Kanpezu

Kanpezu
Araba
Izen ofiziala	Campezo / Kanpezu
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Araba Mendialdea
Alkatea	Aitor Aguinaga Legorburu (EAJ)
Herritarra	kanpezuar
Koordenatuak	42°40′19″N 2°20′59″W
Eremua	85,02 km2
Garaiera	600 - 1.414 m
Distantzia	38 km Gasteiza
Posta kodea	01110
Biztanleria	1.106 bizt (2007)
Dentsitatea	13,01 bizt/km²
http://www.campezo.org/index.php?ididioma=2

Kanpezu (ofizialki Campezo / Kanpezu) Arabako ekialdean dagoen udalerria da, Mendialdea eskualdeko nagusia. Gasteiztik 38 bat kilometrora dago.

Santikurutze Kanpezuko goitiko ikuspegia

Bujandako ikuspegia

Izena

Udalerria oraingo lur-eremuarekin 1965ean sortu zen, Santa Cruz de Campezo izenpean; Santikurutze bera beste hiru udalerrirekin fusionatu zen, Antoñana, Oteo eta Urbisu hain zuzen ere. Franco hil eta gero izen horren bertsio elebiduna zenbait urtetan erabili ostean 1996ko apirilaren 11n Kanpezu izena hartu zuen.

Geografia

Inguru naturala

Erliebe menditsukoa da Kanpezuko udalerria, haren iparraldean Kodesko mendilerroa dagoela. Udalerriaren eremu txiki bat Izkiko Natura Parkearen zati da.

Ega ibaiak zeharkatzen du udalerria.

Udalerri mugakideak

• Iparraldean: Bernedo eta Harana.
• Hegoaldean: Torralba del Rio eta Mendaza (Nafarroa).
• Ekialdean: Zuñiga eta Mendaza (Nafarroa).
• Mendebaldean: Bernedo eta Arraia-Maeztu.

Historia

Kanpezuko udalerriak garrantzi estrategiko militarra izan zuen Nafarroako Erresumaren mugen defentsan Gaztelako Erresumaren erasoen aurrean, Antoñanako hiribildu harresidunaren sorrerak frogatzen duen moduan.

Santikurutze Kanpezun judutegi bat zegoen, 1474ko zerga-agiriek erakusten duten moduan.

Banaketa administratiboa

Bost herrik osatzen dute Kanpezuko udalerria:

• Antoñana
• Bujanda
• Santikurutze Kanpezu (herriburua)
• Oteo
• Urbisu

Demografia

Kanpezuko biztanleria

1897	1900	1910	1920	1930	1940	1950	1960	1970	1981	1991	2001	2006
*	*	*	*	*	*	*	*	1.444	1.277	1.143	1.071	1.075

Kultura

Jaiak

• Bujandan:
  • Uztaileko lehen asteburuan, San Fausto erromeria.
• Santikurutze Kanpezun:
  • Inauteri-asteartean, Toribioren epaiketa.
  • Iraileko lehen asteburuan, herriko jaiak.
• Urbisun:
  • Ekaineko lehen asteburuan, herriko jaiak.
  • Abuztuaren erdialdera, Urbisu Euskaraz jaia.

Ondasun nabarmenak

• Antoñanako hiribildua, 1995ean Kultura Ondasun gisa Monumentu Multzo izendatua.
• San Joan de Pierolako frantziskotar komentuaren hondakinak, Oteotik hurbil. Erdi Aroan Arabako dorretxe garrantzitsuenetakoa izan zen, Mendoza eta Gebarakoekin batera.
• Santikurutze Kanpezuko Ibernalo Andre Mariaren eliza, zati erromanikoak dituena.

Kanpezuar ezagunak

• Pedro Soto García, (Urbisu, 1951ko martxoaren 14a), politikaria eta Alderdi Popularreko senataria 2000-2004 urte bitartean.

Kanpo loturak

• (Euskaraz) Kanpezuko udalaren webgunea
• (Gaztelaniaz) Kanpezu Auñamendi entziklopedian