Erriberagoitia

Erriberagoitia
Araba
Izen ofiziala	Erriberagoitia / Ribera Alta
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Araba Añanako Kuadrilla
Alkatea	Jesús Berganza González (EAJ)
Herritarra	erriberagoitiar
Koordenatuak	42°48′17″N 2°54′28″W
Eremua	119,8 km2
Garaiera	525 m
Distantzia	21 km Gasteiza
Posta kodea	01420
Biztanleria	781 bizt (2011)
Dentsitatea	6,52 bizt/km²
Sorrera	X. mendea
http://www.cuadrilladeanana.es/ralta

Erriberagoitia (ofizialki Erriberagoitia / Ribera Alta) Arabako udalerria da. Añanako Kuadrillan dago, Arabako erdi-mendebaldean. Herriburua Pobes da, Gasteiztik 21 kilometro ingurura. Nekazaritza da jarduera ekonomiko nagusia.

Badaiako parke eolikoaren ikuspegia Subilla Morillastik

Geografia

Ingurune naturala

Baias ibaiak udalerria iparretik hegora zeharkatzen du.

Eremu garaiena iparraldean dago, Arkamoko mendilerroan, 1.003-1.122 metro bitarteko altuerak dituena.

Udalerri mugakideak

• Iparraldean: Kuartango, Gaubea eta Badaiako Sierra Bravako Komunitatea.
• Hegoaldean: Erriberabeitia eta Trebiñu.
• Ekialdean: Iruña Oka eta Argantzun.
• Mendebaldean: Gaubea eta Añana.

Historia

Subilla Morillas inguruan Gobaederrako leizea dago, hainbat giza aztarna zahar eta bestelako aurkikuntzen leku.

X. mendean jada udalerriko herrien berri idatziak daude; zaharrenak Hereña eta Tuyoko izenenak dira.

Banaketa administratiboa

26 herrik osatzen dute udalerria:

• Antezana
• Anuzita
• Arbigano
• Arreo
• Artatza-Axkoeta: bi herrik osatutako kontzejua; 1927 arte Lacozmonte udalerrian.
• Barron: 1927 arte Lacozmonte udalerrian.
• Basquiñuelas
• Biloria
• Caicedo-Sopeña
• Castillo-Sopeña
• Hereña
• Lasierra
• Leziñana Oka
• Mimbredo
• Morillas
• Nuvilla
• Ormijana
• Padul
• Pobes (udalerriko herriburua)
• San Miguel
• Subilana, 1920ko hamarkada arte berezko udalerria zuen.
• Tuyo
• Villabezana edo Bezenauri
• Villaluenga
• Villambrosa

Castillo-Sopeña, Mimbredo, Nuvilla, San Miguel eta Villaluengak ez dute kontzeju-izaera administratiborik.

Demografia

Erriberagoitiko biztanleria

1897	1900	1910	1920	1930	1940	1950	1960	1970	1981	1991	2001	2006
581	550	647	669	738	738	759	887	642	429	375	698	602

Kultura

Euskara

XVI. mendea baino lehen galdu zen euskara, baina eremu zabal batean erdara izan da betidaniko hizkuntza, latinaren ondoren. Hizkuntza-banaketa, 1996an, hau izan zen: 23 euskaldun, 63 ia euskaldun eta 422 erdaldun.

Jaiak

• Abuztuaren azken asteburuan, Pobesko Zaindariarenak.
• Urriaren bigarren igandean Babarrun Nabarraren Festa ospatzen da Pobesen.

Ondasun nabarmenak

• Villabezanako Done Joane Bataiatzailearen tenpluko Arkeologia Gunea, Eusko Jaurlaritzak Kultura Ondasun gisa Monumentu izendatua.

Erriberagoitiar ezagunak

• Mauro Otxaran Alonso (Pobes, 1918 - Panama, 2005), apaiz eta misiolaria.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Kanpo-loturak

• (Gaztelaniaz) Erriberagoitiko Udalaren webgunea
• (Gaztelaniaz) Erriberagoitia Auñamendi entziklopedian