Pablo Picasso

Pablo Picasso
(1962) Irudi gehiago
Ahotsa
director of Museo del Prado (en)
Bizitza
Jaiotzako izen-deiturak	Pablo Diego José Francisco de Paula Juan Nepomuceno María de los Remedios Cipriano de la Santísima Trinidad Ruiz y Picasso
Jaiotza	Málaga, 1881eko urriaren 25a
Herrialdea	Espainia
Bizilekua	Château of Vauvenarg (en) Mas Notre-Dame-de-Vie de Mougins (en) rue des Grands-Augustins (en)
Talde etnikoa	espainiarra
Lehen hizkuntza	gaztelania
Heriotza	Mas Notre-Dame-de-Vie de Mougins (en) , 1973ko apirilaren 8a (91 urte)
Hobiratze lekua	Château of Vauvenarg (en)
Heriotza modua	berezko heriotza: biriketako edema bihotz-gutxiegitasuna
Familia
Aita	José Ruiz y Blanco
Ama	Maria Picasso y López
Ezkontidea(k)	Olga Jojlova  (1918ko uztailaren 12a -  1955eko otsailaren 11) Jacqueline Roque (en)  (1961eko martxoaren 2a -  1973)
Bikotekidea(k)	ikusi Nusch Éluard Dora Maar Fernande Olivier (en) Marie-Thérèse Walter Françoise Gilot Eva Gouel (en)
Seme-alabak	ikusi Paulo Picasso (en) Maya Widmaier-Picasso (en) Claude Picasso (en) Paloma Picasso
Anai-arrebak	ikusi Lola Ruiz Picasso (en)
Familia	ikusi José Vilató Ruiz (en) (iloba) Javier Vilató y Ruiz (en) (iloba) Xavier Vilató (en) (birbiloba) Marina Picasso (biloba) Pablito Picasso (en) (biloba) Bernard Ruiz-Picasso (biloba) Florian Picasso (en) (birbiloba)
Hezkuntza
Heziketa	Escola de Arte e Superior de Deseño Pablo Picasso (en) San Fernandoko Arte Ederren Errege Akademia (1897 -
Hizkuntzak	katalana frantsesa gaztelania
Irakaslea(k)	José Ruiz y Blanco (en) Isidoro Brocos (en) Antonio Muñoz Degrain (en)
Ikaslea(k)	ikusi Kulo Green (en)
Jarduerak
Jarduerak	margolaria, eskultorea, diseinatzaile grafikoa, grabatzailea, koreografoa, zeramikaria, kartelgilea, ilustratzailea, argazkilaria, jantzi-diseinatzailea, diseinatzailea, bitxi diseinatzailea, artista grafikoa, arkitektura proiektuen marrazkilaria, muralist (en) , assemblage artist (en) , collagist (en) , eszenografoa, marrazkilaria eta gidoilaria
Parte-hartzailea documenta (en) Documenta II (en) Documenta III (en) documenta 8 (en) Modern Artists' Jewels (en) Von Picasso bis Warhol Künstlerschmuck der Avantgarde (en) From Picasso to Koons: The Artist as Jeweler (en) Medusa, Bijoux et tabous (en) De Calder à Koons, Bijoux d'Artistes, La Collection Idéale de Diane Venet (en) Jewelry by Contemporary Painters and Sculptors (en) Say Hello, Wave Goodbye (en)
Lateralitatea	ezkerra
Lantokia(k)	Paris Royan Aix-en-Provence Avignon Antibes Schoorl (en) Coruña Bartzelona eta Madril
Lan nabarmenak	ikusi Gernika Les Demoiselles d'Avignon (en) Chicago Picasso (en) Three Musicians (en) Science and Charity (en) Garçon à la pipe (en) Massacre in Korea (en)
Jasotako sariak	ikusi Bakearen Lenin Saria  (1962)
Influentziak	Henri Rousseau, Paul Cézanne, African sculpture (en) eta Maria Prymachenko (en)
Kidetza	Alemaniako Errepublika Demokratikoko Artearen Akademia Accademia delle Arti del Disegno (en)
Mugimendua	kubismoa surrealismoa postinpresionismoa
Izengoitia(k)	Pau de Gósol
Genero artistikoa	margolaria eskultorea Eskulturagintza grafikoa Zeramika diseinatzailea Arte figuratiboa Autorretratua erretratua biluzia figure (en) margolaritza historikoa margolaritza mitologikoa allegory (en) animal art (en) arte abstraktua paisaia margolaritza Itsas ikuspegia izadi hila Vanitasa
Sinesmenak eta ideologia
Erlijioa	ateismoa katoliko ez-elizkoia
Alderdi politikoa	Frantziako Alderdi Komunista

Pablo Ruiz Picasso (Málaga, Espainia, 1881eko urriaren 25a - Mougins, Itsas Alpeak, Frantzia, 1973ko apirilaren 8a), Espainiako margolari, eskultore, inprimatzaile, zeramikari eta antzerki diseinatzailea, Frantzian izan zuen artista bizitzaren zatirik handiena. XX. mendeko artistarik garrantzitsuenetariko bat izan zen, eta ezaguna da Gorges Braque frantsesarekin mugimendu kubista sortzeagatik, eskultura eraikia asmatu izanagatik, collageen asmakizunagatik, eta estilo desberdin asko garatzen eta arakatzen lagundu zuelako. Bere obrarik ospetsuenen artean daude Avignoneko andereñoak (1907) proto-kubista, eta Gernika margolanak (1937), Espainiako Gerra Zibilean alemaniar eta italiar armaden Gernikako bonbardaketaren erretratu dramatikoa.

Picassok aparteko talentua erakutsi zuen bere lehen urteetan, modu naturalean margotuz bere haurtzaroan eta nerabezaroan. XX. mendearen lehen hamarkadan, bere estiloa aldatu egin zen teoria, teknika eta ideia ezberdinekin esperimentatu zuenean. 1906. urtearen ondoren, Henri Matisse artista zaharragoaren obra fauvistak motibatu zuen Picassok estilo erradikalagoak esploratzera, bi artisten arteko lehia emankorra hasiz, gerora kritikoek sarritan arte modernoaren aitzindari izan zirela aitortuz

Picassoren lana garai ezberdinetan sailkatu ohi da. Geroago izen asko eztabaidatu diren arren, bere obran gehien onartu diren garaiak honakoak dira: Urdina (1901-1904), Arrosa garaia (1904-1906), Afrikako eragina izan zuen garaia (1907-1909), kubismo analitikoa (1909-1912), eta kubismo sintetikoa (1912-1919) edo kristal garaia ere deitua. 1910eko hamarkada amaierako eta 1920ko hamarkada hasierako Picassoren lanen zati handi bat estilo neoklasikokoa da, eta 1920ko hamarkadaren erdialdeko lanek sarritan surrealismoaren ezaugarriak dituzte. Azken aldera egindako artelanek, lehenagoko estiloetako elementuak uztartzen dituzte. Bere lanak Europa eta mundu osoko museo eta bildumetan daude. Horrez gain, beste genero batzuk ere jorratu zituen, hala nola marrazkia, grabatua, liburuen ilustrazioa, eskultura, zeramika, eta antzerki produkzioetarako jantzien eta eszenografiaren diseinua. Literatura lan labur bat ere badu.

Bere bizitza luzean aparteko emankortasuna izan zuen, eta ospe unibertsala eta dirutza izugarria lortu zuen bere lorpen artistiko iraultzaileengatik, XX. mendeko artearen pertsonaiarik ezagunenetako bat bilakatuz.

Arlo politikoan, Picassok bakezale eta komunistatzat zuen bere burua. Espainiako Alderdi Komunistako eta Frantziako Alderdi Komunistako kidea izan zen hil arte, 1973ko apirilean gertatu zena, laurogeita bat urte zituela, "Notre-Dame-de-Vie" izeneko bere etxean, Frantziako Mougins herrian. Vauvenargako (Bouches-du-Rhone)  gazteluko parkean lurperatuta dago.

Gaztaroa

Pablo Diego José Francisco de Paula Juan Nepomuceno Cipriano de la Santísima Trinidad Ruiz Picasso (bere jaiotza agiriaren arabera) edo Pablo Diego José Francisco de Paula Juan Nepomuceno María de los Remedios Crispiniano de la Santísima Trinidad Ruiz y Picasso (bere bataio ziurtagiriaren arabera), José Ruiz y Blasco eta María Picasso Lópezen lehen semea izan zen. 1881eko urriaren 25ean jaio zen Malagan, familia burges batean. Picassok bi arreba izan zituen, Dolores (1884-1958) eta Concepción (1887-1895). Bere birraitona amaren aldetik, Tommaso Picasso Italiako Sori udalerrian 1787an jaioa, Espainiara joan zen bizitzera.

1912an Paris hirian egon zen bitartean, Picasso Montmartre eta Montparnasse auzoetako lagun ospetsuen zirkuluan ibiltzen zen, hala nola André Breton poeta, Guillaume Apollinaire idazlea, Alfred Jarry, eta Gertrude Stein. Apollinaire Louvreko Mona Lisa lapurtu izanaren susmoagatik eta nazioarteko lapurreta talde bateko partaidea izateagatik atxilotu egin zuten. Apollinairek Picasso bere lagunari leporatu zion ekintza, eta honi ere galdeketa egin zioten, baina geroago biak salbuetsiak izan ziren.

Ibilbidea

1900 aurretik

1895eko neguan egin zuen bere aurreneko mihise akademiko handia, Lehen jaunartzea (Picasso museoa, Bartzelona). Bederatzi urte inguru bizi izan zen Bartzelona hirian, nahiz eta udako opor batzuk eta egonaldiak eman Madrilen eta Parisen. 1897an Zientzia eta Karitatea mihisea (Picasso museoa, Bartzelona) aurkeztu zuen Madrilgo Arte Ederretako Erakusketa Orokorrean. Udan, beste behin, oporrak Malagan igaro zituen, non paisaiak eta zezenketak margotu zituen.

Fitxategi:The Old Guitarist.jpg

Gitarra-jotzaile zaharra (1903), Chicagoko Arte Institutua.

Garai urdina: 1901-1904

Picassoren garai urdinak gutxi gorabehera 1901 eta 1904 urteen artean irauten du. Izen hori pinturen gama kromatikoa menderatzen duen kolorea delako jarri zitzaion, eta Carlos Casagemas adiskideak 1901eko otsailean bere buruaz beste egin zuenean hasi zen erabiltzen, minaz eta tristuraz beterik utzi zuelako. Casagemas artista espainiarren zirkulura maiz joaten zen, eta bere maitalea Moulin Rougeko Germaine dantzaria hiltzen saiatu ondoren suizidatu egin zen.

Garai arrosa: 1904-1906

1904ko apirilean, Picasso Parisgo Montmartre auzoan dagoen Bateau-Lavoiren kokatu zen, Paco Durrio bere lagun eskultoreak utziko zuen tailer batean. Han Bateau-Lavoiren bizi ziren beste espainiar artistekin harremanetan hasi zen, batez ere Ricardo Canalsekin, urte bereko irailean grabaketa teknika irakatsi ziona, bere emaztearekin; Manuel Huguérekin eta Totote emaztearekin, eta Ramón Pichotekin eta Germaine dantzariarekin, hain zuzen Casagemas adiskidearen suizidioaren zergatia izan zenarekin.

Picasso 1908an.

Protokubismoa: 1907-1909

1906ko abuztuan, Gósoletik itzuli zenean, Gertrude Steinen erretratura itzuli zen, lana buruz eginez Stein Italian zegoelako, eta aurpegia aldi berean maskara iberiko moduko batera murriztu zuen, geldia eta adierazkorra era berean. Picassok Gertrude Steinen erretratuaren nondik norakoak azaldu zituen: "Denek uste dute ez dela batere erretratua bezalakoa, baina ez du axola, azkenean beraren itxura izango du". Eskultura iberiarren eta saloietan ikusgai zeuden Cézanneren margolanen eraginez, Picassok formak eta bolumenak ikertzen zituen. Filadelfiako arte museoan dagoen Autorretratua paletarekin margoan ikus daiteke emaitza. Arkaismo handikoa izatez gain, 1905az geroztik Picassok metatutako influentziak ere aurreratzen zituen.

Kubismo analitikoa: 1909-1912

Avignoneko andereñoak abiapuntu bezala hartuz, 1908an Braquek eta Picassok kubismoa formulatzen amaitu zuten. Kubismoa artearen historiaren abiapuntu erradikala izan zen, gainerako abangoardia artistikoek ilusionismo piktorikoa uztera bultzatu zuena. Deskribapen naturalistak baztertzen zituen, ohiko pertzepziotik urrundutako formen konposizioen onurarako, gainazalekin eta hiru dimentsioko egiturekin jokatuz. Picassok eta Braquek hasitako teknika honek jarraitzaile ugari izan zituen, hala nola Juan Gris, Francis Picabia, Brancusi, Delaunay eta Albert Gleizes.

Kubismo sintetikoa: 1912-1919

1916an bi emakumerekin izan zituen harremanak: Gabrielle Lespinasse Montparnasseko koristarekin, gehiagora joan ez zen amodio bat, eta Elvira Paladini sentsual eta sibaritarekin, bere presentziak Italiaren nolabaiteko aurrea piztu ziona lanean. Martxoan, Apollinaire zaurituta itzuli zen gerratik, eta Picassok hainbat marrazki egin zizkion hurrengo hiru hilabeteetan erretratatuz, hala nola, Apollinairen erretratua (bilduma pribatua), estilo errealistan hau ere.

Neoklasizismoa eta surrealismoa: 1919-1929

Olgarekin ezkondu ondoren eta Pablo lehen semea izan zutenetik, Picassok familia bizitza zoriontsu batez gozatu zuen. Oso bizitza sozial aktiboa zeraman, aristokraziarekin eta Parisko adimentsuekin harremanetan, abangoardiako kritikek bere lorpen artistikoak goraipatzen zituzten, nahiz eta soilik alderdi formaletan zentratuz, bere lanen elementu intuitiboak eta psikologikoak alde batera utziz. Gizarteak eta kritikek onartuta, Picasso frantziar tradizioaren zati bezala kontsideratuta zegoen, burgesen aurkako dadaista belaunaldi berriaren gainetik, surrealista bezala ezaguna bihurtuko zen taldea ordezkatzen hasia baitzen.

Gernika eta MoMAko erakusketa: 1930-1939

Bere lanak lehen aldiz New Yorken, aurreko urtean sortutako Arte Modernoaren Museoan (MoMA), egon ziren ikusgai, "Parisen margotzen" erakusketaren baitan. Ekainean Paristik hirurogeita hamar kilometro ipar-mendebaldera zegoen Boisgeloup gaztelua erosi zuen. Horrela, Boisgeloup Marie-Thérèserekin ihes egiteko aterpea bihurtuko zen. Ukuilua eskultura estudio bat izatera modatu zuen, eta buztinez edo igeltsuarekin berriro modelatzeko nahiak zein maitale gaztearen inspirazioak, igeltsu busti handiak sortzera bultzatu zuten, zalantzarik gabe batzuk izaera sexuala zutenak.

1937ko urtarrilean, Josep Lluís Sert arkitekto katalanak horma-irudi handi batekin lankidetzan aritzeko eskatu zion, Parisko Nazioarteko Erakusketaren Espainiako Bigarren Errepublikako pabiloian. Espainiako gobernu hautatuak, Gerra Zibilean matxinatu frankistekin porrota izan zezakeen, Alemania naziaren eta Italia faxistaren laguntza ere bazutelako. Errepublikak munduari frogatu nahi zion espainiar herria eta beraien lorpenak ordezkatzen zituela. Picassok, 1936an Madrilgo Pradoko Museoko ohorezko zuzendari izateko Manuel Azaña Errepublikako presidentearen gonbidapena onartua zuen, baina hala ere hasieran ez zuen gogo larregi horma-irudia egiteko, bai proiektuaren tamainarengatik eta baita inoiz ez zuelako aurretik betekizunik onartu propagandarako. Dora Maarek otsailean pabilioi handi bat aurkitu zuen 7 Grands-Augustinsen kalean, Picassok proiektua gauzatu ahal izateko.

Bigarren Mundu Gerra eta ondoren: 1939-1949

Bigarren Mundu Gerran, Picasso Parisen egon zen alemaniarrek hiria okupatua zuten bitartean. Picassoren estilo artistikoa ez zen artearen ideal nazira egokitzen eta, beraz, ez zuen garai hartan erakusgai jarri. Gestaporen jazarpen handia izan zuen sarritan. Bere apartamentuaren bilaketa batean, ofizial batek Gernika koadroaren argazkia ikusi zuen. "Hori egin al duzu?" galdetu zion alemaniarrak Picassori. "Ez", erantzun zuen "Zuek egin zenuten".

Bere estudiora itzulita, margotzen jarraitu zuen, Oraindik bizitza gitarrarekin (1942) eta Hobi komunaren etxea (1944-48) bezalako lanak ekoizten. Alemaniarrek Parisen brontzezko galdaketa legez kanpo utzi bazuten ere, Picassok jaramonik egin gabe jarraitu zuen, Frantziako Erresistentziak beretzat brontzezko kontrabandoa lortuz.

Azken lanak eta heriotza: 1949-1973

1946an, Picasso eta Françoise Golfe-Juanera bizitzera joan ziren, eta Nizan Matisse bisitatu zuten. Uztailaren hasieran Ménerbesera joan zen Françoisekin, Dora Maarik eman zion etxera. Egunero jasotzen zituen Marie-Thérèseren eskutitzak, eta Françoise atsekabetu zenean, Marseillara alde zuen autostopean lagun batzuekin. Picassok bidean aurkitu zuen, eta itzultzeko eskatu zion, haurra izatea proposatuz. Vallauris bisitatu zuten, eta bertan zeramikazko hiru pieza modelatu zituen Georges Ramieren Madoura zeramika tailerrean.

1973an, laurogeita hamaika urte zituela, birikako edema bategatik zendu zen Mouginsen zuen etxean. Hala ere, tokiko agintariek ez zioten jauregian lurperatua izaten utzi, eta Jacqueline emazteak Picassoren jabetzakoa zen Vauvenarga gazteluan hobiratzea erabaki zuen. Handik urte batzuetara bera ere bertan ehortzia izan zen.

Ikuspegi politikoak

Bigarren Mundu Gerra amaitu ondoren, bere margolanak baikorragoak eta alaiagoak bilakatu ziren, 1946ko serie baten izenburuak bezala, bizitzeko poza sentitzen zuelako orduan. Picasso Marie-Teresarekin bizi zen Parisko matxinadan 1944ko abuztuan. Urrian, Frantziako Alderdi Komunistan sartu zen, eta urrian Udazkeneko Saloia eta Picassoren atzera begirakoa ireki zituen. Hezurtegia (New York, MoMA-Arte Modernoaren Museoa) 1945eko apirilean eta maiatzean margotu zuen, bere adiskide Robert Rius poeta surrealista gaztearen oroimenez.

Estiloa eta teknika

Picasso ikaragarri emankorra izan zen bere bizitza luzean zehar. Egindako artelanen kopurua 50.000koa dela kalkulatu daː 1.885 margolan, 1.228 eskultura, 2.880 zeramika, 12.000 inguru marrazki, milaka grabatu, eta tapiz zein alfonbra ugari.

Ondare artistikoa

Picassoren eragina oso zabala izan zen eta izaten jarraitzen du, orokorrean bere miresle eta aurkarien artean ere. 1939an MoMAn egindako atzera begirakoa zela eta, Life aldizkariak honako hau idatzi zuen: "Europako arte modernoan nagusia izan zen 25 urtetan, eta etsaiek esaten zuten eragin ustelgarria izan zuela. Indar berdinarekin, lagunek bizirik zegoen artistarik handiena zela zioten.

Pablo Picasso Málagan jaio zen 1881eko urriaren 25ean. Haren aita José Ruiz Blasco ere Málagan jaioa zen, eta margolari eta marrazkilari aritzen zen. Ama, María Picasso Lopez, Málagakoa zen orobat, eta José Ruizen lehengusua. Pablo txikitan ez zen oso ikasle ona, baina margotzeko trebetasun handia erakusten zuen. 1891n, hamar urte zituela, familia A Coruñara joan zen bere aitak Da Guarda institutuan lanpostu bat lortu baitzuen. Lau urte geroago, 1895ean, bere aitak lanpostu berri bat lortu zuen, baina Bartzelonako Escola d'Arts i Oficis de la Llotjan. Eskola honetan Pablo onartu zuten eta 1896an hamabost urte baino ez zituela bere lehenengo lantegia ipini zuen Bartzelonan.

1898an bere lehenengo banakako erakusketa egin zuen Bartzelonako Els Cuatre Gats jatetxean. 1900eko udazkenean Erakusketa Unibertsala ikusteko asmoarekin bere lehendabiziko bidaia egin zuen Parisera. Hor Petrus Mañach arte-merkatariari hiru marrazki saldu zizkion, eta honek hileko 150 libera eskaini zizkion Picassori urte beteko lanagatik, esan liteke horrekin margolari profesionala bihurtu zela.

1901ean berriro Parisera joan zen. Bertan Max Job ezagutu zuen eta bere garai urdina deitutako aldia hasi zen. 1904an azkenik Frantziako hiriburura lekualdatzea erabaki zuen. Parisen, Picassok Braque eta Apollinaire ezagutu zituen. Braquerekin kubismoa lantzen hasi zen eta 1907an Avignongo Andereñoak (Les demoisselles d'Avignon) margolana egin zuen.

1914an Lehen Mundu Gerra hastean, haren lagun Braquek eta Apollinairek armadara joan behar izan zuten. Braque udazken horretan hil zen, eta pixka bat geroago Apollinaire ere bai, buruko zauri larri baten ondorioz.

1930ean bere amari pintaturiko erretratu zahar batengatik Carnegie saria lortu zuen, eta horrek dirutza eman zion. Horrek etxe handi bat erosteko eta urtebetez Espainian zehar bidaiatzeko aukera eman zion.

1936an Espainiako Gerra Zibila hastean Picassok errepublikanoen alde sendoki egin zuen eta Prado Museoaren zuzendaritza sinbolikoki onartu zuen. 1937an Gernika margolan ezaguna egin zuen, Gernikako bonbardaketa salatzeko. 1939an New York hiriko Arte Modernoaren Museoan Picassoren erakusketa antologikoa antolatu zen.

1942an Frantziako Alderdi Komunistako kidea egin zen.

1946an bere Vallauris garaia deitutako aldia hasi zen. Aldi honetan zeramika ere lantzen hasi zen. Picassok lan egiten jarraitu zuen Frantzian 1973an hil zen arte 91 urte zituela. Lan artistiko aberatsa eta izugarri handia utzi zuen.

Lan nagusiak

• La Première Communion (1895-1896)
• Femme à la mantille (1894), Picasso Museoa, Málaga
• Autoportrait mal coiffé (1896) Picasso Museoa, Bartzelona
• Autoportrait aux cheveux courts (1896), Picasso Museoa, Bartzelona
• Autoportrait (1899-1900)
• Autoportrait Yo, Picasso (1901 udaberria), bilduma pribatua, New York
• Maternidad, Picasso (1901)
• Autoportrait : Yo (1901), John Hay Whitney bilduma, New York
• Dans un café (1902)
• Autoportrait (1901 amaiera), Picasso Museoa, Paris
• Madame Soler (1903), Pinakothek der Moderne, Munich
• Dama en Eden Concert (1903)
• Repasseuse(1903)
• La Tragédie (1903)
• La Vie (1903)
• Portrait de Jaime Sabarté (1904)
• Harlekin, assis (1905)
• Les Saltimbanques (1905)
• La Femme à l'éventail (1905)
• Portrait de Gertrude Stein (1906)
• Tête d'un jeune homme (1906)
• Tête d'une femme (1906)
• Deux nus (1906)
• Autoportrait (1906 udaberria), Gellman bilduma, Mexiko Hiria
• Autoportrait (1906 uda), bilduma pribatua
• Autoportrait à la palette (1906 uda-udazkena), Philadelphia Museum of Art, Philadelphia
• Marin, roulant une cigarette (1907)
• Autoportrait (1907 uda), Národni galeria, Praga
• Avignongo andereñoak (Les demoiselles d'Avignon) (1907), Museum of Modern Art, New York
• Nu jaune (1907)
• Coupe des fruits avec des poires et des pommes (1908)
• Maisons sur une colline (Horta de Ebro) (1909)
• Femme en vert (1909), Abbemuseum, Eindhoven, Herbehereak
• Tête de femme (Fernande) (1909), Stadel Museum, Frankfurt.
• Portrait de Georges Braque (1910)
• Violon (1912)
• Nature morte à la chaise cannée (1912 udaberria), Picasso Museoa, Paris
• Guitare et journal (1916)
• Arlequin (1917), Picasso Museoa, Bartzelona
• Olga Kokhlova à la mantille (1917), Picasso Museoa, Málaga
• Les Baigneuses (1918)
• Nature morte devant une fenêtre à St. Raphael (1919)
• Portrait de la famille Sisley (1919)
• Baignants (1920)
• Les Trois Musiciens (1921), Museum of Modern Art, New York
• Maternité (1921-1922), Picasso Museoa, Málaga
• Portrait de Paulo au bonnet blanc (1923), Picasso Museoa, Málaga
• Olga au col de fourrure (1923), Palais des Beaux-Arts de Lille
• Paul en Arlequin (1924) Picasso Museoa, Paris
• Nature morte à la charlotte (1924), Georges-Pompidou zentroa, Paris
• Buste de jeune fille (1926), Marie-Thérèse Walter-en portreta, Musée d'art moderne et contemporain, Estrasburgo
• Grand nu au fauteuil rouge (1929), Picasso Museoa, Paris
• Le Sculpteur (1931)
• La Lecture (1932)
• Minotauromachie (1935)
• Femmes lisant (1935)
• Gernika (1937) Reina Sofia museoa, Madril
• Maya à la poupée (1937), Diana Widmaier bilduma pribatua (2007ko otsailaren 27an lapurtua)
• Maya à la poupée et au cheval de bois (1938)
• La femme qui pleure (1937)
• Portrait de femme au col vert (1938), Picasso Museoa, Málaga
• Dora Maar au chat (1941), bilduma pribatua (95,2 M€ saldua 2006ko maiatzean)
• La Colombe de la paix (1949)
• Buste de femme, les bras croisés derrière la tête (1939), Picasso Museoa, Málaga
• Le Pull-over jaune (1939)
• Femme dans un fauteuil (1946), Picasso Museoa, Málaga
• Massacre en Corée (1951)
• Madame Z ou Jacqueline aux fleurs (1954), bilduma pribatua
• Jacqueline au rocking-chair (1954), Parisko pinakoteka
• Jacqueline assise (1954), Picasso Museoa, Málaga
• Jacqueline en costume turc (1955 apirila), bilduma pribatua
• Jacqueline assise (1955)
• Las Palomas (1957)
• Portait de Jacqueline (1961eko otsailaren 11), Diana Widmaier bilduma pribatua (2007ko otsailaren 27an lapurtua)
• Homme assis (1965), bilduma pribatua
• Le Matador (1970)
• Baigneuse (1971), Picasso Museoa, Málaga
• Autoportrait (30 juin 1972), Fuji Television Gallery, Tokio
• Las Meninas
• Tête d'Arlequin (15,16M$ saldua 2007an)

Ikus, gainera

• Picasso Museoak

Kanpo estekak

Museo eta erakustaretoak

• Picasso Museoa, Málaga
• Picasso Fundazioa, Jaiotetxe Museoa
• Picasso Museoa, Madrid
• Picasso Museoa, Bartzelona
• Picasso Museoa, Paris
• Picasso Museoa, Münster
• Metropolitan Museum of Arts, New York

Beste batzuk

• On-line Picasso Project
• Margolanak

• Datuak: Q5593
• Multimedia: Pablo Picasso / Q5593
• Aipu famatuak: Pablo Picasso