Karibe itsasoa
- Artikulu hau itsasoari buruzkoa da; beste esanahietarako, ikus «Karibe».
Karibe itsasoa edo Antilletako itsasoa[1] Ozeano Atlantikoko itsaso bat da, Hego Amerikako ekialdean kokatua. Antilletako itsasoa izena ere hartzen du, Antilletako hego eta mendebaldean kokatua egoteagatik. Itsaso honetan Karibe uharteak daude.
Iparraldean Antilla Handiekin egiten du muga, Kuba, Hispaniola eta Puerto Rico. Ekialdean Antilla Txikiak, hegoaldean Venezuela, Kolonbia eta Panama, eta mendebaldean Costa Rica, Nikaragua, Honduras, Guatemala, Belize eta Mexiko.
Sakontasunik handiena Cayman sakanean du, Kuba eta Jamaika bitartean (7.685 m).
Klima
Karibeko klima tropikala da ia beti, baina alde handiak daude leku batetik bestera, leku bakoitzeko mendien garaiera, itsaslasterren edo haizeen arabera.
Ekonomia
Karibe itsasoaren inguruko herrialdeen ekonomian eragin handia du turismoak. Karibe aldea neguko turismorako munduko lurralderik garrantzizkoena bihurtu da.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/09/01 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (2012-05-25). 170. araua: Amerikako toponimia. .
Ikus, gainera
Wikimedia Commonsen badira fitxategi gehiago, gai hau dutenak: Karibe itsasoa |