Zangozako merindadea

Wikipedia, Entziklopedia askea
Merindadearen kokapena Nafarroan.
Merindadeko udalerriak.

Zangozako merindadea Nafarroako ipar-ekialdeko lurraldea da. Hiriburua Zangoza da.

Mugakideak hauek ditu: iparraldean Nafarroa Beherea eta Zuberoa, mendebaldean Iruñeko merindadea, ekialdean Huescako probintzia, hegoaldean Tuterako merindadea eta hego-mendebaldean Erriberriko merindadea.

Nafarroako herrialdeko bost merindadeetan handiena da Zangozakoa. 2.070,8 km2 ditu, eta 79.757 biztanle zituen 2010ean (38,52 bizt/km2). 65 udalerrik osatua da Zangozako merindadea.

Ingurune naturala[aldatu | aldatu iturburu kodea]

Aragoi ibaiak eta haren adar diren Arga, Elortz, Ezka, Zaraitzu, Urrobi, Irati eta Erro ibaiek ureztatzen dituzte Zangozako merindadeko lurrak.

Merindadeko mendialde nagusiak Abodi, Alaitz, Nabaskozeko mendialdea, Leire, Orotz-Betelu, Kintoko mendiak eta Piriniokoak dira.

Eskualdeak[aldatu | aldatu iturburu kodea]

Udalerriak[aldatu | aldatu iturburu kodea]

Monumentuak[aldatu | aldatu iturburu kodea]

  1. Artzibar.
  2. Aria.
  3. Aribe.
  4. Eslaba.
  5. Galipentzu.
  6. Galoze.
  7. Garaioa.
  8. Garralda.
  9. Xabier.
  10. Irunberri.
  11. Nabaskoze.
  12. Noain.
  13. Otsagabia.
  14. Orbaizeta.
  15. Orbara.
  16. Orreaga.
  17. Zangoza.
  18. Tebas-Muru Artederreta.
  19. Untzitibar.
  20. Urraulgoiti.
  21. Urraulbeiti.
  22. Hiriberri .
  23. Esa.

Ekonomia[aldatu | aldatu iturburu kodea]

Pirinioetako ibarretako ekonomia-jarduera nagusiak laborantza (patata, bazkarako landareak), abere-hazkuntza (ardi-, behi-azienda) eta baso-ustiaketa dira. Handik hegoaldera- gari- eta garagar-sailak eta mahastiak dira nagusi, herriak handiago eta bilduago dira, eta elkarrengandik urrunago daude. Industria, txikia, herri nagusietan (Zangoza, Agoitz, Irunberri) bilduta dago.

Erreferentziak[aldatu | aldatu iturburu kodea]

  • Monumentuak :NAVARRA , guía y mapa. Caja de Ahorros de Navarra. ISBN : 84-505-3457-7

Kanpo estekak[aldatu | aldatu iturburu kodea]