Nordhausen

Nordhausen
Turingia
Nordhausen eta Gurutze Santuaren katedrala
Izen ofiziala	Nordhausen
Herrialdea Estatua	Alemania Turingia
Alkatea	Barbara Rinke (SPD)
Koordenatuak	51°30′18″N 10°47′28″E
Nordhausen
Eremua	105,27 km2
Posta kodea	99734
Biztanleria	44.296 bizt.
Dentsitatea	420,78 bizt./km²
Matrikula	NDH
http://www.nordhausen.de/

Nordhausen Alemaniako Turingia estatuaren iparraldean dagoen hiria da. Harz mendien oinean dago eta Nordhäuser Doppelkorn likoreak famatu du. Garai batean tabako industria garrantzitsua ere izan zuen.

Historia

Lehenengo aipamena 927 urtekoa da baina jakina da jadanik 785ean asentamendu bat bazela bertan. Frederiko II.a Germaniako Erromatar Inperio Santukoak hiri inperial aske bihurtu zuen 1220an eta Hansa Ligan sartu zen 1430 urtean. Likoregintzan 1500 urtean hasi zen. Erreforma 1523an iritsi zen Nordhausenera, Thomas Müntzerrek ekarrita.

Nordhausen, 1640

Westfaliako Bakearen ondoren (1648) Brandenburg-Prusiaren esku gelditu zen. Napoleondar Gerretan Prusiako tropek hartu zuten Nordhausen eta hiri aske izateari utzi zion. Gerrak bukatzean Prusiaren menpeko Saxoniako probintzian sartua izan zen.

Bigarren Mundu Gerraren garaian Mittelbau-Dora kontzentrazio-esparrua ezarri zuten naziek Nordhausen kanpoaldean. Royal Air Force britainiarren bonbaketek hiriaren hiru laurdenak suntsitu eta 8.800 opertsona inguru hil ziren 1945eko apirilaren 3 eta 4 artean. Apirilaren 11ean estatubatuarrek hartu zuten hiria eta ondoren sobietarrek eskuratu zuten.

Errolanen estatua

Ondasun nabarmenak

• Gurutze Santuaren katedrala (Dom „Zum Heiligen Kreuz“): X mendeko eliza katedral bihurtu zen 1220an, Nordhausen hiri inperial askea izatean. Dorreak, kripta eta klaustroa erromanikoak dira eta nabea gotikoa.
• Errolanen estatua: XVII mendeko estatua hau hiriaren sinbolo da.

Demografia

1802 - 1946 1802 - 8.355 1821 - 9.900 1840 - 12.000 1880 - 26.198 1890 - 26.847 1933 - 37.635 1939 - 42.316 1946 - 32.848

1950 - 1996 1950 - 39.452 1960 - 39.768 1981 - 47.121 1984 - 47.176 1986 - 47.681 1994 - 48.028 1995 - 47.324 1996 - 46.750

1997 - 2004 1997 - 46.650 1998 - 46.192 1999 - 46.057 2000 - 45.633 2001 - 45.196 2002 - 44.701 2003 - 44.311 2004 - 43.894

Hiri senidetuak

Nordhausen ondorengo hiriekin senidetua dago:

• Beit Shemesh (Israel)
• Charleville-Mézières (Frantzia)
• Bochum (Alemania)
• Ostrów Wielkopolski (Polonia)

Kanpo loturak

• http://www.nordhausen.de/
• http://www.dora.de/
• http://www.stadtmagazin-nordhausen.de/dora.html
• http://www.hoeckmann.de/deutschland/thueringen.htm