Bertram Brockhouse

Bertram Brockhouse
Irudi gehiago
Bizitza
Jaiotza	Lethbridge (en) , 1918ko uztailaren 15a
Herrialdea	Kanada
Heriotza	Hamilton, 2003ko urriaren 13a (85 urte)
Hezkuntza
Heziketa	Columbia Britainiarreko Unibertsitatea Torontoko Unibertsitatea
Doktorego ikaslea(k)	P. K. Iyengar (en) Sow-Hsin Chen (en)
Hizkuntzak	ingelesa
Jarduerak
Jarduerak	fisikaria, unibertsitateko irakaslea eta fisikari nuklearra
Enplegatzailea(k)	Chalk River Laboratories (en)  (1950 -  1962) McMaster Unibertsitatea  (1962 -  1984)
Jasotako sariak	ikusi Royal Societyko kidea Fisikako Nobel Saria  (1994) Companion of the Order of Canada Oliver E. Buckley Condensed Matter Prize  (1962) Henry Marshall Tory Medal  (1973) Fellow of the American Physical Society Fellow of the Royal Society of Canada John Simon Guggenheim Memorial Foundation beka Dennis Gabor Medal and Prize  (1963)
Kidetza	Royal Society Suediako Zientzien Errege Akademia Arteen eta Zientzien Ameriketako Estatu Batuetako Akademia Royal Society of Canada (en) Ameriketako Fisika Elkartea

Bertram Neville Brockhouse (Lethbridge, Alberta, 1918ko uztailaren 15a - Hamilton, Ontario, 2003ko urriaren 13a) kanadar zientzialaria izan zen.

Biografia

Bigarren Mundu Gerran Kanadako itsas gudarostean borrokatu zen (1939-1945), sonar ekipoak erabiliz. Gerra amaitu ondoren, Columbia Britainiarreko Unibertsitatean ikasketak egiteko diru-laguntza bat lortu zuen, gerrako beterano gisa, eta Torontoko Unibertsitatean doktore-titulua eskuratu zuen, bertako tenperatura apaleko laborategian egindako lanengatik. 1962. urtean Hamiltongo Unibertsitateko fisikako irakasle egin zuten, baina ikerketa-lan nagusiak Ontarioko Chalk River laborategian egin zituen, 1950-1962 bitartean. Erreaktore nuklearren neutroi-jarioen inguruko lanengatik eta neutroiek materian sartzean duten portaerari buruz egindakoengatik da, batez ere, ezaguna. Brockhousek neutroi-jarioez bonbardatu zituen gai kristalinoak, eta atomoek neutroiak barreiatzen zituztela aurkitu zuen horrela. Neutroiek beiraren osagairen bat dardarazten duten energiaren bat badutela aurkitu zuen. Barreiaturiko neutroien energia neurtu zuen, eta horrela dardaren eta, horrenbestez, atomoen loturei buruzko informazioa lortu zuen. Neutroien barreiaduraren esperimentuen bitartez fonoiak aurkitu zituen, hau da, soinu edo dardara forman agertzen diren energia termaleko quantum edo "partikulak". Neutroien espektroskopiaren aitzindaria izan zen; teknika horren bidez material jakin baten egitura zein den zehatz daiteke, material hori neutroiez bonbardatuz. 1994. urtean Fisikako Nobel Saria eman zioten, neutroiak barreiatzeko tekniken alorrean egindako ekarpenengatik batez ere.

Kanpo estekak

• Datuak: Q192689
• Multimedia: Bertram Brockhouse / Q192689