Zabalburuko geltokia (Adif)

Wikipedia, Entziklopedia askea
Jump to navigation Jump to search

Koordenatuak: 43° 15′ 21″ N, 2° 55′ 58″ W / 43.255963°N,2.932766°W / 43.255963; -2.932766

Infobox train2.png
Zabalburu
Estación de Zabalburu (acceso).jpg
Geltokiaren bestibulua
Kokapen mapa
Lineak

« Ametzola Cercanias Logo.svg C-1 red.svg  Bilbo-Abando »
« Ametzola Cercanias Logo.svg C-2 green.svg  Bilbo-Abando »
Kokapena
Helbidea García Salazar kalea, 32; 48003
Udalerria Bilbo,  Bizkaia
Geltokiaren datuak
Kodea 13205
Gunea 0. gunea
Irekiera 1999ko martxoaren 3a
Irisgarria Geltoki ez irisgarria 
Zerbitzuak Pertsonaldun txarteldegia 
Nasa kopurua 1
Trenbide kopurua 2
Jabea ADIF
Eragilea(k) Renfe Operadora
Garraio zerbitzuak
Renfe Aldiriak C-1  Bilbo-Abando - Santurtzi
C-2  Bilbo-Abando - Muskiz
Bizkaibus A2312  Bilbo - EHU (J. de Garaitik)
A3512 Bilbo - Lekeitio (Autobidetik)
A3514  Bilbo - Zornotza - Gernika
A3515  Bilbo - Zornotza - Gernika - Bermeo
A3915 Bilbo - Durango - Ondarroa (Autobidetik)
A3916 Bilbo - Ermua - Ondarroa (Autobidetik)
A3923 Elorrio - Durango - Bilbo
A3926 Eibar - Ermua - Bilbo
A3927 Zeanuri - Lemoa - Bilbo
A3933 Durango - Bilbo (Autobidetik)
Bilbobus 30  Txurdinaga - Miribilla
71  Miribilla - San Ignazio
75  San Adrián - Atxuri
76  Artazu / Xalbador - Moyua
G5  San Adrián / Miribilla - Plaza Biribila
G7  Mina del Morro - Plaza Biribila

Zabalburu ADIFek Bilbo udalerriko Ibaiondo barrutiko Zabala auzoan duen lurgaineko tren geralekua da, Mena eta García Salazar kaleen arteko trenbidearen trintxeran hain zuzen ere. Renfe Operadora eragileak ustiatzen du, Bilboko Renfe Aldirien C-1 eta C-2 lineei dagokiela. San Mamés eta Autonomiako geltokiekin batera 1999ko martxoaren 3an inauguratu zen,[1][2] eta Renfeko Aldirien sareko 0. tarifa-gunearen barruan dago.

Kokapena[aldatu | aldatu iturburu kodea]

Geralekua, itsas mailatik 37 metrora, zabalera iberiarra duen 720. linearen (Bilbo - Santurtzi trenbidea) parte da, 0,6. puntu kilometrikoan kokatzen delarik.[3]

Sarbideak[aldatu | aldatu iturburu kodea]

Bestibulora heltzeko bi sarbide daude, trenbidearen trintxeraten alde bakoitzera sarbide bana.

  • Arrapala bidezko sarbidea Autobusa Sarbide irisgarria Mena kalea
  • Arrapala bidezko sarbidea Autobusa Sarbide irisgarria García Salazar kalea

Irisgarritasuna[aldatu | aldatu iturburu kodea]

Nahiz eta bestibulurako sarbideak irisgarriak izan, bestibulua eta nasa lotzeko eskailera mekanikoak baino ez daude, geltokia ez irisgarri bihurtuz. Arartekoak argitaratutako irisgarritasuna eta garrioaren ikerketa-diagnosiaren arabera, «Nasa geltokitik kota ezberdinera dago eta ez dago geltokia eta nasaren arteko desnibela libratzeko eraikuntza elementu edo elementu mekaniko egokirik, eskailera mekanikoak ez baitira erabilgarri Mugikortasun Urriko Pertsona erabiltzailentzako», «Mugikortasun Urriko Pertsona erabiltzaileak ezin du modu autonomoan nasa eta unitate mugikorraren plataformaren arteko desnibela libratu, nasaren muturretik trenaren plataformara arteko tartea handiegia baita», eta «Burdinbide zerbitzuen eragileak ez dio Mugikortasun Urriko Pertsona erabiltzaileari bermatzen ibilgailutik igo edota jaistea[4]

Geltokira sarbidea Mena kalea Sarbide irisgarria 
García Salazar kalea Sarbide irisgarria 
Nasara sarbidea Sarbide ez irisgarria 
Trenera sarbidea 1. trenbidea Sarbide ez irisgarria 
2. trenbidea Sarbide ez irisgarria 

Geralekua[aldatu | aldatu iturburu kodea]

Bilbao Ría 2000 erakundeak bultzatutako Aldirien Hegoaldeko Linea egitearekin batera Zabalburuko geltokia eraiki zen, hasiera batean Trenbidearen Hegoaldeko Saihesbidearen proiektuan geltokia eraikitzea aurreikusi ez bazen ere. Auzokoen eskaeren ondoren, Autonomiako geltokiarekin gertatu zen bezala, geltoki hau ere eraikitzea erabaki zen, Zabala auzoan, Ametzola eta Abandoko geltokien artean, eta azken honetatik 600 metrora. Aldirien Hegoaldeko Linearen parte diren geltokiak diseinatzeko, Bilbao Ría 2000 erakundeak leihaketa bat deitu zuen arkitekto gazte bilbotarren artean, eta Zabalburukoa eraikitzeko Eduardo Aurtenecheak aurkeztutako proiektua hautatu zen.

Eraikina trenbidearen trintxeraren gainean kokatzen den altzairuzko bolumen bat da, bestibuloa jasotzen duena, eta hormigoizko pantaila baten gainean helduta dago. Pantailak, era berean, Mena kalea (San Frantziskon) eta García Salazar kalea (Zabalburun) lotzen dituen pasabidea ere eusten du, eta bestibuloa eta beheko kotan dagoen nasa zentrala elkarlotzen dituzten eskailera mekanikoak ere jasotzen ditu. Pasabideak auzo biak lotzeaz gain bestibulora sarrera funtzioa ere egiten du.

Geralekuak bi trenbide eta nasa bakarra ditu, zentrala. Trenbideen gaineko bestibuluan txartel salmenta eta balioztatze makinak kokatzen dira.

Lotuneak[aldatu | aldatu iturburu kodea]

Geltokiaren kanpoaldean Bilbobus eta Bizkaibus zerbitzuak hornitzen dituzten hiru autobus geraleku daude. Hurrengo lineak geralekuetatik pasatzen dira:



Argazki galeria[aldatu | aldatu iturburu kodea]

Erreferentziak[aldatu | aldatu iturburu kodea]

  1. (Gaztelaniaz)  Vía Libre «Bilbao Ría 2000 cumple veinte años» . Noiz kontsultatua: 2014-08-23 .
  2.   Bilbao Ría 2000 «Línea Sur de Cercanías - El tráfico de viajeros crece un 20%» . Noiz kontsultatua: 2014-08-23 .
  3. Red ferroviaria española Sustapen Ministerioa
  4. (Gaztelaniaz)  Ararteko (PDF) ESTUDIO-DIAGNÓSTICO ACCESIBILIDAD y TRANSPORTE - Zabalburu . Noiz kontsultatua: 2018-06-26 .

Ikus, gainera[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Zabalburuko geltokia (Adif) Aldatu lotura Wikidatan

Kanpo loturak[aldatu | aldatu iturburu kodea]

Euskarazko Wikipedian bada atari bat, gai hau duena:
Bilbo