Donald A. Glaser

Wikipedia(e)tik
Hona jo: nabigazioa, Bilatu


Donald Arthur Glaser (Cleveland, Ohio, 1926ko irailaren 21a - Berkeley, Kalifornia, 2013ko otsailaren 28a) estatubatuar fisikaria izan zen.

Biografia[aldatu | aldatu iturburu kodea]

Sorterriko Teknologia Institutuan atera zuen diplomatura, eta Kaliforniako Teknologia Institutuan eskuratu zuen doktoregoa. Michigango Unibertsitateko irakaslea izan zen 1949tik 1959ra, eta Kaliforniako Unibertsitatekoa, Berkeleyn, 1959az gero.

Fisikako Nobel saria irabazi zuen 1960an, zortzi urte lehenago asmatutako burbuila-ganberari esker. Glaserrek hainbat ikerketa egin zituen Wilsonen laino-ganberari buruz, eta ganbera haren hobekuntzatik sortu zuen bere burbuila-ganbera. Asmakizun horri esker, garrantzi handiko aurrerapenak egin ahal izan ziren fisika nuklearraren alorrean. Izan ere, ganbera horrek energia handiko partikulak geldiarazten ditu, eta, horrela, aukera dago partikulek egindako ibilbidea argazki bidez jasotzeko. Burbuila-ganberaren barruan, gas likido bat dago, eta, partikula nuklearrak gai horretan bonbardatzean, burbuilazko arrasto bat sortzen da, argazkitan jaso daitekeena.


Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Donald A. Glaser Aldatu lotura Wikidatan