Erriberabeitia

Erriberabeitia
Araba
Izen ofiziala	Ribera Baja / Erribera Beitia
Estatua Erkidegoa Lurraldea Eskualdea	Espainia Euskal Autonomia Erkidegoa Araba Añanako Kuadrilla
Alkatea	Pedro Montoya Ruiz (PSE-EE)
Herritarra	erriberabeitiar
Koordenatuak	42°42′46″N 2°55′01″W
Eremua	27,74 km2
Garaiera	482 m
Distantzia	30 km Gasteiza
Posta kodea	01213
Biztanleria	1.314 bizt. (2011)
Dentsitatea	47,37 bizt./km²
Sorrera	1095
http://www.cuadrilladeanana.es/rbaja

Erriberabeitia (ofizialki Ribera Baja / Erribera Beitia) Arabako udalerria da, Añanako Kuadrillakoa eta Arabako Ibarrak eskualdekoa. Gasteiztik 30 bat kilometrora dago. Erriberabeitiko herriburua, Rivabellosa, udalerriaren erdi-hego-mendebaldean dago.

Geografia

Ingurune naturala

Mendi gutxiko erliebea du Erriberabeitiak. Baias ibaiak udalerriaren mendebaldeko muga zeharkatzen du; ekialdeko muga, aldiz, Zadorrak.

Udalerri mugakideak

• Iparraldean: Erriberagoitia.
• Hegoaldean: Armiñon eta Miranda Ebro (Burgos).
• Ekialdean: Armiñon, Berantevilla eta Trebiñu.
• Mendebaldean: Erriberagoitia eta Lantaron.

Ekonomia

Nekazaritza izan da udalerriaren ardatz ekonomiko tradizionala, gaur egun indarra galtzen ari bada ere.

Rivabellosan Arasur izeneko parke logistiko handia ireki zen 2006ko urtarrilean. Oraindik ez da guztiz bukatu, baina 2008ko hasieran 70.000 m² industria-nabe zituen jada. Rivabellosan bertan fabrikatzen dira Talgo trenen bagoiak 1964tik.

Banaketa administratiboa

Sei herrik osatzen dute udalerria:

• Igaegi
• Melledes
• Quintanilla de la Ribera
• Rivaguda
• Rivabellosa (udalerriko herriburua)
• Manzanos

Demografia

Erriberabeitiko biztanleria

1897	1900	1910	1920	1930	1940	1950	1960	1970	1981	1991	2001	2006
581	550	647	669	738	738	759	887	642	429	375	698	1.098

Kultura

Jaiak

• Maiatzaren 15a, landa- herri guztietan bezala, San Isidro eguna.
• Abuztuaren azken astean, Rivabellosako festak.

Ondasun nabarmenak

• San Juan eta Magdalena baseliza xumea, Rivabellosan. XV. mende inguruko eraikina da, gutxienez.
• Saenz de Santamaria Jauregia, Rivabellosan. Apezetxea albo batera atxikia du.
• Baias ibaia Rivabellosa parean igarotzen duen zubia. Erdi Arokoa izan daiteke, jatorrizkoa erromatarren garaikoa ei zen.
• San Eztebe eliza, XVI. mendekoa.
• Salazar jauregia, XVII. mendekoa.

Kanpo loturak

• (Gaztelaniaz) Erriberabeitiari buruzko informazioa Añanako Kuadrillaren webgunean
• (Gaztelaniaz) Erriberabeitia, Auñamendi entziklopedian.
• (Gaztelaniaz) Arasur parke logistikoaren webgunea
• (Gaztelaniaz) Rivabellosako webgunea