William Ramsay

Wikipedia(e)tik
Hona jo: nabigazioa, Bilatu
William Ramsay
William Ramsay
Zientzialaria
Arloa kimika
Jaio 1852ko urriaren 2a
Eskozia Glasgow (Eskozia)
Hil 1916ko uztailaren 23a
Ingalaterra High Wycombe (Ingalaterra)
Lan-erakundeak Bristolgo Unibertsitatea
Londresko Unibertsitatea

{{{beste erakundea3}}}

Lanak Gas nobleak aurkitu zituen.


Sir William Ramsay (Glasgow, 1852ko urriaren 2a - High Wycombe, 1916ko uztailaren 23a), gas nobleak aurkitu zituen kimikari eskoziarra izan zen.

Biografia[aldatu | aldatu iturburu kodea]

Sir Andrew Ramsay geologo ospetsuaren iloba zen. Glasgowen hasi zituen ikasketak baina ikasketa gorenak egitera Alemaniara joan zen, Tübingengo unibertsitatera hain zuzen ere. Williamen tesia Investigations in the Toluic and Nitrotoluic Acids (Azido toluiko eta nitrotoluikoen azterketak) izan zen.

1878an Glasgowra itzuli zen eta 1880an Bristolera jona zen bertako unibertsitateko Erretore izatera. Bristolen ezkondu zen 1881ean eta 1887an Londresko Unibertsitateko buru izendatu zuten eta bertan egin zuen lan 1913an erretiratu zen arte.

Buckinghamshireko High Wycombe herrian bizi izan zen eta 63 urte zituela hil zen minbiziz.

Lorpen zientifikoak[aldatu | aldatu iturburu kodea]

1894ean Lord Rayleighk emadako hitzaldi batetara joan zen. Bertan kimikoki sintetizaturiko eta naturan isolaturiko nitrogenoaren dentsitateen artean aldea zegoela jakin zuen. Rayleighk sustantzia bat isolatu zuela adierazi zion eta Ramsayk aztertu ondoren antzeko molekularen deskribapenik existitzen ez zela ohartu ondoren "argon" izena jarri zion.

1895ean argonaren bila ari zela, klebeita minerala azidoekin tratatu zuen eta oxigenoa eta nitrogenoa askatzean argonaren ordez marra hori bat aurkitu zuen argi espektroan, eguzkian agertzen denaren antzekoa. Sustantzia berri honi "helio" deitu zion. Isolamendu teknika berdinak erabiliz neona, kriptona eta xenona aurkitu zituen hurrengo urteetan, bai eta radona izango zenaren ezaugarriak definitu ere.

1905ean Kimikako Nobel Saria eman zioten.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: William Ramsay Aldatu lotura Wikidatan