Artturi Ilmari Virtanen
Wikipedia(e)tik
Artturi Ilmari Virtanen (Helsinki, Finlandia, 1895 - 1973) finlandiar biokimikaria izan zen.
[aldatu] Biografia
Helsinkiko unibertsitateko kimika-irakasle eta Helsinkiko Teknologia Unibertsitateko biokimikako ikertzaile eta irakasle izan zen. Proteina askotako bihien ekoizpena handitu eta gordetzeko sistemak hobetzeko ikerketak egin zituen batez ere, garrantzi handikoak baitira haiek negu luze gogorrak dituzten herrialdeetan. Bihitegietako hartzidura-prozesuak aztertu zituen gehienbat, eta aleak andeatzen dituzten azidotze-prozesuak eragozteko metodo bat asmatu zuen, bere izenaren laburduraz AIV deitua.
Kimikako Nobel Saria irabazi zuen 1945ean.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
