Ivan Pavlov

Ivan Pavlov
Irudi gehiago
Bizitza
Jaiotza	Riazan, 1849ko irailaren 26a
Herrialdea	Sobietar Errepublika Sozialisten Batasuna Errusiar Inperioa Errusiako Sobietar Errepublika Sozialista Federatiboa
Heriotza	Leningrad (en) , 1936ko otsailaren 27a (86 urte)
Hobiratze lekua	Literatorskie mostki (en)
Heriotza modua	: pneumonia
Familia
Ezkontidea(k)	Sara Pavlov (en)  (1881 -
Seme-alabak	ikusi Q131316718 Vera I. Pavlova (en) Q131316764 Q131316820
Hezkuntza
Heziketa	San Petersburgoko Estatu-Unibertsitatea (1870 - S. M. Kirov Military Medical Academy (en) (1875 -
Hezkuntza-maila	Candidate of Sciences (en)
Tesi zuzendaria	Elias von Cyon (en) Sergei Botkin Carl Ludwig
Doktorego ikaslea(k)	Konstantin Bykov (en) Pyotr Anokhin (en) Sergey Anichkov (en) Q4090730 Viktorin Deryabin (en) Q4192021 Alexander Samoilov (en) Natalia Traugott (en) L. V. Sobolev (en) Nikolay Rozhansky (en) Lev Pavlovich Rozanov (en)
Hizkuntzak	errusiera
Irakaslea(k)	Elias von Cyon (en)
Ikaslea(k)	ikusi Pyotr Anokhin (en) Boris Babkin (en) Konstantin Bykov (en) Nikolay Voicehovsky (en) Anatolij Georgijevič Ivanov-Smolenskij (en) Nikolay Krasnogorskiy (en) Petr Stepanovič Kupalov (en) Leon Orbeli (en) Viktorin Deryabin (en) Davyd Hlinski (en) Lev Pavlovich Rozanov (en) Gleb Anrep (en) Yevgeny Kreps (en)
Jarduerak
Jarduerak	kimikaria, medikua, fisiologoa, neurologoa eta ikertzailea
Enplegatzailea(k)	San Petersburgoko Estatu-Unibertsitatea S. M. Kirov Military Medical Academy (en)  (1890 - Institute of Experimental Medicine (en)  (1890 -
Jasotako sariak	ikusi Medikuntzako Nobel Saria  (1904) Copley Domina  (1915) Order of Saint Anna, 1st class Order of Saint Anna, 2nd class Order of Saint Stanislaus, 1st class Order of Saint Stanislaus, 2nd class Order of St. Vladimir, 4th class Order of St. Vladimir, 3rd class Cothenius Domina  (1903) Karl Ernst von Baer medal  (1900) Croonian Medal and Lecture  (1928) Foreign Member of the Royal Society  (1907ko ekainaren 6a) Baly Medal  (1905) Order of Saint Stanislaus Order of St. Vladimir Ohorezko Legioko zalduna doctor honoris causa from the University of Paris  (1925)
Influentziak	Carl Vogt
Kidetza	Royal Society Ameriketako Estatu Batuetako Zientzien Akademia Nazionala Zientzien Errusiar Akademia Sobietar Batasuneko Zientzien Akademia San Petersburgoko Zientzien Akademia Frantziako Zientzien Akademia Arteen eta Zientzien Herbehereetako Errege Akademia Alemaniako Natur Zientzien Leopoldina Akademia Académie Nationale de Médecine (en) Cambridgeko Unibertsitatea
Sinesmenak eta ideologia
Erlijioa	kristautasun ortodoxoa

Ivan Petrovitx Pavlov (errusieraz: Ива́н Петро́вич Па́влов; Riazan, 1849ko irailaren 26a^greg./irailaren 14a^jul. – Leningrado, 1936ko otsailaren 27a) errusiar mediku, fisiologo eta psikologoa izan zen. Medikuntzako Nobel saria erdietsi zuen 1904an.

Biografia

Ivan Pavlov Ryazanen, Errusian, jaio zen. Aita, Peter Dmitrievich Pavlov, herriko apaiza zen, eta ama, Varvara Ivanovna, etxeko andre. Txikitan, Pavlov mutiko gogotsua zen eta lorategian orduak eta orduak pasatzea eta bizikletaz ibiltzea asko gustatzen zitzaion. Betidanik buru bitxia izan zuen, eta natura eta animaliekin kontaktuan egotea gustuko zuen. Ez omen zitzaion inporta etxeko lanak egitea edota bere 11 anai-arrebak zaintzea.

Handitzen zuen heinean, apaiz bihurtu eta teologia karrera ikastea planteatu zuen, baina nerabezaroan, Pavlovek Charles Darwinen eta Ivan Sechenoven obrekin interesatzen hasi zen. Horrek natur zientziak ikastera motibatu zion.

1870ean San Petersburgoko unibertsitatean matrikulatu zen, fisika, matematikak eta natur zientziak ikasteko. Unibertsitate urteetan zehar, bere fisiologia irakasleak eragin handia izan zuen berarengan, eta bere bizitzan hartu nahi zuen bidea hori izango zela erabaki zuen. Pavlovek beti ikasle bikain bat izan zen. 1875ean graduatu egin zen eta bere doktorego ikasketekin jarraitu zuen medikuntza kirurgikoko akademian fisiologia ikasten jarraitzeko. 1883an fisiologian doktoratu zen San Petersburgoko Unibertsitatean. 1891-1936 bitartean San Petersburgoko Medikuntza Institutuko Fisiologia departamentua zuzendu zuen. 1895etik 1925era Fisiologiako katedraren ardura izan zuen Osasun Akademia Militarrean.

Erreflexu ikasiaren edo erantzunaren gaia aztertu zuelako da ezaguna batez ere. Hain zuzen ere, zakur gosetu batekin egin zituen saioek eman zioten ospea. Animaliak janaria ikusi eta txirrina entzuten zuen, eta horren ondorioz, listua jariatzen zuen. Ariketa bera askotan errepikatu ondoren, zakurrak txirrina entzutean listua isurtzen zuen, baita janaririk ez zuenean ere. Hortik abiatuta giza jokaeraren eta nerbio sistemaren arteko harremanak aztertu zituen.

Fisiologiako lehenengo azterketak 1888tik 1890era arte egin zituen; odol-presioa eta bihotzaren fisiologia aztertu zituen batez ere. 1898tik 1930era arte digestio sistema (listu guruinaren jarioa) aztertu zuen, eta baldintzapeko erantzunaren eta bizkarrezurraren erantzunaren arteko harremanak finkatu zituen.

1904an Medikuntzako Nobel saria eman zioten, digestio guruinei buruz egin zituen azterketengatik.

Txakurren esperimentua

Ivan Pavlov txakurrekin egin zituen esperimentuengatik ezaguna da. Nahiz eta gaur egun psikologia eta hezkuntzaren pertsona ospetsuenetariko bat izan, bere lehenengo asmoa ez zen ikaskuntza aztertzea, txakurren listu jariaketa baizik.

Bere esperimentuak egiten zituen bitartean, arreta deitu zion esperimentua behin eta berriz errepikatu ondoren, txakurrei lerdea zeriela Pavlov ikusten zutenean. Hori gertatzen zen, animaliek Pavlov atetik sartzen zen bakoitzean, edozein momentutan janaria jaso behar zutela ikasi zutelako.

Aurkikuntza horren ondorioz, fisiologoak esperimentu-sail bat bururatu zitzaion: kanpaia bat jotzea txakurrei janaria eman baino lehen, eta horrela, listu jariatua neurtzea. Pavlovek ohartu zuen txakurrak kanpai-hotsa janariarekin lotzeko entrenatuak izaten zirenean, listua jariatu behar zutela nahiz eta janaririk ez egon. Hau da, kanpai-hotsak listua eragiten zuela, janaria aurrean izan balute bezala. Esperimentuak frogatu zuen txakurren erantzun fisiologikoa (alegia, listu-jariaketa), kanpai-hotsaren estimuluari lotuta zegoela.

Irudi galeria

• 
  Ivan Pavlov eta haren emaztegaia Serafima Kartxevskaia (1880)
• 
  Mikhail Nesterov. Ivan Pavloven erretratua (1935)
• 
  Pavloven etxea (Riazan), gaur egun museoa
• 
  Pavloven txakurretako bat, museoan gordea

Kanpo estekak

• Datuak: Q42985
• Multimedia: Ivan Pavlov / Q42985