Frans Eemil Sillanpää

Wikipedia(e)tik
Hona jauzi: nabigazioa, Bilatu
Frans Eemil Sillanpää
FransEemilSillanpää.jpg
Bizitza
Jaiotza Hämeenkyrö1888ko irailaren 16a
Herrialdea  Finlandia
Heriotza Helsinki1964ko ekainaren 3a (75 urte)
Hezkuntza
Hizkuntzak finlandiera
Lanbidea
Lanbidea idazlea eta eleberrigilea
Jasotako sariak
Nominazioak
IMDb nm0798072

Frans Eemil Sillanpää (Hämeenkyrö, Finlandia, 1888ko irailaren 16a - Helsinki, Finlandia, 1964ko ekainaren 3a) finlandiar idazlea izan zen.

Biografia[aldatu | aldatu iturburu kodea]

Laborari-familiakoa zen, eta natura-zientzietako ikasketak egin zituen Helsinkin. 1913an jaioterrira itzuli eta idazten hasi zen.

Lehen eleberrian, Elämä ja aurinko (1916, Bizitza eta Eguzkia), bi gazte maiteminduren udaldia deskribatzen du, baina pertsonaiak, funtsean, izadiaren agerpena besterik ez dira.

Finlandiako gerra zibilak (1918) eragin zion zirrara bere eleberririk mamitsuenaren iturburu izan zen: Hurskas kurjuus (1919, Miseria Santua), gerraren zurrunbiloan harrapaturiko nekazari xume baten historia kontatzen duena. Eleberri laburrez osaturiko liburuak argitaratu ondoren Finlandiatik kanpo ezagunena den eleberria idatzi zuen: Nuorena nukkunut (1931, Loak gazterik hartu zuen), neska gazte baten bizitza laburraz eta hartan pairatuaz diharduena. Eleberri horretan eta garai bereko gainerakoetan M. Maeterlincken mistizismoaren eragina nabarmentzen da.

Sillanpäären beste zenbait eleberri: Miehen tie (1932, Gizon baten bidea); Ihmiset suviyössä (1934, Gizakiak udako gauean), eleberri poetikoa.

1939an Literaturako Nobel saria eman zioten.

Wikimedia Commonsen badira fitxategi gehiago, gai hau dutenak: Frans Eemil Sillanpää Aldatu lotura Wikidatan

Erreferentziak[aldatu | aldatu iturburu kodea]