Iruñerriko Ibai Parkea

Iruñerriko Ibai Parkea
Arga ibaia Uharte parean
Kokapena
Eskualdea	Iruñerria, Nafarroa Euskal Herria
Hasiera	Irotz, Esteribar
Amaiera	Aratzuri, Oltza Zendea
Deskribapena
Linea	ARG
Mota	Parke eta bidegorria
Irekiera	2001
Ezaugarri teknikoak
Luzera	11 km (2001)
Gehieneko abiadura	20 km/h (txirrindulariak)
Ustiapena
Egoera	Irekia
Jabea	Iruñerriko Mankomunitatea

Iruñerriko Ibai Parkea (Argako Ibai Parkea, Iruñeko Ibai Parkea, Eskualdeko Ibai Parkea edo Ibai Parkea, batzuetan) Iruñerriko parke eta bide berdea da. 33 kilometroko luzera du, Arga, Ultzama, Elortz eta Sadar ibaien ertzean, Pirinioetako haranen (Esteribar eta Ezkabarte) eta Argako ordokiaren (Oltza Zendea) artean.

2001ean inauguratu zen, Argako Plan Integralari esker. Plan hori 1999 eta 2001 urteen artean sustatu zen, Arga ibaiaren ingurua Iruñerriko eremu hiritarrenetatik igarotzean berreskuratzeko.

60 zubi ditu, horietatik 56 Arga ibaiaren gainetik igarotzen dira, 12 Ultzama ibaiaren gainteik, 11 Sadar ibaiaren gainetik eta 5 Elortz ibaiaren gainetik.

Ibilbidea

Bizikletaz eta oinez egin daiteke ibilbide osoa, eta zati askotan ibaiaren alde bietatik.

Hasieran Elortz eta Sadar ibaietako adarrak egiten ditu ekialdetik mendebaldera Aranguren, Zizur Nagusia, eta Oltza Zendea herrietatik igarotzen. Gero Barañainera helduta, eta Arga ibaian gora joanez gero, hego-mendebaldetik ipar-ekialdera doa. Barañaindik hasita, Iruñea, Burlata, eta Atarrabiaraino doa. Eta gero Atarrabiako San Andres Errotan bi adarretan banatzen da, Arga ibaiarekin berarekin Uharte eta Zabaldikara doa eta Ultzama ibaiarekin Arre eta Soraureneraino.

Zubiak

Ibai Parkeak 72 zubi ditu, lau ibaietan zehar banatuta. Zubi gehienak oinzubiak dira, hau da, eraiki berriak. Hala ere, oraindik antzinako zubi asko daude, Iturgaitz edo Dona Grazia kasu.

Iruñerriko Ibai Parkeko zubi eta oinzubiak

Arga
Iturgaitz	Zabaldika	Zabaldika	Olloki	Uharte	Ugalaldea	Zokoa	Ugarrandia	Artandiburua	Martiket	Dorraburu	Dorraburu	Atarrabia	Areta	Burlata	Beloso	Beloso	Magdalena	Oinzubiak	Magdalena	Txantrea
Alemanes	Done Petri	Done Petri	Vergel	Arrotxapea	Plazaola	Oblatuak	Dona Grazia	Lauhaize	Hodiak	Sanduzelai	Sanduzelai	Milutze	Milutze	Landaben	Barañain	Ardoi	Zubiandia	Zubiandia	Aratzuri
Ultzama
Sorauren	Sorauren	Eusa	Azotz	Orikain	N-121	Arre	Arre	Trinitate	Ultzama	San Andres
Elortz
Arostegi	Etxabakoitz	Urdanotz	Morea	Ardoi
Sadar
Ugaldeta	Arrosadia	Unibertsitatea	Sadar	Gurutze Berdea	Azpilagaña	Nafarroa	Otsandazubia	Comedores	Azellalanda	Azellalanda

Galeria

• 

  Txirringak Iruñeko Pasarelatik

• 

  Iruñeko pasarelak

• 

  Atarrabiako SanAndres errota

• 

  Arre eta Atarrabiako muga

• 

  Parkearen bukaera Zabaldikako Iturgaitz zubian

• 

  Txindelapea iturrian (Arre, Ezkabarte)

• 

  Soraureneko zubia Ultzama ibaian parkeko mugan

• 

  Sorarureneko labe zintzilikatua

• 

  Iruñeko Magdalena zubia

• 

  Parkeko mapa Elortz ibaian, Barañainen,

Formalki ez da bide berdea

Formalki hitz egiten, ezin da esan Iruñerriko parkekoa bide berdea denik. Bide berde kontzeptuaren esanahia ez da bera herrialde guztietan, eta legalki estatu espainiarrean izen horrek formalki "trenbide trazatu zaharretan zehar doazen ibilbideak" adierazten ditu. “Vía verde” Fundación de los Ferrocarriles Españoles izenekoak Patente eta Marken Espainiar Bulegoan 1994an erregistratutako marka bat dela. Legearen indarrez, horren erabilera trenbide azpiegitura zaharretan barrena doazen ibilbideetara dago mugatuta. Frantzian aldiz Voie verte bizikleta-zidorraren parekoa da: oinezko eta zikloetarako bidea, trafiko motordunetik bereizia, espazio ireki, parke, lorategi edo basoetan zehar doana.^[3]

Ibai parke honetatik ez da inoiz trenbiderik joan. Beraz formalki ezin da esan “Vía verde” bat dela, nahiz eta oinezko eta zikloetarako bidea izan, trafiko motordunetik bereizia, espazio ireki, parke, lorategi edo basoetan zehar doana.

Ikus gainera

• Arantzadi

Kanpo estekak

• Iruñerriko Ibai Parkearen webgune ofiziala
• Iruñeko Udalaren webguneko orrialdea
• Nafarroako Turismo Bulegoko orrialdea

• Datuak: Q9055801
• Multimedia: Parque Fluvial del Arga