Tibalt I.a Nafarroakoaren monumentua

Tibalt I.a Nafarroakoaren monumentua
Kokapena
Herrialdea	Euskal Herria
Probintzia	Nafarroa Garaia
Udalerria	Iruñea
Koordenatuak	42°49′N 1°39′W
Historia eta erabilera
Irekiera	1935
Arkitektura

Tibalt I.a Nafarroakoaren monumentua Nafarroako Iruñea hiriburuan dagoen monumentu bat da. Larraina parkean dago. Tibalt I.a Nafarroakoaren omenezko monumentua da. Bertatik, Takonera parkeko luebakian dauden orein, pauma eta beste hainbat animali ikusgai daude.

Multzoa

Materiala: Harria. Multzoaren neurriak: 480 x 1300 x 84 cm.

Monumentua

Hamaika arku zorrotzeko arkuteria gotiko batek osatzen du arkitekturaren partea. Arkuek hirugingilak dituzte barne aldean, pilareetan eta oinarri poligonaletan bermatuta. Marcillako antzinako monasterio zistertarretik ekarria da. Jatorrizko obrari hala ikur heraldikoak nola Tibalt I.a Nafarroakoa errege koroatu zeneko VII. mendeurrena ospatzeko karaktere gotikoetan idatzitako testuak gehitu zizkioten. Errege Trobalaria irudikatzen zuen Tibalt I.aren estatua eseriak osatzen zuen monumentua. Estatua hori Victoriano Juaristi Sagartzazu donostiar mediku eta humanistak egin zuen, Atarrabiako Jose Maria Iñigo Iñarena eskultorearen laguntzaz. Eskultura ez da gaur egunera iritsi, ezta egilearen senideen eta lagunen arabera, San Miguel Klinikaren lorategietan noizbait egon zen obra honen kopia ere.

Kanpo estekak

Euskarazko Wikipedian bada atari bat, gai hau duena: Iruñea

• Tibalt I.a Nafarroakoaren monumentua. Iruñeko Udala

• Datuak: Q20492730