jatetxetik ikusita

• 

  Pigeon Point (Fort Rodney) lurmuturraren ikuspegia

• 

  Soufrière Bay

• 

  Hilltop kokalekuaren aireko ikuspegia

• 

  Canaries udalerriko ohiko ikuspegia: muinoetako etxeak

• 

  St Lucia hondartza

• 

  Marigot Bay badiako ikuspegia

• 

  Le Sport kokalekuaren ikuspegia

• 

  Mutikoa hondar piloan botata

Kanpo loturak

• (Euskaraz) Jalgi.com atlasa datuak, mapak eta irudiak
• (Ingelesez) CIA - World Factbook Geografia, biztanleria, politika eta ekonomia datuak.

Artikulu hau Santa Luziako geografiari buruzko zirriborroa da. Wikipedia lagun dezakezu edukia osatuz.

Amerikako herrialde eta lurraldeak
Ipar Amerika eta Karibea	Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago Dependentziak: Groenlandia (Danimarka) • Guadalupe ∙ Martinika ∙ Saint Barthelemy ∙ Saint Martin ∙ Saint Pierre eta Mikelune (Frantzia) • Aruba · Holandarren Antillak (Herbehereak) • Aingira · Bermuda · Birjina uharte britainiarrak · Kaiman uharteak · Montserrat · Turkak eta Caicoak (Erresuma Batua) • Puerto Rico · Birjina uharte amerikarrak (Ameriketako Estatu Batuak)	Hego Amerika	Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguai • Peru • Surinam • Uruguai • Venezuela Dependentziak: Guyana Frantsesa (Frantzia) • Falklandak (Erresuma Batua)