Martzelo II.a

Wikipedia(e)tik
Hona jo: nabigazioa, Bilatu
Martzelo II.a
Martzelo II.a

Martzelo II.a[1] (Montefano, Markak, 1501eko maiatzaren 6- Erroma, 1555eko maiatzaren 1), Eliza Katolikoko 222. aita santua izan zen 1555ean.

Jaiotza izenez Marcello Cervini de Spannochi, Sienan ikasi ondoren, Erromara joan zen bere formakuntza jarraitzeko. Han, 1534an, Paulo III.a aita santuaren idazkari izendatua izango da, eta honek, bere iloba Alexandro Farnesiori, Vatikanoko zuzendaritza politikoa ematen dionean, Marcello Cervini, kardinalaren idazkari pribatu eta kontseilaria izendatua izango da.

1539an, Nikastroko gotzain izendatua da, eta beranduago, Gurutze Santuaren kardinal presbitero Jerusalemen.

Trentoko kontzilioan, Karlos I.a Espainiako eta Alemaniako V.a enperadorearen aurrean, aita santuaren interesak defendatuko dituen aita santuaren ordezkarietako bat izango da.

Humanista ezaguna, artisten eta kulturaren laguna, Vatikanoko liburutegiaren arduradun izendatua izan zen, eta liburutegiko funtsak, liburu latindar, greziar eta hebrear ugarirekin gehitu zituen, eta garrantzitsuenetako batzuk inprimatu zituen.

Aitasantualdia[aldatu | aldatu iturburu kodea]

Konklabeak erabakitzen lau egun eman ondoren aita santu bezala aukeratua, bere jaiotza izena mantendu zuen, 1555eko apirilak 9an aukeratua izan ondoren. Hurrengo aita santua izango zen Paulo IV.a kardinalak sagaratua eta koroatua izan zen.

Bere aitasantualdi laburra, 22 egun baino iraun ez zuena, ez zen, kristautasuna banatzen zuten anglikanismo eta luteranismoaren arazoak konpontzeko hartu beharreko neurriak hartzeko nahikoa izan.

Giovanni Pierluigi da Palestrinak, bere Missa Papæ Marcelli ospetsua, aita santu honen omenez idatzi zuen.

San Malakiasen profeziek, aita santu honi Frumentun floccidum bezala erreferentzia egiten diote (gari zimela), bere armarrian gariaren kolorea nagusi izateari eta bere osasun kaxkarrari erreferentzia egiten diona, 22 egun baino ez baitzituen eman aita santu bezala.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Martzelo II.a Aldatu lotura Wikidatan


Aurrekoa
Julio III.a
Aita santua
1555
Ondorengoa
Paulo IV.a