Augustin Anabitarte

Augustin Anabitarte, Anabi ezizenez, (Donostia, 1891ko azaroaren 20a - Donostia, 1981eko ekainaren 4a), euskal idazlea izan zen. Euskaltzain urgazlea ere izan zen. Hainbat aldizkaritan idatzi zuen: Euskal Esnalea, Gipuzkoarra, Euskera, Gure Herria, «Euzkadi», RIEV, «Argia», etab. 1923koa da haren lehen obra, Neska-mutilleri dirua aurreratzen erakusteko; 1925ean Antziñako Olimpiar Jolasak argitaratu zuen. Baina Anabitarteren obrarik behinenak eleberriak dira: Usauri, 1929, Euskaltzaindiko Schuchardt saria; Donostia, 1932ko sari bera lortu zuena eta Poli, 1958an argitaratua. Donostiaren erakusle agertzen da Anabitarte bere idazkietan. Bidaldi kronika bat ere argitaratu zuen, Aprika-ko basamortuan (1961), Aljerian barrena egindako bidaiaren kontaketa errealista. Gaztelaniaz Patrones y capitanes de yate argitaratu zuen 1958an. Anabitarte, bestalde, argazkizalea zen eta bidaldietako erreportaiak eta erakusketak egin zituen.

Lanen zerrenda

Nobela

• Poli: mutil umezurtz baten ibillaldiak (1958, Kuliska-Itxaropena)
• Donostia (1932, Editorial Vasca)
• Usauri (1931, Editorial Vasca)

Kronika

• Aprika-ko basamortuan (1961, Kuliska-Itxaropena)

Dibulgazioa

• Neska-mutileri dirua aurreratzen erakusteko (1923, Martin eta Mena)
• Antziñako Olinpiar Jolasak (1925, Martin eta Mena)

Bilduma

• Agustin Anabitarteren idaz lanak (1986, GAK)

Hitzaldia

• Itzaldiak (1926, Martin eta Mena)

Kanpo loturak

• (Euskaraz) Augustin Anabitarte literaturaren zubitegian

Artikulu hau euskal idazle bati buruzko zirriborroa da. Wikipedia lagun dezakezu edukia osatuz.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.