Euskal Herriaren banaketa administratiboa

Wikipedia, Entziklopedia askea
Hona jauzi: nabigazioa, Bilatu
Lurraldeen banaketa eskematikoa:
██ Euskal Autonomia Erkidegoa + Trebiñu + Turtzioz ██ Nafarroako Foru Erkidegoa ██ Pirinio Atlantikoak

Euskal Herriaren banaketa administratiboa aztertzerako garaian lehenago hau bi estatu ezberdinetan eta 5 administrazio ezberdinetan dagoela ikusi behar da. Hau da, Euskal Herria ez da estatu bat eta beraz administrazio ezberdinen pean dago.

Frantziar Estatua edo Iparraldea[aldatu | aldatu iturburu kodea]


Ipar Euskal Herria

Frantziak duen banaketa administratiboa departamenduena da. Euskal Herriak 3 herrialde ditu Frantses Estatuan, Pirinio Atlantikoen departamentuan (64. departamentua).

Departamentuaren hiriburua Paue da, era berean Bearnoko hiriburua dena. Pirinio Atlantikoetako departamentuak bi lurralde ezberdin ditu modu ez-ofizialean bere barnean: Bearno eta Ipar Euskal Herria deritzona.

Pirinio Atlantikoetako departamentua Akitania Berriako eskualdean dago kokatuta (hiriburua: Bordele), eta gai asko bertan erabakitzen dira.

Ipar Euskal Herria hiru herrialdek osatzen dute:

Lapurdi[aldatu | aldatu iturburu kodea]

Sakontzeko, irakurri: «Lapurdi»
LapurdiUdalerriak.png

Lapurdi mendebaldean dagoen herrialdea da. Bere hiriburua Baiona da eta honako kantonamendu hauek ditu bere baitan: Angelu Hegoaldea, Angelu Iparraldea, Baionako Kantonamendua, Bastidako Kantonamendua, Bidaxuneko Kantonamendua, Donibane Lohizuneko Kantonamendua, Ezpeletako Kantonamendua, Hazparneko Kantonamendua, Hendaiako Kantonamendua, Hiriburuko Kantonamendua, Miarritzeko Kantonamendua eta Uztaritzeko Kantonamendua.

Nafarroa Beherea[aldatu | aldatu iturburu kodea]

Sakontzeko, irakurri: «Nafarroa Beherea»
Nafarroa Beherea.png

Nafarroa Beherea edo Baxenabarre erdian kokatzen den herrialdea da. Bere hiriburua Donibane Garazi da. Abertzale batzuentzat Nafarroa Garaiko beste merindade bat da.

Bere barnean honako kantonamenduak daude: Baigorriko Kantonamendua, Bastidako Kantonamendua, Bidaxuneko Kantonamendua, Donapaleuko Kantonamendua, Donibane Garaziko Kantonamendua, Hazparneko Kantonamendua eta Iholdiko Kantonamendua. Administraziorako Baiona du hiriburu.

Zuberoa[aldatu | aldatu iturburu kodea]

Sakontzeko, irakurri: «Zuberoa»
ZuberoaUdalerriak.png

Zuberoa edo Xiberoa herrialde guztietan txikiena eta populazio txikiena duena da. Termino adminstratiboetarako Oloroe-Donamarian daude zerbitzuak, baina hau ez dago Euskal Herrian, Bearnon baizik. Maule-Lextarre da Zuberoako hiriburua eta honako bi kantonamenduak ditu bere barnean: Atharratzeko Kantonamendua eta Mauleko Kantonamendua

Honetaz gain Zuberoatik ekialdera dauden hainbat herri (adibidez, Eskiula) euskaldun anitz duten herriak dira, eta hauetan Pastoralak ere egiten dira eta zubereraz hitz egiten da.

Espainiar Estatua edo Hegoaldea[aldatu | aldatu iturburu kodea]

Hego Euskal Herria

Espainiaren barruan lau euskal herrialde ezberdin daude:

Hala ere lau herrialde hauek ez daude unitate administratibo berdinean. Gainera Arabaren barruan dagoen Trebiñu eta Bizkaiaren barnean dagoen Villaverde Turtzioz ere aipatu behar dira, lehenak Gaztela eta Leonek administratzen baitu eta bigarrena Kantabriak.

Sailkapena, beraz, horrelakoa litzateke:

Euskal Autonomia Erkidegoa[aldatu | aldatu iturburu kodea]

Euskal Autonomia Erkidegoak (EAE) hiru foru lurralde ditu bere baitan. Hiriburua Gasteiz da.

Araba[aldatu | aldatu iturburu kodea]

Sakontzeko, irakurri: «Araba»

Arabako foru lurraldea EAEren barruan dago, baina bere barnean dagoen Trebiñuko barrendegia Gaztela eta Leongo erkidegoari dagokio. Hiriburua Gasteiz da.

Zazpi Kuadrilla edo eskualdetan zatitzen da: Agurain, Aiaraldea, Añana, Arabako Errioxa, Gasteiz, Mendialdea, eta Zuia-Gorbeialdea.

Bizkaia[aldatu | aldatu iturburu kodea]

Sakontzeko, irakurri: «Bizkaia»

Bizkaia hiru foru lurraldeetan handiena da. Bere hiriburua Bilbo da. Karrantzako eskualdean Villaverde Turtziozko barrendegia dago, Kantabriaren barnean kokatzen dena.

Gainera Bizkaiak hainbat eskualde ditu: Arratia, Bilbo Handia, Busturialdea Durangaldea, Enkarterri, Lea-Artibai, Meatzaldea, Mungialdea, Nerbioi ibarra, Txorierri eta Uribe Kosta.

Gipuzkoa[aldatu | aldatu iturburu kodea]

Sakontzeko, irakurri: «Gipuzkoa»
Gipuzkoa.png

Gipuzkoako lur guztiak EAEk administratzen ditu. Hiriburua Donostia da. Bere barnean hainbat eskualde daude euretariko bakoitzak unitate administratibo moduan funtzionatzen duelarik: Bidasoaldea, Debabarrena, Debagoiena, Donostialdea, Goierri, Oiartzualdea, Tolosaldea, Urola Erdia, Urola Garaia eta Urola Kosta.

Nafarroako Foru Erkidegoa[aldatu | aldatu iturburu kodea]

Sakontzeko, irakurri: «Nafarroako Foru Erkidegoa»
Nafarroa.png

Nafarroako Foru Erkidegoak Nafarroako herrialdea bere barne hartzen du. Euskal Herriko lurralderik handiena da hedaduraz eta hiriburua Iruñea da. Abertzaleek Iruñea Euskal Herri osoko hiriburua dela defendatzen dute.

Nafarroa Merindadeetan banatzen da. Bost merindade ditu: Lizarra, Erriberri, Iruñea, Zangoza eta Tutera.

Bestelako lurraldeak[aldatu | aldatu iturburu kodea]

Trebiñuko barrendegia[aldatu | aldatu iturburu kodea]

Trebiñuko barrendegia Arabaren barruan dagoen, baina ofizialki Gaztela eta Leongo barrendegia da. Bere hiriburu administratiboa Burgos litzateke. Bere barnean bi udalerri hartzen ditu: Trebiñuko Konderria eta Argantzun.

Villaverde Turtzioz[aldatu | aldatu iturburu kodea]

Villaverde Turtzioz Bizkaiaren barruan kokatu baina Kantabriako barrendegia da. Bere hiriburu administratiboa Santander litzateke. Bere barnean udalerri bakarra hartzen du.

Ikus, gainera[aldatu | aldatu iturburu kodea]

Portal.svg
Euskarazko Wikipedian bada atari bat, gai hau duena:
Euskal Herria



Euskal Herriko herrialdeak Bretainiako bandera

Flag of Alava.png ArabaBizkaikobanderea.svg BizkaiaGipuzkoa flag.svg GipuzkoaLapurdi.png LapurdiFlag of Navarre.svg Nafarroa GaraiaBandera Navarra.svg Nafarroa BehereaZuberoa.png Zuberoa