Henry Taube

Henry Taube kanadar kimikaria izan zen, estatubatuar hiritartasuna hartu zuena (Saskatchewan, 1915 - 2005). 1940an, Kimikako doktoregoa lortu zuen Kaliforniako Unibertsitatean, eta irakasle izan zen unibertsitate horretan bertan, Cornell-eko unibertsitatean eta Chicagokoan. 1961ean, Stanfordeko Unibertsitatean sartu zen. Tauberen ikerketei esker, erreakzio inorganikoetan parte hartzen duten elektroien transferentzia-mekanismoak argitu ziren, baita izaki biziei energia ematen laguntzen dioten mekanismoak ere. 1983an, Kimikako Nobel saria lortu zuen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.