Richard J. Roberts

Wikipedia, Entziklopedia askea
Hona jauzi: nabigazioa, Bilatu
Richard J. Roberts
Roberts, Richard John (1943).jpg
Bizitza
Izen osoa Richard John Roberts
Jaiotza Derby1943ko irailaren 6a (74 urte)
Herrialdea  Erresuma Batua
Lehen hizkuntza ingelesa
Hezkuntza
Heziketa Sheffieldeko Unibertsitatea
Hizkuntzak ingelesa
Jarduerak
Jarduerak biologoa eta biokimikaria
Enplegatzailea(k) New England Biolabs
Harvard Unibertsitatea
Cold Spring Harbor Laboratory
Jasotako sariak
Kidetza Royal Society
European Molecular Biology Organization
Arteen eta Zientzien Ameriketako Estatu Batuetako Akademia

Richard John Roberts (Derby, Ingalaterra, 1943ko irailaren 6a) biokimikaria eta biologo molekularra da.

Bizitza[aldatu | aldatu iturburu kodea]

Sheffieldeko Unibertsitatean egin zituen kimikako ikasketak. Kimika organikoko doktoregoa eskuratu ondoren Harvardeko eta Cambridgeko unibertsitateetan aritu zen 1972. urte arte irakasle. Urte hartan, eta James D. Watson Nobel saridunak gonbidaturik, New Yorkeko Cold Spring Harbor Laboratoryko ikertaldean sartu zen, eta ikerketa-zuzendariaren laguntzaile izendatu zuten. 1992an laborategi hura utzi zuen, eta Beverly Hillsko New England Biolabs laborategietako zelula nukleodunen inguruko ikerketen zuzendari izendatu zuten.

1993an Medikuntzako Nobel Saria eskuratu zuen Phillip Sharpekin batera, geneak etenak izan daitezkeela aurkitu zutelako zeinek bere aldetik. Ordu arte zientzialariek uste izan zutenez, DNAren molekula luzearen barruan segmentu jarraitu bat zen genea, baina 1977an ikertzaile horiek ateratako ondorioei esker jakin ahal izan zen gene bakoitzak DNA zati bereiziak edo etenak izan zitzakeela bere baitan. Geneek ezer kodetzen ez duen material genetikoz osaturiko etenak edo atal luzeak izan ditzaketela eta badirela era horretako gene etenak goi-mailako izakietan aurkitu zuten. Genearen baitako atal bereiziei exon izena eman zitzaien, eta beren arteko etenari intron. Aurkikuntza hori garrantzi handikoa izan zen, batez ere material genetikoaren bilakaeraren ikerketan; herentziazko hainbat eritasun gene etenen bategite-prozesuan gertaturiko akatsen ondorioz sortuak izan daitezkeela uste dute medikuntzako adituek.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Richard J. Roberts Aldatu lotura Wikidatan