2017ko Eurovision Abesti Lehiaketa

2017ko Eurovision Abesti Lehiaketa
Lehen finalerdia	Maiatzak 9, 2017
Bigarren finalerdia	Maiatzak 11, 2017
Finala	Maiatzak 13, 2017
Egoitza	International Exhibition Centre, Kiev
Aurkezlea(k)	Oleksandr Skichko; Volodymyr Ostapchuk; Timur Miroshnychenko
Antolatzailea	Ukrainako Irrati Telebista Publikoa (UA:PBC)
Partaide kopurua	42
Irabazlea	"Amar pelos dois"; Salvador Sobral; Portugal
← Stockholm 2016	Lisboa 2018 →

International Exhibition Centre, lehiaketaren egoitza.

Salvador Sobral lehiaketako irabazlea.

2017ko Eurovision Abesti Lehiaketa urtero ospatzen den Eurovision Abesti Lehiaketaren 62. edizioa izan zen. Kieveko International Exhibition Centre erakustazokan ospatu zen, Ukrainan. Eurovision Kieven ospatzen den bigarren aldia izan zen, 2005eko lehiaketa izanik aurrekaria. Finalerdiak maiatzak 9 eta 11an ospatu ziren, eta final handia maiatzak 13an. Aurkezleak Oleksandr Skichko, Volodymyr Ostapchuk eta Timur Miroshnychenko izan ziren.

Lehiaketako garailea Salvador Sobral jazz bakarlari portugaldarra izan zen, "Amar pelos dois" kantuarekin. 1964an parte hartzen hasi zenetik, Portugalek lortutako lehen garaipena izan zen. 2007tik lehenik olerkietan ingelesik erabiltzen ez duen abesti batek irabazi zuen. Bai epaimahi profesionalen zein ikusleen telebozketaren gustokoena izan zen Portugal. Bigarren postua Bulgariako ordezkaria zen Kristian Kostov-entzat izan zen, "Beautiful Mess" kantuarekin. Moldavia ordezkatzen zuen Sunstroke Project taldea, "Hey, Mamma!" kantuarekin, hirugarren izan zen.

42 herrialde izan ziren partaide guztira. Portugal eta Errumania lehiaketara itzuli ziren urte bateko eten baten ostean. Bestalde Bosnia-Herzegovinak partaidetzari uko egin zion telebista nazionalaren arazo ekonomikoak medio. Australiari parte hartzeko gonbidapena luzatu zitzaion Europako Irrati-Telebista Batasunaren eskutik hirugarren urtez. Hasiera batean Errusiak ere parte hartu behar zuen, eta ordezkaria aukeratua zuen, Julia Samoylova, baina Ukrainako agintariek ez zioten herrialdean sartzeko baimenik eman gobernuaren arabera Krimeako penintsulara legez kanpo joana zelako 2014ko Krimeako krisiaren ostean Krimeak Errusiarekin bat egin zuenetik.

Lehiaketa[aldatu | aldatu iturburu kodea]

Lehiaketak bi finalerdi eta final bat izan zituen. Big 5 taldeko herrialdeak (Alemania, Erresuma Batua, Espainia, Frantzia eta Italia) eta herrialde antolatzailea (Ukraina) zuzenki izan ziren sailkatuak finalean. Gainontzeko herrialdeak bi finalerdien artean banatu ziren, finalerdi bakoitzeko hamar lehen sailkatuek lortu zutelarik finalerako pasea.

Finalerdiak[aldatu | aldatu iturburu kodea]

Lehen finalerdia[aldatu | aldatu iturburu kodea]

Finalerdiko partaideez gain, Espainia, Italia eta Erresuma Batuari ere egokituko zitzaien botoa ematea.

Artista partaideez gain, aurreko urteko irabazle izan zen Jamalak "1944" eta "Zamanyly" abesti zituen.


Ordena	Herrialdea	Hizkuntza	Artista	Abestia	Euskarara itzulpena	Postua	Puntuak
01	Suedia	Ingelesa	Robin Bengtsson	"I Can't Go On"	Ezin dut jarraitu	3	227
02	Georgia	Ingelesa	Tamara Gachechiladze	"Keep the Faith"	Eutsi fedeari	11	99
03	Australia	Ingelesa	Isaiah	"Don't Come Easy"	Ez dator erraz	6	160
04	Albania	Ingelesa	Lindita	"World"	Mundua	14	76
05	Belgika	Ingelesa	Blanche	"City Lights"	Hiriko argiak	4	165
06	Montenegro	Ingelesa	Slavko Kalezić	"Space"	Espazioa	16	56
07	Finlandia	Ingelesa	Norma John	"Blackbird"	Zozoa	12	92
08	Azerbaijan	Ingelesa	Dihaj	"Skeletons"	Eskeletoak	8	150
09	Portugal	Portugesa	Salvador Sobral	"Amar pelos dois"	Biongatik maitatzea	1	370
10	Grezia	Ingelesa	Demy	"This Is Love"	Hau maitasuna da	10	115
11	Polonia	Ingelesa	Kasia Moś	"Flashlight"	Linterna	9	119
12	Moldavia	Ingelesa	Sunstroke Project	"Hey, Mamma!"	Kaixo, ama!	2	291
13	Islandia	Ingelesa	Svala	"Paper"	Papera	15	60
14	Txekia	Ingelesa	Martina Bárta	"My Turn"	Nire txanda	13	83
15	Zipre	Ingelesa	Hovig	"Gravity"	Grabitatea	5	164
16	Armenia	Ingelesa	Artsvik	"Fly With Me"	Egin hegan nirekin	7	152
17	Eslovenia	Ingelesa	Omar Naber	"On My Way"	Nire bidean	17	36
18	Letonia	Ingelesa	Triana Park	"Line"	Marra	18	21

Bigarren finalerdia[aldatu | aldatu iturburu kodea]

Finalerdiko partaideez gain, Alemania, Frantzia eta Ukrainari ere egokituko zitzaien botoa ematea:


Ordena	Herrialdea	Hizkuntza	Artista	Abestia	Euskarara itzulpena	Postua	Puntuak
01	Serbia	Ingelesa	Tijana Bogićević	"In Too Deep"	Sakonegi	11	98
02	Austria	Ingelesa	Nathan Trent	"Running on Air"	Airean korrika	7	147
03	Mazedonia	Ingelesa	Jana Burčeska	"Dance Alone"	Bakarrik dantzatzea	15	69
04	Malta	Ingelesa	Claudia Faniello	"Breathlessly"	Arnasik gabe	16	55
05	Errumania	Ingelesa	Ilinca & Alex Florea	"Yodel It!"	Jodeln erara esazu!	6	174
06	Herbehereak	Ingelesa	O'G3NE	"Lights and Shadows"	Argiak eta itzalak	4	200
07	Hungaria	Hungariera	Joci Pápai	"Origo"	Jatorria	2	231
08	Danimarka	Ingelesa	Anja Nissen	"Where I Am"	Non nagoen	10	101
09	Irlanda	Ingelesa	Brendan Murray	"Dying to Try"	Saiatzeko irrikatzen	13	86
10	San Marino	Ingelesa	Valentina Monetta & Jimmie Wilson	"Spirit of the Night"	Gauaren arima	18	1
11	Kroazia	Ingelesa, Italiera	Jacques Houdek	"My Friend"	Nire laguna	8	141
12	Norvegia	Ingelesa	JOWST	"Grab the Moment"	Momentua harrapatu	5	189
13	Suitza	Ingelesa	Timebelle	"Apollo"	Apolo	12	97
14	Bielorrusia	Bielorrusiera	Naviband	"Historyja majho žyccia"	Nire bizitzaren istorioa	9	110
15	Bulgaria	Ingelesa	Kristian Kostov	"Beautiful Mess"	Nahaspila ederra	1	403
16	Lituania	Ingelesa	Fusedmarc	"Rain of Revolution"	Iraultzaren euria	17	42
17	Estonia	Ingelesa	Koit Toome & Laura	"Verona"	—	14	85
18	Israel	ingelesez	Imri	"I Feel Alive"	Bizirik sentitzen naiz	3	207

Finala[aldatu | aldatu iturburu kodea]

26 herrialdek hartu zuten parte finalean, eta 42 herrialdek eman zuten botoa.

Artista partaideez gain, aurreko urteko irabazle izan zen Jamalak "I Believe in U" kanta berria estreinatu zuen, eta Ruslanak "It's Magical" abestu zuen, eta Onuka eta Ukrainako Folk Instrumentuen Orkestra Nazionalak emanaldia eman zuten.


Ordena	Herrialdea	Hizkuntza	Artista	Abestia	Euskarara itzulpena	Postua	Puntuak
01	Israel	Ingelesa	Imri	"I Feel Alive"	Bizirik sentitzen naiz	23	39
02	Polonia	Ingelesa	Kasia Moś	"Flashlight"	Linterna	22	64
03	Bielorrusia	Bielorrusiera	Naviband	"Historyja majho žyccia"	Nire bizitzaren istorioa	17	83
04	Austria	Ingelesa	Nathan Trent	"Running on Air"	Airean korrika	16	93
05	Armenia	Ingelesa	Artsvik	"Fly With Me"	Egin hegan nirekin	18	79
06	Herbehereak	Ingelesa	O'G3NE	"Lights and Shadows"	Argiak eta itzalak	11	150
07	Moldavia	Ingelesa	Sunstroke Project	"Hey, Mamma!"	Kaixo, ama!	3	374
08	Hungaria	Hungariera	Joci Pápai	"Origo"	Jatorria	8	200
09	Italia	Italiera^{[f 1]}	Francesco Gabbani	"Occidentali's Karma"	Mendebaldarren karma	6	334
10	Danimarka	Ingelesa	Anja Nissen	"Where I Am"	Non nagoen	20	77
11	Portugal	Portugesa	Salvador Sobral	"Amar pelos dois"	Biongatik maitatzea	1	758
12	Azerbaijan	Ingelesa	Dihaj	"Skeletons"	Eskeletoak	14	120
13	Kroazia	Ingelesa, Italiera	Jacques Houdek	"My Friend"	Nire laguna	13	128
14	Australia	Ingelesa	Isaiah	"Don't Come Easy"	Ez dator erraz	9	173
15	Grezia	Ingelesa	Demy	"This Is Love"	Hau maitasuna da	19	77
16	Espainia	Gaztelania, Ingelesa	Manel Navarro	"Do It for Your Lover"	Egizu zure maitalearengatik	26	5
17	Norvegia	Ingelesa	JOWST	"Grab the Moment"	Momentua harrapatu	10	158
18	Erresuma Batua	Ingelesa	Lucie Jones	"Never Give Up on You"	Inoiz ez zuri uko egin	15	111
19	Zipre	Ingelesa	Hovig	"Gravity"	Grabitatea	21	68
20	Errumania	Ingelesa	Ilinca & Alex Florea	"Yodel It!"	Jodeln erara esazu!	7	282
21	Alemania	Ingelesa	Levina	"Perfect Life"	Bizitza perfektua	25	6
22	Ukraina	Ingelesa	O.Torvald	"Time"	Denbora	24	36
23	Belgika	Ingelesa	Blanche	"City Lights"	Hiriko argiak	4	363
24	Suedia	Ingelesa	Robin Bengtsson	"I Can't Go On"	Ezin dut jarraitu	5	344
25	Bulgaria	Ingelesa	Kristian Kostov	"Beautiful Mess"	Nahaspila ederra	2	615
26	Frantzia	Frantsesa, Ingelesa	Alma	"Requiem"	—	12	135

↑ Hitz batzuk antzinako grezieraz, ingelesez, eta sanskritoz.

Gertakariak[aldatu | aldatu iturburu kodea]

Errusiaren partaidetza[aldatu | aldatu iturburu kodea]

Julia Samoylova Errusiar abeslaria Errusia ordezkatzeko aukeratua izan zen "Flame is Burning" abestiarekin. Hala ere, Ukrainara bidaiatzeko hiru urteko debekua jazo zuen, Ukrainako Segurtasun Zerbitzuaren arabera, Ukrainako muga legez kanpo zeharkatzeagatik 2015ean Krimeara egindako bidai baten ondorioz: Krimea Ukraina eta Errusiak disputatutako penintsula bat da. Ukrainako legearen arabera, atzerritarrak Krimean Errusia bidez sartzea legez kanpokoa da. Samoylovak 2015ean Krimean emanaldi bat eman zuela baieztatu zuen.

Europako Irrati-Telebista Batasunaren erantzuna partaide guztiak Kieven abesteko gai izateko lan egiten jarraituko zuela izan zen, eta alderdien arteko hitzarmen eza tamaldu zuen. Errusiako telebista Perviy kanal-i proposamen bat egin zion Europako Irrati-Telebista Batasunak, Samoylovak satelite bidez parte hartzea Errusiarrek aukeratutako edozein lekutik, baina bai Errusiar telebistak zein Ukrainar gobernuak proposamena errefusatu zuten.

Europako Irrati-Telebista Batasuneko buruak, Ingrid Deltenre-k, Ukrainaren ekintzak gaitzetsi zituen, "Eurovisionez arrazoi politikoengatik abusatzeagaitik". Apirilak 13an Errusiako telebistak lehiaketatik erretira egiaztatu zuen.