LibreOffice

Wikipedia, Entziklopedia askea
Hona jauzi: nabigazioa, Bilatu
LibreOffice
LibreOffice Logo Flat.svg
Libreoffice writer 4.4 eu fedora 22.png
LibreOffice Write 4.4 euskaraz Fedora 22 sisteman.
Garatzailea
Informazio orokorra
Sistema anitzetan (Linux, Windows eta OS X)
bulegotika-suite
GNU LGPLv3 lizentzia eta ekarpen berriek lizentzia bikoitza (MPLv2.0)
Bai

LibreOffice bulegotika-suite aske bat da. Hainbat osagai ditu, nagusienak testu-tratamenduko programa bat (LibreOffice Writer), kalkulu-orriak editatzeko aplikazio bat (LibreOffice Calc), diapositiba aurkezpenak sortzeko aplikazio bat (LibreOffice Impress), datu-baseen kudeatzaile bat (LibreOffice Base), grafiko bektorialen editore bat (LibreOffice Draw) eta formula matematikoen editore bat (LibreOffice Math).

2010ean sortu zen, The Document Foundation (TDF) erakundeak OpenOffice.org aplikazio multzotik sorturiko adar berri modura.

Ezaugarriak[aldatu | aldatu iturburu kodea]

Bulegotika-suite honetako aplikazio nagusiak:[aldatu | aldatu iturburu kodea]

Aplikazioa Oharrak
LibreOffice 4.0 Writer Icon.svg LibreOffice Writer Testu-tratamenduko programa eraginkorra. Erosten diren Microsoft Word edo WordPerfect horien antzekoa.
LibreOffice 4.0 Calc Icon.svg LibreOffice Calc Kalkulu-orri programa. Erosten diren Microsoft Excel edo Lotus 1-2-3 horien antzekoa.
LibreOffice 4.0 Impress Icon.svg LibreOffice Impress Diapositiba aurkezpen programa, Microsoft PowerPoint ospetsuaren antzekoa. Diapositiba aurkezpenak hainbar formatutan gorde, inportatu eta esportatu daitezke, esate baterako SWF formatuko fitxategiak onartzen ditu, (Adobe Flash aplikazioarekin bateragarri).
LibreOffice 4.0 Draw Icon.svg LibreOffice Draw Grafiko bektorialen editorea eta diagramak egiteko tresna erabilgarria, Microsoft Visio horren antzekoa. CorelDRAW hasierako bertsioen parekoa dela esan izan da. Aukera ematen du hainbat diagrama mota egiteko, fluxu-diagramak esate baterako. Maketazio eta edizio aurreratua egiteko tresnak ere baditu, Scribus eta Microsoft Publisher programek dauzkaten antzekoak.
LibreOffice 4.0 Math Icon.svg LibreOffice Math Math: formula matematikoak eta matematikako idazkeraz idazteko eta editatzeko aplikazioa. XML horren aldaera bat erabiltzen du programak, OpenDocument formatu libreak definiturik. Matematikako formulak eta matematikako idazkera bereziko testuak LibreOffice paketeko bulegotika-suite-eko beste aplikazioetan, (Writer, Calc... horietan), txerta daitezke, kapsulatu daitezke.
LibreOffice 4.0 Base Icon.svg LibreOffice Base Datu baseak kudeatzeko programa, Microsoft Access horren antzekoa. Microsoft Access programarekin sorturiko datu-baseak inportatu eta esportatu daitezke, baita beste hainbat formatutakoak ere: (JET), ODBC/JDBC datu iturburuak, baita MySQL, MariaDB, PostgreSQL edo Microsoft Access ere.

XUXEN IV[aldatu | aldatu iturburu kodea]

LibreOffice aplikazioetan Xuxen txertatu daiteke. (Zuzenketa ortografiko automatikoak, sinonimoak-eta eskaintzen duen aplikazioa da Xuxen). LibreOfficen hedapenen webgunetik XUXEN IV ortografia-egiaztatzailea deskarga daiteke OXT formatuan. Hedapena instalatzeko, joan LibreOffice Writerren "Tresnak -> Hedapenen kudeatzailea..." atalera eta gehitu hedapena bertan.

Hobelex[aldatu | aldatu iturburu kodea]

Hobelex UZEI Terminologia eta Lexikografia Zentroak sortutako lexiko zuzentzaile bat da. LibreOffice 5 eta geroagoko bertsioetan txerta daiteke[1]. UZEIkoek euskararako bereziki sortutako teknologia garatu dute, Hunspell SpellChecker motor ezagunetik harago joanez. Betiere Euskaltzaindiaren eta Eusko Jaurlaritzako Terminologia Batzordearen arauak eta gomendioak betetzeko asmoa du UZEIk.

Hobelex erabiltzeak ez dauka zailtasun berezirik. Zuzentzaile ortografikoek egiten duten moduan, gaizki idatzitako hitzak gorriz azpimarratzen ditu. Horrez gain, morfologikoki ongi egon arren, baliteke hitz horrek hobetsitako beste bat izatea; horiek urdinez azpimarratuko ditu programak. Gainean klikatu eta proposamen zuzenena eskaintzen du euskarazko zuzentzaileak.

  • Deskargatzeko eta instalatzeko >> Hobelex webgunea <<
    Hobelex LibreOfficen instalatzerakoan Huspell SpellChecker motorra desgaitzea komeni da. (Ikus Hobelex eskuliburua)
  • Hobelex - Eskuliburua (Nola instalatu, nola erabili) >> Hobelex eskuliburua (9 orrialdeko pdf)

(Adi eskuliburuko 8. orrialdeko oharrari, gezi berde batekin markatuta: Hobelex gure lexiko-zuzentzaile lehenetsia izatea nahi badugu, Hunspell motorra desgaitu egin beharko).

Euskarazko bertsioa[aldatu | aldatu iturburu kodea]

The Document Foundation (TDF) erakundeak, Pootle zerbitzari baten bidez, kudeatzen ditu LibreOffice-eko itzulpenak. Euskal lokalizazioa Librezale taldeko boluntarioek eguneratzen dute[2].

LibreOfficen euskarazko itzulpenaren zati handi bat OpenOffice.org euskaratzeko proiektutik dator.

Erreferentziak[aldatu | aldatu iturburu kodea]