Belize

Belize
Bandera Armarria
Goiburua: Sub Umbra Floreo (Itzalpetan Loratzen naiz)
Nazio ereserkia: Land of the Free
Hiriburua	Belmopan 17°15′N 88°46′W
Hiri handiena	[[Belize Hiria]]
Hizkuntza ofiziala(k)	Ingelesa
Gobernua Monarka Gobernadore nagusia Lehen ministroa	Demokrazia parlamentarioa (Monarkia konstituzional) Elisabet II.a Colville Young Dean Barrow
Independentzia - Erresuma Batuatik	1981
Eremua • Guztira • Ura	22.966 km² (146.) % 0,7
Biztanleria • Zenbatespena (2005) • Dentsitatea Herritarra	283.000 (170.) 14 biztanle/km² (-) belizetar
Dirua	Belizeko Dolarra (BZD)
Ordu eremua  • Udan (DST)	UTC (UTC -6) Ez (UTC -6)
Interneteko domeinua	.bz
Telefono aurrezenbakia	+501

Belize Erdialdeko Amerikako estatua da, Karibeko kostan kokatua. Mendebaldean Mexikorekin egiten du muga, eta hegoaldean Guatemalarekin. 1973ra arte Britainia Handiko kolonia zen, Britainiar Honduras izenarekin, eta independentzia 1981ean lortu zuen.

Hiriburua Belmopan da.

Izena

Belize estatuaren izena Belize ibaitik datorkio. Hitz horren jatorria ez dago argi, baina badirudi Belix maia hitzetik datorrela, hau da, "ur lohia" edo "lokaztua"n.

Geografia

Topografia

Belize eskualde geografiko hartako estatu bakarra da Ozeano Bareko kostalderik ez duena, Karibe itsasora bai, ordea. Belize laukizuzen itxura du, 280 km inguru ipar-hego eta 100 km inguru ekialde-mendebalde. Estatuaren luze-zabalera 22.966 km² da, eta itsasertza 386 km luze da. Lehorreko mugak Mexikorekin (250 km) eta Guatemalarekin (266 km) ditu.

Kostaldean padura ordokiz osatua dago eta hegoaldean mendi txikiak daude: Maia mendiak. Tontor garaiena Victoria mendilerroa da (1.160 m). Hondo eta Sarstoon ibaiek mugatzen dute Belize, eta erdigunetik Belize ibaia igarotzen da. Kostaldetik gertu, luzera osoan, koralezko uharri lerroa dago, Belizeko Koralezko Barrera osatuz. Bertako uretan daude mendebaldeko hemisferioko lau atoloietatik hiru.

Klima tropikala du, hau da, oso beroa eta hezea. Urtaro euritsua maiatzetik azarora da eta urtaro lehorra otsailetik maiatzera. Ekainetik azarora zikloi ugari izaten dira.

Banaketa administratiboa

Belize sei barrutitan banatzen da:

1. Belize barrutia
2. Cayo barrutia
3. Corozal barrutia
4. Orange Walk barrutia
5. Stann Creek barrutia
6. Toledo barrutia

Barrutiak.

Kanpo loturak

• (Euskaraz) Jalgi.com atlasa datuak, mapak eta irudiak
• (Ingelesez) CIA - World Factbook Geografia, biztanleria, politika eta ekonomia datuak.