San Ignazio basilika

Wikipedia, Entziklopedia askea
Hona jauzi: nabigazioa, Bilatu
San Ignazio basilika

Pamplona - Basilicia de San Ignacio de Loyola 3b.jpg


San Ignazio basilikaren aurrealdea.
(kokalekuaren datuak falta dira, sartu wikidatan)
Herria San Ignazio etorbidea, Iruñea
 Nafarroa
Koordenatuak 42° 48′ 54″ N, 1° 38′ 34″ W / 42.815°N,1.64277778°W / 42.815; -1.64277778Koordenatuak: 42° 48′ 54″ N, 1° 38′ 34″ W / 42.815°N,1.64277778°W / 42.815; -1.64277778
Herrialdea Euskal Herria
Garaia XVII. mendea

San Ignazio basilika Nafarroako Iruñea hiriburuan dagoen basilika bat da.

Kokalekua[aldatu | aldatu iturburu kodea]

San Ignazio etorbidean dago, Iruñeko Bigarren Zabalgunean, eta izen bereko San Ignazio eliza eta Nafarroako jauregiaren artean.

Historia[aldatu | aldatu iturburu kodea]

XVI. mendeko Nafarroako Konkistaren ondoren Gaztela eta Aragoiko erregea zen Fernando Katolikoak leku honetan gaztelu bat eraikitzea agindu zuen[1]. Urte gutxitara, gaztelu hau Nafarroako tronuaren benetako oinordekoek erresuma birkonkistatzeko asmoz setiatu zuten (saiakera ustela izan zen). Gudu hartan, gotorlekua defendatuz borrokatu zen Ignazio Loiolakoa, eta horretan ari zela larriki zauritu zuten.

Gertaera horren oroimenez, 1601ean Cardona erregeordeak santu hori erori zen leku horretan bertan arkua eta oroitarri bat ezarri zituen (oroitarria, gaur egun, Comptos Ganberan dago); geroago, XVII. mendearen amaieraldera, kokaleku horretantxe San Ignazio basilika eraiki zen, eta lehen aipatutako oroitarria basilika horren barnealdeko horma batean jarri zuten.

1927an, San Ignazio etorbidea eraikitzeko xedez, basilikaren zati bat eraitsi zuten, honek bere jatorrizko luzeraren heren bat galdu eta aurrealdea metro batzuk atzeratu zituelarik. Basilika txikitu zenez, santua bere atzeraldian erori zen puntu zehatza adierazten zuen oroitarria kendu beharrean suertatu zen, aipatutako puntu hau (ordu arte basilikaren barnealdean zegoena) kanpoaldean gelditu baitzen, hots, kalean.

Gaur egun puntu hori lur zoruan ezarritako metalezko plaka batez adierazita dago, basilikaren aldamenean eta espaloiaren erdi-erdian. Iruñeko Alde Zaharra eta Iruñeko Bigarren Zabalgunearen arteko mugan kokatzen da.

1927an, basilikatik metro gutxira San Ignazio eliza eraiki zuten.

Erreferentziak[aldatu | aldatu iturburu kodea]

  1. San Inazio hiribidea. Pampiluna.com

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: San Ignazio basilika
Portal.svg
Euskarazko Wikipedian bada atari bat, gai hau duena:
Iruñea