Barbados

Barbados
Bandera Armarria
Goiburua: Pride and Industry (Harrotasuna eta Industria)
Nazio ereserkia: In Plenty and In Time of Need
Hiriburua (eta hiri handiena)	Bridgetown 13° 7' I 59° 37' M
Hizkuntza ofiziala(k)	Ingelesa
Gobernua Estatu burua Gobernuburu nagusia Lehen ministroa	Monarkia konstituzionala Elisabet II.a Clifford Husbands David Thompson
Eremua • Guztira • Ura	431 km² (180.) % Baztergarria
Biztanleria • Zenbatespena (2007) • Dentsitatea Herritarra	279.912 (170.) 647 biztanle/km² (15.) barbadostar
Dirua	Barbadosko dolarra (BBD)
Ordu eremua	UTC (UTC -4)
Interneteko domeinua	.bb
Telefono aurrezenbakia	+246 oharrak=

Barbados Karibe itsasoaren eta Ozeano Atlantikoaren artean kokatuta dagoen Amerikako estatua da. Antilla Txikietako uhartea da, Haizaldeko uharteen ekialdean.

431 km²ko azalera du. 2007an, 279.912 biztanle (barbadostarrak) zituen. Hiriburua Bridgetown da. Hizkuntza ofiziala ingelesa da.

Commonwealtheko kide da.

Demografia

Barbadosen demografia-bilakaera, 1961etik.

Biztanleriaren hazkundea urteko % 0,36 da (2007). Bizi-itxaropena 76 urtekoa da: 73 urte gizonezkoek eta 78 urte emakumezkoek. Biztanleen % 99,7 alfabetatua da.

Etniak horrela banatzen dira: beltzak (% 90), zuriak (% 4), besteak (% 6).

Erlijio ofizialik ez badago ere, sinistunen ehunekoak honela banatzen dira: anglikanoak (% 33), protestanteak (% 29,8), katolikoak (% 4,4).

Ekonomia

Barbadosko ekonomia azukre-kanaberan eta azukre errefinatuaren, melazaren eta ronaren ekoizpenean eta esportazioan oinarritu da betidanik. Gobernuak ahaleginak egin ditu herrialdeak azukre-kanaberarekiko duen mendekotasuna murrizteko. Ehungintzan, altzarietan, tresna elektrikoetan eta plastikozko objektuetan oinarritzen da eskulangintza. Petrolio eta gas natural hobiak aurkitu dira azken urteetan. Arrantzaren garrantziak ere gorantz egin du. Turismorako azpiegiturak ugaritu egin dira etengabe azken urteetan. Per capitako barne-produktu gordina 11.200 dolarrekoa izan zen 1998. urtean.

Historia

Barbadosko legebiltzarra, Bridgetownen.

1966an Barbados burujabe geratu zen Commonwealth barnean. Barbadosko lehenengo gobernu autonomoa Errol Walton Barrowk (Lanaren Alderdi Demokratikoa) zuzendu zuen. 1975eko hauteskundeetan, Barbadosko Langileen Alderdiko Tom Adamsek hartu zuen aginpidea, eta hil zen arte egon zen aginpidean (1985). Urte horretan, E. Barrows lehen ministro bihurtu zen, harik eta hil zenean Erskine Sandifordek haren lekua hartu zuen arte. 1994an Owen Seymour Arthur hautatu zuten gobernuburu, eta 1996an Clifford Husbands izendatu zuen gobernuburu Elisabet II.a erreginak.

Kirola

Cricketa da Barbadosko kirol nagusia.

Barbadostar ezagunak

• Rihanna (1988-), pop-abeslaria.

Irudi galeria

• 

  Barbadosen mapa.

• 

  Bridgetowngo aldiriak eta portua.

• 

  Bridgetownetik gertuko hondartza.

• 

  Bridgetowngo High street.

Kanpo-loturak

• (Ingelesez) Barbadosko gobernuaren webgune ofiziala

Amerikako herrialde eta lurraldeak
Ipar Amerika eta Karibea	Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago Dependentziak: Groenlandia (Danimarka) • Guadalupe ∙ Martinika ∙ Saint Barthelemy ∙ Saint Martin ∙ Saint Pierre eta Mikelune (Frantzia) • Aruba · Holandarren Antillak (Herbehereak) • Aingira · Bermuda · Birjina uharte britainiarrak · Kaiman uharteak · Montserrat · Turkak eta Caicoak (Erresuma Batua) • Puerto Rico · Birjina uharte amerikarrak (Ameriketako Estatu Batuak)	Hego Amerika	Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguai • Peru • Surinam • Uruguai • Venezuela Dependentziak: Guyana Frantsesa (Frantzia) • Falklandak (Erresuma Batua)